والله حالتهم حاله المساكين جاهم شي الله لايوريكم اياه. فيه شباب بيطلعون للبر المهم قبل لا يطلعون لازم يرتبون للطلّعه ويجهزون عفشهم وحوستهم وفي الليلة الي من بكرة بيمشون فيه أجتمعو وكان الوقت شتاء وبررررررررررررررررد يقص العظم , وفي أجتماعهم جلسو يشوفون وش ناقص وش يبون يزودون ظبطو كل شي وتواعدو بعد الفجر يمشون-طبعاً هم من سكان الرياض وبيخيّمون حول روضة نورة- جاء بعد الفجر وكل واحد قام يمر الي هو مواعد وهم عددهم 13 كلهم كملو الا بدر -معه جيب-تاخر عليهم والسبّه واحد من الشباب مالغاه المهم الباقي مشو وتواعدو فى الطريق عند محطة طريق القصيم . أبطى عليهم بدر واتصلو عليه ورد عليهم وقالهم انه فى الطريق جاي ومعه أبو الشباب اللي عطلهم وصلو المكان اللي بيخيمون فيه وطقو الخيام ونزلو حوستهم وجاهم الليل وراح بعضهم يتمشى وبعضهم نام , المهم وحوالي الساعة 10:05 وهم جالسين عند النار(الضو) مادرو الاّ هالسواد جايهم يمشي بشويش ويون تلفتو على بعض وبعضهم طقته النفاضه مايدرون وش هالّي جاهم يوم قرب الاّ وهذيك المره اللي لابسه عباة وتصيح قامو وقربو لها وسئلوها من انتي ومن وين جيتي؟ وقامت تصيح تكفون أبي أهلي . المسكينة صارو أهلها مخيمين ومشو ونسوها -من التتاكل- المهم تلفتو على بعض وش نسوي وش نسوي وثبتو على رأي انهم يودونها لأهلها وأهلها بالرياض ركبو اربعة الجيب وركبوها معهم وهم في الطريق كل واحد شايل همها -عيال حلال الله يكثر من أمثالهم قولو أمين- وصلو الرياض خافو أنهم ينزلونها عند بيتها. وخافو عليها من كلام الناس . المهم طقهم الهم وشلون ينزلونها , أقترح واحد انهم ينزلونها عند ليموزين , وواحد قال لا نوديها لبيتنا وأمي توديها لأهلها, المهم تبهذلو بهذله ماينسونها طول أعمارهم . وقررو يودونها لبيت واحد من الشباب وأهله يودونها لبيتها وهم متجهين للبيت-في حي البديعة- قامت البنت تصفق التفتو عليها كلهم يحسبونها انهبلت............................... من تتوقعون طلعت؟ بدر خويهم راعي الجيب . عاااااااااااادي وسعو صدوركم تعيشون وتاخذون أحلى منها. *8*q , بس والله ياهو مقلب وش موقفكم لو انك واحد من المنقذين؟ وش بتسوي لبدر؟ وأعذروني أن كان فيه أي شي ماصلح لكم في هالقصة باااي.
![الصورة الرمزية ][متعب الشوق ][](images/avatars/a1.gif)
العرض العادي
