الله يستر علينا ..
الستر .. ؟؟
أعرف وش تعني الكلمه ... ويعرفها الكثير غيري ... ولكن ...؟
يجيني أحساس ان الناس صارو يعرفونها بالاسم بس ...
الكل يتمناها ...ولكن مايتمناها لغيره ....
مع زحمة الشوارع ....
ومع أصوات السيارات وتأخير الاشارات ... تلاقي ناس تمر وتوقف وتطالع ...
وش تطالع ... مدري ...أهم شي فيه "حفله" صايره على الشارع ...
فيه ناس ...وفيه دوريات ...وفيه "مساكين" ...صاير لهم شي ...
"وقف وقف ...خلنا نشوف وش صاير ...؟"
والكل يوقف ..والكل يطالع ...والكل يسكر الشارع ... واذا الظروف تسمح ..
ينزل...ويصور مقطع او مقطعين ...
يمكن يحصل واحد ينزف ... أو واحد يبكي ... أو واحد مغمى عليه ...
أو بنت طارت عباتها ...يالله ...هذي فرصه ماتعوض ترى!
لا ... وبعدها ..
الله يستر علينا ...
ما أقول الا الله يسامحنا ...
موضوع اعتبره في صميم مجتمعنا السعودي-تحديدا- صحيح مهوب كل المجتمع ... بس كلنا نعرف انهم مجموعه
كبيره جدا ...!والمشكله قليل من الناس اللي يعترف بها أصلا .. وكل واحد
يدعي الكمال لنفسه ... وكأن الناس هم اللي راح يحاسبونه ….
وفي الاخر ... اذا صار للشخص موقف أوحادث – لاسمح الله – عرف وش معناة الستر!
بعض الأمور الحياتيه ودي انها تدرس للأطفال في المدارس ..
لان الطفل - للأسف - يشوفها في كل مكان
وهي مخالفه لجميع القوانين والمبادئ الاسلاميه ..والانسانيه
موضوع أعتقد يستحق المناقشه هنا .. وابداء الرأي والحلول
وأسعد الله أوقاتكم
العرض العادي
