[على هونك ترفق يا زمان الضيم والشده
على هونك ترى باسي شديد وعالى شاني
توخ أقصى الحذر ما هوب أنا اللي تقدر تحده
وأنا اللي كل ما ضاقت على المحتاج يلقاني
ولو صديت من وجهي عسى الصده هي الصده
مدام العز سيفي والمعالي صدر ميداني
وهمي يا زمن ما هوب هم اللي تكوده طولة المده
يبي من كدته يبني الطموح ابملك دكاني
وانا ماني بذاك الي الطمع به واصل حده
تبيعه زينة الدنيا بسوق الموقف الداني
ولاني با الكسول اللي تكوده طولة المده
يسوقه ياسه لدرب المهونه والتمناني
ولاني با الذليل اللي تحالا ((مدته يده))
يعيش اسنينه ابحنة افلان ومنة افلاني
ولاني واحد وده ولاكن ما هو بوده
يبي يتعب ومرات يبي رزقه يجي عاني
انا رجل وقف حضه ووقته والامل ضده
ووقف ضدها مثل الحديد ((يموت ما لاني))
عزيز لقمه اعياله يبللها بعرق خده
قنوع عزته كنز يضاهي كل الاثماني
كريم وان عطا يعطي ولكن مدته قده
يجود بكل ما يملك ويرقد جايع وهاني
صبور لو على موته يموت وما انهزم سده
معنز امره الواحد ولا غير الصمد ثاني
يسامح راعي الزله والى انعادت لعن جده
ويدمح غلطة الصاحب ولو تاتيه بلعاني
حليم لا غضب يدعي الحليم يشد ازر عبده
يهونها والى كبرت غدا من الف شيشاني
شجاع يفخر بربعه هل الخيل وهل الرده
رجال فعلهم عطر صدر تاريخ الازماني
توخ الحذر واحذر تقول اتهزني الشده
ترى لي لابة تجبر عزيز النفس ينهاني[/COLOR][/SIZE][/FONT][/ALIGN][/ALIGN][/ALIGN][/ALIGN]
العرض العادي
