الذكريات الماجنة ... في زمن الفراعنة

ميــ قمر14ــشو · 10-11-2002, 06:30 PM

السلام عليكم ورحمة الله وبركاته

كنت أنا وفرعون نتمشى في مصر ونتفقد الأهرامات .... وبالطريق قابلنا قارون ...

قال قارون لفرعون : اللحين أنت ماودك تبيعني ذا الأهرامات ...

فرعون : أقول طس عني بس ... هذي أخر ما أملك من الدنيا ...

قارون : طيب ... اااا أقل شي أبو الهول .... وش قلت أنادي العمال يجون ينقلونه لمخازني ؟؟؟ ...

فرعون : والله ماتحلم فيه ياشيخ .... هذا أبو الهول مكلفني ست ألاف ((برونق)) =====> عملتهم ..

قارون : ياخي انا مستعد أعطيك عشرين ألف بس بيعني إياه ... وش قلت؟

فرعون : أقول ...ضف وجهك ..والوعد الليلة عند نورسانة .. فيه صكة بلوت يحبها قلبك .... وبيجي هتلر ورامبو ...

قارون : لا والله ؟ ... أجل أبمر إبليس وأجيكم ....الله يعينكم علينا بس ...

يوم مشى قارون ويلتفت علي فرعون ...

فرعون : هاه... قدها ؟ ..

أنا : عند وجهك ... أبشر والله باللي نقول بهم ....
ونمر على النيل ...

ويقول فرعون : شف ..شف ذيك الشق ...

أنا : ياهووووووووووووه ..ياويل قلبي ياحياة الشقى ياشيخ ...
فرعون : هاه فيك شدة ترقيم ؟

أنا : قدااااااااااام ...

وأخذ لي حصاة وأنقش عليها الرقم ( غزالين نعامة ثلاث فيلة جربوع جربوع ) ...
وأنشب الحصاة في خشمها ...وهي اللي ماكذبت خبر .... وتجيتي وتمسك يدي وتسحبني ..وش أشوي حبتني .... بس أنا رفستها وقلت وش ذا ماقد احد عطاك وجه قبل كذا ...
قالت : ياحياتي ...ليه تتغلى علي ...
أنا : أقول عمري ....يابعد قلبي .. أنتي ماقد أحد دعس رجله بحلقك ...يالله فارقي عني بس ... والله اللي ماصدقت ؟؟؟

وامشي أنا وفرعون وهو وده يجلدني لأني صرفتها وكرشتها ....

وأناظر بعيري وإلاه بنزينه حول مايخلص ... ويوم شفت اننا عند النيل ...قلت ياولد عب البنزين ... وأمر على أبو هنود ... وأسأل عن تسعيرة اليوم .... ويقول لي : 52 رونق صديق ..

وأشوف فرعون يطلع كرت وزراة الإنتفاع ويعبي لين أمتلا سنام البعير ... وأنا انقد الـ 52 رونق وأنا ميت من القهر من ذا النذل لأنه ماعبى لي ...

ونفترق أنا وياه كل واحد يروح يشوف شغلة على أساس نشوف بعض الساعة 55 زوالي ....

وأخلص شغلي وأناظر الساعة وألقاها 55 زوالي إلا دقيقتين .. وأركب البعير وأمشي ست ألاف عقدة بالساعة ...

وأدخل عليهم بأستراحة نورسانة ...

وأشوا أنهم مابعد بدأو اللعب ...

وألقى مسيلمة الكذاب منسدح عند الدش ويقلب ذا القنوات مابين (( قانة قات )) و (( قناة داير شنو )) .

والملعون كل شوي يهيضنا يقول جت وحدة طلق فشقة وأذا ناظرنا مانلقى إلا رقصات شعبية وأهازيج ...

والله وأتعوذ من ...ويسد فمي قارون قبل لا أكمل ....
ويقول : خير .... ناوي تطير الرجال ...( يقصد إبليس ) ..

قلت : هه .. ما أنتبهت وراه مختفي عاد ورا مايظهر عشان ندري انه موجود ..
وأحس ان واحد يحك أذني ..وألتفت ماالقى أحد ... وأقعد أهاوش ... طلع إبليس يمزح معي هو ووجهه ... وأنا مالي خلقة ..

وأزاعق على الشاب : هاه شباااب .... أربعة ؟ ...

ويقوم فرعون ويجي قدامي .. ويتقابل قارون وإبليس ...

وينقز هتلر يضبط له رأس معسل ...
ورامبو يوم شاف انه مهوب لاعب الحين ويروح يتسلق نخلة السكري ويلقحها ... من زود النشاط اللي فيه ...

ونبدأ اللعب كان حماس قي البداية . ومن أول طقة طلعت فنون اللعب وبدأ الغش والخنبقة ...

وكل شوي كبوت على قارون وإبليس ...

يوم طرح إبليس علينا فكرة ... قال : ورا مانلعب من روانق عشان يحلو اللعب على قولته ...

قلنا : مافيه مانع ...

ويجدع قارون بقرة ذهب ..وإبليس وفي غمضة عين راح لمحمد الباكستاني راعي البقالة وجاب ثلاث كراتين ببسي ...

وفرعون أجرى إتصالاته وباع النيل ....وأنا طلعت جوالي الرهيب وحطيته ..وبدأ اللعب من جديد ...

وماردينا إلا وهتلر هو وشنبه داخل علينا بالرشاش وهو معصب ...
يقول : يالسلنتح يالزلايب ...لعبتوا لعبة جديدة .. ؟.

ويجي رامبو بسرعة ويهدّيه شوي ... ويقول : تعال اوريك أخر حركة أخترعتها ...

ويطلعون بالحوش ويطبق عليه حركه الرفس مع البطن بالرجل اليسرى ...
هلتر فهمها جد ..قام وطلع قنبله يدويه وفجر فيهم الأثنين ...

كل هذا ومسيلمة جالس عن الدش وكل شوي يزاعق ... يااوووووك ....وش ذا الزين ...ونلتفت نلقاه يناظرنا ويضحك لأنه جرنا بالحركة هذي ...
وبدأ إبليس يخور باللعب ويغش ...مره يدخل أصبعة في خشمة عشان يفهم قارون أنها (( سبيت )) ومرة يطلع قلبة قدامنا ويقعد يحبرش فيه عشان يقهم قارون أنه يبي (( هاص )) ...

وحنا فاهمين ذا الحركات بس ماودنا نخرب العب ...

ومادرينا إلا وهم فايزين بالقيم الأول ... ويدور فرعون منا ومنا ويشيك على رصيده وإلاه مطفر المسكين ...

وقال : الشكوى لله ...مالي إلا أبيع واحد من الأهرامات ..

قال قارون : هاه .. أنا أشتري ... وش قلت ؟ ...

ويجيه أتصال من عادل إمام ...يقول انه يبي يشري واحد من الاهرامات وانه يبي الصغير منهن ... عشان تصوير فلمه الجديد ( رقية عند حزرة الزابط ) ...

وباعه عليه ويحط الفلوس باللعب .... وخسرنا مره ثانيه ...

ويناظرني فرعون ويقول : أنت يالسبهه ..ماحولك شي ..ترا طفرت ..

ناظرته بإبتسامه صفراء .. وقلت : أقول اصبر شوي ...اللحين بنسحب كل الي معهم ...
قال : يالدلخ نبي روانق عشان نقدر نكمل ...

أنا : ياخوي مامعي إلا سماعة ذا الجوال وماعاد لها فايدة تبيها ؟ ...

فرعون : هاتها كل شي ينفع ...

ونكمل اللعب ....

وبغينا ننهزم للمرة الثالة على التوالي ...بس بالصدفة أكتشفنا ان أبليس معه ورق نوعه غير نوع الورق اللي معنا ... الأخ قاعد يغش ...
ونكوش عليهم ...ونأخذ كل اللي معهم من غنايم ...

وتقلب هوشه ...

ويزاعق مسيلمة ..شوفوا الشق ....وأمزعه بالطفاية مع جبهته ...

وقبل لانطلع أنا وفرعون زعلانين ....قلت وبنجاسة ... : اعوذ بالله من أبليس ...

ونطلع وكل واحد يروح لبيته ...

اتمنى انه يعجبكم

وكالعادة الموضوع هذا :
م
ن
ق
و
ل

مع تحياتي :

اخوكم مشمش ,,,

nada · 10-11-2002, 11:28 PM

منقول او مو منقول ..

المهم انه جناااااااااااااااااااااااااااااااااااااااااااااااا اااااااااااان

*8

كله في كوم .. و اتمشى انا و فرعون كووووم لحالها ...

هاهاهاهاهاهاهاااااااااااااااااااا ...

مشكووووووور ...

و سلاااااااااااااامتكم ...........

*3