.. (( سامحيني )) ..

[الضـامي]

السلام عليكم ورحمة الله وبركاته ..

من قصائدي القديمه اتمنى ان تصل لقلوبكم ..

.. لو ماتذّكرت الغرام اعذريني ..
.. ياللي غيابك فالحشى تعذرينه ..

مشاعري ومشاعرك .. عاشقيني ..
تـقـاسموا جور الزمن والغبينه ..

خلاص لاأحرجك ولاتحرجيني ..
لا الحب يفهملك ولاتـفهمينه ..

عواطفي ماتـقبل العابثيني ..
متى كلام الحب تستوعبينه ؟؟

مرّه تجيني .. ومرّه توادعيني .!
يعني .. بأحساسي معك مستهينه .؟

( ليا بكت عينه .. بكى الدمع عيني )
.. وليا بكت عيني .. ضحك رمش عينه .!

ياجاهله فالحب .. لاتشغليني ..
روحي وخلّي الحب لاتشغلينه ..

انتي تحبينّي .. خلاص اتركيني .!
ماعاد فيني قلب تستسمحينه ..

آسف على حبك .. ولاتسأليني !
ارجوك .. يكفي الأسف تـقـبلينه ..

وليا مشيتي بين جرحي وبيني ..
تسامحي امن الجروح الحزينه .!

ومابي تحبيّني ولاتكرهيني .!
ابيك قلبي لارحل .. تسمحينه ..


....