شوقوا انا حكول قصه كلها بكش...بس في البدايه لازم في مقدمات عشان تصدقوها....يعني هدا الموضوع مزحلي جدلي..
بس الحكاية اللي حأقولها يمكن ما تصدقها بكيفك ......بس تراها من جد ... وإنت حر صدقت أو ما صدقت
عموما ندخل صلب الموضوع :
قبل تقريبا 1سنه أتقدم لخطبتي سفير البلد الفلاني ... وولا تحسب إنه أول مرموق يتقدم ... بس دا اللي أرتحتله ... المهم وأنا البنت الوحيدة لبابا وماما (( دي بجد أنا الوحيدة )) عشان كدة بابا رفض وبشدة إني أسافر بعيد عن عيونه .... وأخينا السفير أتخبل لمن شافني وأصر ياأنا أو ما يتزوج ... وأهله طبعا يبغوه يتزوج عشان يلاقي وحدة تونسه في الغربة ... أنا عن نفسي قطع قلبي الغلبان وقلت لبابا : يابابا حرام أتخيل واحد من أخواني في نفس الموقف الراجل أتخبل عليه وبعديين حيفضل عانس أقصد عزوبي طول عمرة وأوعدك كل يوم أعدي عليكم العصر يعني كلها كم محيط على كم يابس وأوصل مو شغلة ....
عموما بعد كدا لاحظت إنو بابا بدء يقتنع قلت بس أضرب على الحديد وهو سخن ... كلمت ماما وقلتلها : ماما لازم تردوا على الناس بسرعة أنا خايفه على ولدهم بعديين يتعقد ... وافقت ماما
ولمن جو الأهل وقعدت مع العريس ما تتخيلوا فرحتوا بيا قد إيه أبتسم وقلي : أنا ملك إيدك أءمري طلباتك أوامر إيش ما تبغي أطلبي ...
طبعا انا فكرت وقلت خليني أحط النقط على الحروف من البداية أحسن ..
قلتله : أسمعني ياابن الحلال أنا طبعا بنت بابا وماما الوحيدة ... وما حيقدروا يفارقوني ... عشان كدا لازم أشوفهم كل يوم ساعتيين على الأقل ...
طبعا هو أستغرب وأتغير وجه ... وأنا قلت في نفسي جات منو بلا هجولة .. إيش يضربني مشوار وأنا (.........) أتقدملي أول أمس .. معليش ما أقدر أقول إسمه عشان الصحافة لا تزعلوا ...
نرجع لموضوعنا ... أنا أتوقعت إنه يرفض .. بس ابن الناس الحق كان شاري ... وقلي بدل ما تطلعي طيارة كل يوم والتاني وتتعبي نفسك يا عمري ..؟! إيش رأيك أنا أنقل عمل أبوك .. قصدي باباكي ومدارس أخوانك معانا ويعيشوا معانا في القصر ..
بالله عليكم أحد يرفض ملاك زي دا ... طبعا وافقت على طوول وأنا عارفه إنه بابا ما يرفضلي طلب ..
وبعديين ماطولت الخطبة لإنه كان مستعجل يادوب أسبوع طبعا حجزلي في فندق 5 نجوم وكان بيدور على 6 نجوم بس الوقت ماكان يكفي .. ويوم الجواز طبعا كان فرح يحكوا ويتحاكوا عنه المطربات كانوا 7 ( طبعا أنا طابت أحلام وأصالة وأنغام بس أعتزروا وقالولي وحيلتك عشان الحفل اللي رايحينوا خيري ... لو كان حفل عادي كان جيينا على طوول ... وأنا ما أحب أكلف على أحد )والبوفيه و حتى المباشريه جو من برة المملكة والمعازيم فوق بعض من كترتهم طبعا أمه فرحانه بيه وأنا أهلي ما يستخسروا فيا حاجة .. والكوافيير من لبنان لكن أنا زعلت فعلا على الفستان لإني فصلت تلاته قلت إلي يجي أول ألبسه والباقي أصدقه جاء اللي من لبنان ... بس أنا كان نفسي يجي اللي في فرنسا قبل بس مو مشكلة كلها حلوة ومكلفة .. أصلوا أنا أهلي ما يستخسروا فيا شي ... جا وقت الزفة ... وأختلفت أنا وأخته على الزفه ... هي تقول زفة أهل البلد وأنا أقلها لا زفة محمد عبده .. وبعديين مييل وقلي : مو مشكلة يا حبيبتي مشيلها هي المرة دي ... وقتها أكييد إنتوا عارفيين إيش الإحساس اللي جاني قلت دا حيمشي كلام أهله على كلامي بلاش منه ... وبطلت في الشغلة كلها بلا وجع دماغ ..
أتمنى محد يحس بالحزن لإني خلاص بدأت أنسى الموضوع
و............. كفايه كدا ..
____________________________
اللي يبغا يكتب قصه في البكش...يكت ...وفي النهايه نرشح احلا قصه وابكش قصه....
يلا شدوا همتكم....
اختكم:
دلوعة جده(الود)
:o