كيف ترفع ضغط المشرفين
هذي 7 أفكار ترفع ضغـط المشرفين . لا تفوتك....
1. عزيزي العضو .. ادخل اي منتدى واكتب موضوع ما الو دخل في هالمنتدى ،، يعني الموضوع في وادي والمنتدى في وادي
" مثال : اكتب موضوع رياضي في منتدى السياسة ، ولو تـكـتـب (ارجو التثبيت) بيكون لها طعم احلى "
2. حذ موضوع جديد انوضع بالمنتدى و انسخه واكتبه باسمك مره ثانيه في قسم ثاني ،، و يفضل تكتب عليه (فكره جديده)
"هنا المشرف خليه بيدوخ وهو يدور المكرر علشان يحذفه"
3. لا تشارك في اي قسم في المنتدى واطـلب بعدين من الاداره تخليك عضو فعال ،، واذا ماعطوك وجه كل يوم ارسل لهم تظـلّـم ..
صدقني اذا ما أرسلو لك يقولوا لك اقلب وجهك ...... أكيد راح يعطوك ترقية الى "عضو بارز"
4. أكتب موضوع في قسم الشكاوي والمقترحات بعنوان "الحقوني ياشباب" ،، طبعا راح يجيك المشرف طاير
واكتب في الموضوع " خلاص لحقوني غيرك قبل لا توصل" ،، و يُـستحسن تحط له صورة واحد بيضحك
5. حاول ترد على المواضيع القديمه (طـلّـع الغـبـار) ،، والجديده خلها تنزل
راح تـقـلـب القسم فوقاني تحتاني
6. دقق في املاء المشرفين ،، و رد عليهم بس لتصحيح الاملاء ، ولا تـجـيـب سيرة الموضوع
وأخيرا عندما تصل درجة تهورك الى درجة الغـليان :
7.عند تعيين اي مشرف جديد....تكلم معه وكأنك من طلب بتعيينه
جربوا هالأفكار لكن مو شغلي اذا انطردتوا من المنتدى
تحياتي
ارجو من المشرفين عدم الزعل
العرض الشجري
