عدنان وعبسي ايام المعهد المهني

[عدنـان]

هذي قصه صارتلي انا حبيبي عبسي في احد الايام لما كنا طلاب في المعهد المهني قسم كهرباء

طبعاً داجين انا وياه مامعنى غير الابتدائي بس هو خامس وانا سادس

هع


جاني عبسي ذاك اليوم وقالي نبي نفرك من المعهد

معنى نفرك (( يعني نهرب خارج اسوار المعهد الى بيوتنا ))

قلتله انا قدام نعنبو ورا

طبعا هناك يخلونا نشتغل والمدرسين يطلعون يروحون يتمشون في الاقسام

لما طلع مدرسنا ومخلينا نشتغل على محول كهرب

محول كهرب (( هو اداه تستخدم لجميع البيوت لقياس كمية استهلاك البيت ))

لما طلع المدرس قلت بشوف عبسي وش هو مسوي اللحين بمحوله

المهم انا جايه ادقس ما ابي احد يشوفني
واقوله : عبسي عبسي يالله فركنا مافيه احد

الولد مايرد

و التفت عليه الى المسيكين لاشطه الكهرب ومنقز عويناته

وانا اللي القط اللوح امحطه فيه اوخره عن الكهرب

المهم فكيته من الكهرب والولد قالب اسود

قلت وش فيك قالي نعنبوه مادريت ان الكهرب ينفض كذا

قلت لا بالله توك تدري
قال ايه والله ماعاد اعودها

قلت يالله خلنا ننحاش

قالي اصبر شوي رجليني مايتحركن

<<<<<<<<<<< الولد طقته ام الركب من الروعه

قلت يالله وانا اللي اغللللله مع خناعه واقوله امش قدامي

اغللله بمعنى اسحبه
خناعه هو موخرة الرقبه يعني كف حلاقه

وانا الي اترقبله والولد متحروله رجلينه مايقدر يمشي

وادفه قدامي وناصل لسور المعهد

طبعا سور المعهد جدار وفوق شبك <<<< صار سجن ماهو معهد

حاطين شبك وتشوف النعال وقطع الخرق ناشبه فيه من كثر اللي يهجون


المهم وانا اللي اتعوتل في الجدار واطمر ارفع الشبك واقول لعبسي امش يامال الهم اللي يفقع قلبك

قالي زين المسيكين مايدري ان الجدار من ورا طويييييييييييييييل

انا طبعا ناويها ناويها لو اتكسر طالع طالع

تحسبونا رحنا مع درب خلق الله القصير

لا رحنا مع الصعب

انا نزلت وهفيت على وجهي وتشققت براطمي من الشوك

عبسي المسيكين طاقتة ام الركب من الكهرب اللي لاشطه مادرى ان الدعوه طويله

المهم اقوله يابن الحلال انزل انزل يامال الطاعون لا يشوفنا احد

قالي بعيد ما اقدر

قلت انزل جعلك لسلال اللي يسل بطنك

قالي مقدر

المهم بعد تحفيز وتشجيع مني لعبسي
مانزل

قلت شف بشتريلك ام اذاني تبيها

ام اذاني طاقيه تغطي الاذان وتغطي شوشته هاللي تقولون نخله

الولد استانس يبيها منذ مبطي بس ابوه مهاوشه قايله زود على الصعانين الي في راسك تبي تلبس طاقيه من صغر راسك انت يبيلك من يوديك لحق الخيام علشان يفصلك طاقيه

استانس الولد الى وهو اللي يتعلق بالجدار وينشب بنطلونه حق المعهد

احوووووووووووووووول وش الله بلاني بهالمنتهي

ويقولي نشب سريويلي

قلت انزل المدير شافنا بسرعه

الضعيف من زود الروعه اللي هو فيها نطل عمره من فوق

قلت بس خربها الولد يبي يهف على راسه والعنايه على طول

بس الحمد لله انه هف على بطحا

البطحا هي (( كومه من الرمل مركون بعضه فوق بعض بالعربي حقات القلابيات ))

واجي واشوفه الولد مليان تراب ومخابي قميصه مليانه

قلت احووووووووول هذا ابي اخذه و اوديه على طول للـتأهيل الشامل ماينفع بريال

طبعا دقسنا وانحشنا وركبنا الددسن وشغلناها ومشينا

مادريت الى يقولي :: اوووووووووووووووووه نسيت

قلت بس جاب فيني العيد

قلت وش فيك جعلك للماحي اللي يمحاك من وجه الارض

قالي معطي مناحي ريالين يشتريلي من المقصف



قلت : افقع وجهك انا اصطرك انزلك من السياره واصدمك وش اسويبك

قلت اعطيك ريالين بس تسكت <<<<<<<<< مسوي ولد كاش هو ووجه وهو مامعه غير خمسه ريال جامعها له كم يوم

المهم طلعنا ورحنا نتمشى من الساعه 9 الصبح

قالي عبسي وش رايك نروح لستراحة واحد من العيال وندخل فيها لين تجي حزة الطلعه ونطلع منها

قلت اول مره في حياتك تجيب شي عليه الكلام

وندز نروح لستراحة خويه

ونطق الباب ونطق نطق بس ماش ماحد يرد قالي ابي اطمر قلت يالله

المهم وانا اقرب الددسن من الجدار واخليه يطمر هو طمر بس

قلت خلاص انت انزل وافتح الباب وانا ابي ادس الددسن علشان مايمر احد يشوفها

قالي زين

رحت وقفت الددسن في محل مندس

مندس يعني (( مختبــئــلك في زاويه تخاف احد يشوفك ))

نزلت من السياره ورحت لباب الاستراحه انتظر احد يفتحلي الباب يابو وينه ذا

واطق الباب واطق الباب عبسي افتح

افتح فتح الله في راسك فلقه

الفلقة (( هي ضربه بالرأس تسبب نزول الدم وهي ضربه داميه ))

طول الولد مافتح

مادري الى هو جايني يتفح الباب بعد عشر دقايق من رصتي عنده

وانا اللي اخنقه

قلت وينك

قالي نسيت

<<<<<<< قايلكم يبي يفقع تسبدي

قلت وش اسويبك انا اقتلك اغتالك اقطعك بالصاطور اشوه وجهك هالمشوهـ


عزيزي القارئ اذا ماكان لك نفس تكمل القصه درجها لا افقع وجهك خخخخخاي امزح كملو

بعد مافتحنا الباب وجلسنا بالاستراحه طقنا الجوع

الساعه 10.30 قلت وش رايك نطلع للبوفيه قالي يالله

طلعنا للبوفيه

ونزل الاخ عبسي وطلب لنا ثلاثه فلافل واثنين ببسي

<<<<<<<<<<<<<<<< طبعا مامعنا غير خمسه ريال

قالي شف كل واحد ياخذ وحده والثالثه نقسمها نص

قلت يالله وش ورانا الغداء نبي نتغداء بدري اليوم ماعلينا

طبعا افطرنا ويوم جت الساعه 12 رحنا للمعهد علشان يقالك تونا طالعين محد يشك فينا

<<<<< المشكله المعهد حاطينا غياب مادري ليه رايحين مسوين فيها

المهم اخذت عبسي و نزلته في بيتهم هو وبنطلونه المشقوق ورحت للبيت وتغديت يالله لك الحمد


وقلت شكلي باخذ قيلوله من بعد هالمهتسر اللي طشر في مخي من بلاويه

رحت لغرفتي ونمت عاد قمت العصر

قلت بلبس ثوبي واطلع ادوج في الشوارع

مادريت الى ابوي يرجف الباب رجف

افتح جعلك للحمى اللي تفقع قلبك

افتح ياقليل الحيا

قلت بس رحنا في عين امها بس وش السالفه

فتحت الباب مادريت الى والخيزرانه لاسبتني على وجهي بس اشوا انها جنب العين ماهي بالعين

وخذ مصارعه انترتيكا ورجف الظاهر مابقى الى يسويبي حركتة سنوكر يشيلني فوق ويمحطبي بالارض على راسي

قلت وش السالفه يابو

قالي يالسمرمدي انت اللحين منحاش من المعهد امر الله عليك وشو

قلت والله ما انحشت

<<<<<<<<< الاخ متأكد ان المعهد مايعرفون رقم البيت ولا فيه امل يدقون عليه

قالي منحاش انت وعبسي ابو الشوشه اللي تقول شوشت مهابول

قلت والله ما انحشت يابن الاجواد

قالي تعال معي لبيتهم

قلت زين مشينا

<<<<<<< الاخ عبسي ناكب ام الدعوا ورايح يقول لهله

رحنا لبيت عبسي مادريت الى جايني ووجه مفقع

وانا اللي اخنقه في الزاويه قلت له وش عندك نكبتني

قالي والله مانكبتك بس امي شافت بنطلوني منشق وانواع التحقيق وكبيت ام الدعوى

المهم طلع ابو عبسي بعد برهه <<<<<< ااما برهه مادري وشلون جت

وهو يمسك عبسي قدامنا ويجلده

مادريت الى الاخ ابوي ماسنكني جلد

قلت هيه يابو الشباب الدعوه حلى

قالي لا بس عيب اشوف ابو عبسي يطق ولده وانا ما اطقك

قلت لا الدعوه صارت حلى وجهي مابقى فيه محل ماجاني محطه فيه

المهم بعد التبقيس والتسطير

مريت عبسي بعد صلاة العشى وشفت وجهه مفقع وجلست اضحك عليه

وقلتله تووووووووبه ماعاد افرك معك من المعهد والله لو تموت


وهذي نهاية قصتي انا وعبسي الرخمه

على امل اللقاء بكم في حلقات اخرى

تحياتي

عدنان صديق عبسي وحبيب لينا وخوي وجه النكبه نامق

ودمتم بحفظ الله ورعايته

عدنان صديق الجميع

[دنيا ومن يدري؟]

هههههههههههههههه
من جد يعطيك العافية
بس ادوختني وانا اقرى
تقبل مروري اخوي

[عدنـان]

اقتباس المشاركة الأصلية كتبت بواسطة دنيا ومن يدري؟ هههههههههههههههه من جد يعطيك العافية بس ادوختني وانا اقرى تقبل مروري اخوي

هلابك اخوي دنيا ومن يدري يعطيك العافيه على مرورك

[متذوق الشعر]

هههههههههههههههههههههههههه

ههههههههههههههههههههههههههههه


هههههههههههههههههههههههههههههه

الله يرجك
قسم انى مت ضحك وربي انها رووعه

هههههههههههههههههههههههههههههههه

يااخى لاتلوم عبسي امه تلقااهاا مدرسه
وطلعت خرابيطه كلها

ههههههههههههههههههههه

بانتظار حلقه جديده يااولد
_______________
لكـ تحياتى

[وجـــن]

*
**
ههههههههههههههههههه

يسلمو عالموضوع الحلو

وج ن
**
*

[عدنـان]

اقتباس المشاركة الأصلية كتبت بواسطة وجـــن * ** ههههههههههههههههههه يسلمو عالموضوع الحلو وج ن ** *

حياك الله اختي واو جيم نون و ج ن على مرورك

مغسيه بكو سافا شانزليزيه

[عدنـان]

اقتباس المشاركة الأصلية كتبت بواسطة متذوق الشعر هههههههههههههههههههههههههه ههههههههههههههههههههههههههههه هههههههههههههههههههههههههههههه الله يرجك قسم انى مت ضحك وربي انها رووعه هههههههههههههههههههههههههههههههه يااخى لاتلوم عبسي امه تلقااهاا مدرسه وطلعت خرابيطه كلها ههههههههههههههههههههه بانتظار حلقه جديده يااولد _______________ لكـ تحياتى

يعطيك العافيه على مرورك اجل ماشفتني انا وياه ايام المغازل فضاااايح

رايحين نبي نغازل لينا
خخخخخخخخخخخخخخاااااي

[كاتم الدمعه الحزين]

هههههههههههههههههههههههههههههههههه


هذا أكبـــــــــر نكبه عرفتها التاريـــــــــــــخ

يدور أي تصريفه

لعبنا كوره وزلقت

لازم يعلم

هههههههههههههههههههههههههههه


تحيــــــــــــــــــــــــ H . T . M . 15 ـــــــــــــاتي

[The Heron]

هههههههههههههه
عيوني طلعت وانا اقرا

[(عاشق الريم)]

يسلمووووووووووو اخوي
ولك الشكر ياعبسي