السلام عليكم ورحمة الله
اسعد الله أوقاتكم بكل خير
اسمحولي اليوم اقدم لكم هالموضوع للنقاش. واتمنى الفائدة لنا جميع
موضوعي هو عن الزواج من الاجنبيات...
طبعا كل شاب يحلم بالزواج والاستقرار..
وعلى حسب الظروف الحالية ..
صار فيه انفتاح على الدول والجنسيات الاخرى..
مو زي قبل كان كل واحد اذا بلغ او توظف خلاص يزوجوه بنت عمه وخلاص..
وغير كذا بسبب التلفزيون والقنوات الفضائية
. صار كل واحد يحلم يتزوج بمكلة جمال تشبه لفلانه وعلاانه.
وانا لما اتكلم عن هالنوعية اقصد واعني الي حالتهم وسط ..
لاهم اغنياء مره او فقراء مره.. يعني الاغلبية.فاذا جاء يفكر بالزواج .
اول شيء يفكر فيه هو تكون زوجته حلوه.
وهذا شي طبيعي وعادي.لكن وللاسف هناك فكرة خاطئة ومنتشره عند بعض الشباب .. ان الجمال كله موجود بالاجنبية سواء كانت سورية او مصريه او غيره .
والحقيقة ان البنت السعودية جمالها يمكن اكبر وكثير من البنات السعوديات اجمل من ملكات جمال العالم.
والفكره الثانية او الحجة للي يبي يتزوج من اجنبية. هو الاعتقاد بانه (ارخص).. يعني بقيمة وحده سعودية تتزوج اربع سوريات ههههههه.. والله لو كان حراج..
قد يظن البعض ان هالشيء صحيح.. ولكني اخاااالفه تمام..
صحيح ان المهر بيكون اقل والتكاليف (المبدئية) قليله مقارنة بالزواج من بنت بلدك. لكن الي جربوا وعاشوا تجربة الزواج من اجنبية ايش يقولون ؟؟
يقولون والله اننا صرفنا فلوس اكثر من الي يصرفونه المتزوجين داخليا..
يعني كل سنة او 6 شهور لازم سفر للبلد وتذاكر واقامة ووووو ...
ولازم يزورنك اهل زوجتك ويغثوك كم شهر .. واشياء كثيرة.
وطبعا المتأثر الوحيد هو الزوج .
خاصة اذا كان من ذوي الدخل المحدود. يعني 5 بالشهر وهو مطفر.
وهناك حجج واشياء كثيرة عند الشباب ..
ولكن الي جعلني اكتب عن هالمووضوع .
هو انه لازم نعرف ان الزواج من شغلة يوم وليله وجمال او مال ..
هو شيء اكبر واعمق.. وبنات البلد فيهم الخير والبركة ..
دين اولا واخلاق وجمال وحسب ونسب..
فلا نغتر بالبرتقاله ولا بنانسي .. ونروح ندور على كوبي منها هناك..
انصح نفسي اولا واياكم بالتفكير مستقبلا بهالشيء.
اسئليتي لكم ....
اولا >>>>> تعليقك او اضافتك او انتقادك على الموضوع ؟؟
ثانيا >>>>> هل الزواج من الاجنبية فعلا يكلف اكثر من الزواج من بنت بلدك ؟؟
ثالثا >>>> >>> مارأيك فيمن يقول ان البنت السعودية لا تملك الجمال كالشاميات مثلا؟؟ وليست على قدر من الاناقة والتحضر ؟؟[/CENTER]
بانتظار تفاعلكم وتواصلكم
تحياتي لكم
المحب لكم الشاكي.
العرض الشجري
