ابدا بذكر اللي لـه الجنـه والنـار=الواحد المعبود رب البريه
ويالله ياكاشـف خفيـات الاسـرار=وياعالم ٍ ما فالقلوب الخفيه
ويارافع ٍ سبـع السمـاوات جبـار=ومخلي عيد المسلمين الضحيه
تفرج لقلب ٍ من صواديـف الاقـدار=بين الضلوع العوج ميتين كيه
يا ما صبرت وراعي الحـب صبـار=يخفي عذابه كان عنده حميه
ساعة زواجي ياعرب فكري أحتـار=الموقف اللي أهتز منها طميه
جلست افكر مدري ويش الذي صـار=قدام عيني طاح وأغشي عليه
من بكره العالم يعزوني ب( أسـرار)=بنت الحلال وموتها أكبر بليه
جوني اهلها وقالوا هـذا الـذي دار= مرتك ماتت وانت عزومك قويه
وهذا قضى المعبود .. بيديه الاعمار=والموت حق وكل نفس ٍ رضيه
يالله ماني معـارض ٍ فيـك الاقـدار=يالواحد القهار . . مرسل نبيه
مير البلاء شي ٍ بقلبي كمـا النـار= وتكثر لهايب كل ماشفت زيه
والموت عين الموت لاجونـي زوار=ابو سعد واخوانه أهل البنيه
يا عنك في قلبـي ثلاثيـن منشـار=وأمسح دموعي ثم يارب حيه
يامرحبا واهليـن ياخيـر مـن زار=ساس الجشاعه والكرم والحميه
اشوف وجهه ثم الاعصـاب تنهـار=نفس الملامح نفس ذيك الشفيه
قبل الوفاه باسبوع مهدي له تذكـار= وكاتب على العلبه هديه ,, هديه
ثم جاتني (العمه) تبي تشوف الاخبار=أشم ريحتها هي نفس الهديه
ياويل قلبي مـن صواديـف الاقـدار=ويكفي قليبي فيه ميتين كيه
من بعد ذاك اليـوم والفكـر محتـار=مدري اصدق ولا تكذب عليه
هذي نهايـه فكـرة بيـن الافكـار=حطيت نفسي بين روحه وجيه
يارب جنبنـي صواديـف الاخطـار=انا دخيلك ياجزيل العطيه
كتبت ابياتـي وقلبـي علـى نـار= من حر مونس قلت هذي وذيه
هذي هي الايام والوقـت لـو جـار=ما سامحك يامعذرب ٍ في خويه
وقت الرخا كل ٍ لك حجـاب وستـار=ووقت الشدايد مانعين بليه
واسلم وسلـم ياطويليـن الاشبـار= والعذر منكم كان من خطيه
الجرح الكبير
مبارك القحطاني
العرض العادي
