قصيدة ثلاثين ونه .. للشاعر نافع بن خريفيش القباني

[عاشق الجمس]

هذه قصيدة بعنوان / ثلاثين ونه

للشاعر / نافع خريفيش القباني

ونيت ياعايش ثلاثين ونه = وونست انا قلبي تقطع عروقه
على وليفن ما بقلبه محنه = لامبعدن عني ولا اقدر لحوقه
الحب دربه للأجاويد سنه = لو تاب يعرض للفتى ما يعوقه
كم واحد بأسبابهن عذبنه = ماله تصرف دبرة الله تسوقه
زيد الهلالي قبل ما شيبنه = ومجنون ليلى جارياتن طروقه
وذياب غانم بالهوا ولعنه = سهران ليله والكرا ما يذوقه
أون واشكي من تواصيف كنه = خده كما مزنن تكاشف بروقه
أشكي لعايش والرسايل يجنه = وقله ترا نافع بكبده حروقه

وسلامتكم ...