قف للكبار ممنوع دخول الرضع

[مملكه الالماس]

السلام عليكم ورحمة الله وبركاته

ياهووو ياعالم المتزوجين وش فيه حرووب ومجازر ماحد يعرفها الا الي داخل المعمعه << حلوه صح

الحرب الاولى

كانت في عرس ومادري وش الي جاها من فنكيرا انها ترسل لزوجها رساله غراميه يقالها علشان لما ترجع للبيت بعد العرس يحسن استقبالها الشيخه >>> تخطط لقدام

لما رجعت للبيت وودخلت من الباب سلمت على زوجها ولاحظت انه عادي وبارد ومو ذاك الاستقبال الي كانت تنتضره <<<< عاد هي على بالها سوت شي كبير انها ارسلت رساله هي وجهها والله لو انه شاريه له سياره

المهم قالت في نفسها اكيد انه ماقرا الرساله الي ارسلتها له .. وهي في غرفتها تبدل ملابسها قالت في نفسها خل اشوف الجوال حقه هو استقبل رسالتي والا لا ويااااااليتها لم تفعل ... اخذت الجوال من جيب الثوب ولقت فيه ثلاث رسائل وحده رسالتها الغراميه ورسالتين اخريتين غراميتين العن من رسالتها الي ارسلتها وكانت بتنجلط المسكينه بس ربي ستر وبعدها تركض ركض من الدرج ::::::::::::::::::::::::: :::::::: الخ )) ودارت حرب كانت هي المنتصر في النهايه وخلته يدفع ثمن الحرب هذي ماديا ومعنويا

الحرب الثانية

كانت ترتب بيتها الجديد الي توهم ناقلين فيه وهي في قمة سعادتها وكانها عصفور طاير في السمااااا وتغني الو الو بابا فين <<< هذي من عندي لاتصدقون ههههههههه

المهم وهي تنظف ويطيح بيدها تسجيل صغير اول مره تشوفه وبسرعه قلبها نغزها ثلاث نغزات او يمكن انها اربع نغزات .. تصدقون اني مادري كم نغزه يبغالي بعدين انشد واشوف كم عددها <<< وش رايك تنطمي وتكملي

المهم وهي الي تشغله وتسمع الشريط الي جووه وش فيه ..وياااويلااااااااااااااا اااااااااه من الي سمعته .. سمعت صوتها متسجل وهي تسولف مع جارتها و تشتكي من زوجها ومن امه ومن اخواته ومن اخوانه <<< قولي اهله كلهم وفكينا كسروا اصابعك

وفي اخر الشريط ويجيكم صوت زوجها وهو يكلم وحده والي يكلمها وحده صوتها مو من اصوات العائله الكريمه لااااااااااااااااا هذا صوت وحده لااا ومو بحرينيه من بتوع هلا وهون

ومن زين الطبايع بعد تقووله الحلوه المملوحه الي في التلفون وين زوجتك يقوم يقولها ( البقره نايمه )) <<<< حسيبك ربك >>> بس من حفر حفره لاخيه وقع فيها
وثارت ثائرتها وانتضرته لين جا من شغله (( لعلمكم اكيد بالعقل انها ماراح ومافكرت انها تسوي غدا وانتم عارفين هي وش بتغديه ::::::::::::::::::::::::: :::::::::::::: الخ )) ودفع الثمن غالي على فعلته النكراء في حق البقره اووووف اسفه اقصد زوجته

الحرب الثالثة

كالعاده مو جديد عليها كل مايجي زوجها من برا وبدل ملابسه لاااااااااازم تفتش جيوبه >> ادري بتقولون تدور النكد من عين اعور

ذاك اليوم على طول بدل من هنا وخرج يشوف التلفزيون وهي تقفل الغرفه يقالها علشان مايشوفها .. وتفتش وتدعبس مع انها في كل مره ماكانت تلاقي شي بس الله يقلعهامن عاده شينه .. بس ذاك اليوم كانت فيه غنيمه في الجيب و وقعت في يدها وكانت ورقه يووووووووووووه يووووووووووووه وش هذي
ورقه مكتوب فيها اسامي بنات وتحت اسم كل بنت بيت شعر اوف اوف وكلها كلام غزل يدوخ
طبعا ذيك الساعه انعمت بصيرتها مع بصرها وتفتح الباب بقوووه كانت بتخلعه في يدها بس ربكم ستر وترووح له وتساله والمسكين ياغافلين لكم الله يكسر الخاطر من جد قالها والله والله والله لقيتها في الشارع وقريتها وحطيتها في جيبي وكنت بارويك اياها .. تحسبوها بعد كل الحلف الي حلفه صدقته حشى والحشى عن مية حشى ثانيه ماهقرته ومادخل مزاجها الي قاله >>>>>>>> قلنا لكم انعمت يعني انعمت يعني بعذرها
مسكين اخذ الورقه وقطعها قدامها وبرضه دفع ثمن غبائه يعني وشوله تجيبها في جيبك خلاص قريتها ارمها ياذكي

هذا مافي جعبتي
ودمتم للضحك والفرفشه