سلام للي ساكن بالمدينه=نور العيون وباقي القلب كله
راع العيون الوساع الحزينه=كسلانة الرمش في سلهامه وشله
من سالف الايام حطيت القلب بيدينه=وسكن فؤادي وكنه مل السكن مله
هي تقول انت00يابنت وش الي تقولينه=أستغفر الله ماودي اقول تدور الزله
وش لون امل من كثرالي بقلبي ساكنينه=الله عليك ماكنك تعرفي شي انا لله
تعرفين وينك من القلب وأدري تدلينه=تدرين وادري بس ماحد تجرا لثاني يقله
تدرين وادري جرحت يامقوس جبينه=رغم القرب ابعدمن الشرق عن مغرب له
أبعادأبعاد الله يالبعد وش شينه=وياشين غربة الروح في جسم تشيله
وياشين الليل لاسدل ستاره على الروح الحزينه=ويازين الحلم باصدفه يجيك ليله
أسري بهاجس يلفني لف مزيون لخاتم يمينه=يطوعني على المسرى وروحي ثقيله
يلمس فؤادي هواها لمسة كحل عينه=لاطاح ورا المحجر وش يسويله
يضم الرمش فوقه والدمعه تشينه=صح كحل بس خرب مثل حبك الي اشيله
العرض الشجري
