تنويه / هذا الموضوع مدري اش يبي *_* 
والتسمية مال أمها صلاح في الموضوع << صلاح اللي هنا ترى حتى هو ماله دخل *_*
===================
بـوابو : يمّه .. في غداء ؟
الوالدة : لا مافي أنخمد أحسلك ..
بـوابو : أصلا إنتم دايما كذ1 , تدرين إني ما كنت موافق على ولادتي .. ليش تجييبوني .. ينعل أم الإزعاج !
الوالدة : يا ولدي لو درينا إنك إنت اللي بتجي كان قلبنا مسيار قبل ما أتورط بأبوك
بـوابو : أهااا طااايب والله لأعلم
بعدين ما أدري اش صار , أعتقد إنه جاتني ركلة روبرتو كارلوسية ^_^
" في فناء المنزل " << يستر على أيام رابعه إبتدائي يشييخ
في فناء المنزل لقيت جدي .. رجال كبير في السن ..
المسواك حقه كأنه شجرة
كان دايما يقولي , يا بوابة إنت يوم من الأيام بيسير لك شأن كبير وممكن تورطنا معاك , وهذا الكلام مو من عقلي إنما من واقع تجارب عديدة في الحياة و.... الخ
وحط جدي يده على كتفي يبغاني أوصله لغرفته ..
وأنا مسكته مع رقبته ... طيب فك وأنا أفك !
آآي << صكّني بـ ركبة تحت الحزام *_*
آآآهـ << بطحني في الأرض وجلس فوقي *_*
وأمي جات تصك الباب على راسي ..
وأخويه يولّع بالولاعه في رجوولي *_*
استسلم << قلتها ولساني مدري وينه أصلا ..
حركات جدّي هذا .. قوي .. شكله ما تزوج أربع حريم من فراغ :
بعد هذي المعركة العائلية الشعواء نفذت بجلدي لين ما وصلت لسريري الطاهر الذي لم تمسه يد الشغاله أبداً ..
(الساعه وقتها كانت 3.20 pm حسب توقيت غرفتي ..)
< استلقى هذا الشاب الوسيم الفارع الطول المستشرب بشوارب عريضة والمحلّى بسكسوكة نحيلة والقوي النظرة وعريض المنكبين والذي كانوا يبغونه يسوي دعاية بيبسي مع هيفاء لكنه رفض خوفا من أن يُعتقل من الهيئة بتهمة الإغراء *_* وآخيرا سوى دعاية شماغ بروجيه .. لا شماغ بعد اليوم 
نمت , وفي رواية " رقدت " وقد يُقال لها " انخمدت "
كلها تؤدي لنفس المعنى وهو الإنغماس في لذة النوم وإنت ساحب على واجباتك ..
وحلمت ؛
حلمت إني في المدرسة يوم من الأيام إذا ما خاب ظني فإنه يوم الخميس ليلة السبت.. تررررررررررررررررن دق جرس الفسحة أيامها إذا ما خاب ظني كنت تقريبا صف ثالث ثانوي بتقدير مرتفع , والله صحّوني الشباب جزاهم الله خير من النوم بسطل موية <انتقمت منهم في الصرفة بسطل موية نار ,,
نزلت الحوش وعيوني لسا مغمضة من قوة النوم , كانوا يلقبوني بالـ ناعس وطبعا إذا زعلت أشغل الزينون , المهم طالعت يمين وشمال لقيت " ماصورة " حقت موية .. قلت كويس فرصة مدام موية البيت مقطوعة آخذ لي دش هنا .. خرّجت من جيبي بآنيو صغيرون وجلست فيه تحت الماصورة ..
وخرّجت من جيبي شامبو زيت الزيتون له 10 سنوات محطوط على الرف أظنه طفش وسار مهلبيّه , وخرّجت من جيبي " ليفة " هذي الليفة من أيام جدي السابع عشر مصنوعة من شوك الصبّار وألياف العنب ,
وخرّجت من جيبي راديو صغيرون وحطيته على البانوراما على أغنية " ياخي والله قلق الفرنسية " وطبعا اللي غناها واحد اسمه " اصبر ذحين بأجي البريطاني " وهذا درس في جامعة الأنعام الجميلة ونجح بشهادة " مدري كيف نجح بإمتياز "
وخرّجت من جيبي مسدّس وحطّيته جنب البآنيو لأنه في طلاب أكيد ما بـ يقاومون المنظر ويصوروني وينشروني بلوتوث ويكتبون عليه هيفاء وهبي تستحم أثناء الفسحة ,
وخرّجت من جيبي صرصار مدري من وين جا ؟
يمكن أمس يوم كنت في معركة عنيفة بين بني آدم وحشود بني الصراصير .. واللي انتهت الحمدلله بالمفاوضات , واتفقنا إن غرفتي تكون يوم لي ويوم لهم .. لكني نقضت العهد وتهجمت ذات ليلة على واحد منهم ونتفته بكعب أختي ولصق في الكعب وللحين جاري البحث عنه ,, تخيّلوا لو دروا ,, والله يوروني نجوم الليل في عزّ الكعب
وأنا مشغول بتخريج الأشياء من جيبي مرّ واحد مدرس شكله يذكرني بواحد حشران بس مو لاقي حمام – الله يكرمكم –
المدرس : بوابو ضاقت الدنيا وجاي تتروش هنا ؟
بـوابو : أقول تعال حُك ظهري بالله
المدرس : << صرّف نفسه ^_^
ترررررررررررررررررررررررررررررن
يالله غلقت الفسحه وأنا ما أمداني آخذ " دش "
يالله الجايات أكثر ،
رجعت البيت وأنا تعبان " ما في أمي حيييل أمشي "
إذا كان المشي رياضة , فالكسل ألعاب أولمبية
دخلت البيت لقيت " البسّـه " واقفه عند الدرج وتطالع فيني بنظرة أم لولدها ..
بسيس بس بسيس << كلمة قردنة للبسه , لازم تقولها كذ1 عشان تجي وما تخاف منك
طبعا اسمها جولي ^_^
قرّبت جولي مني بطمأنينة .. بعد ثانيتين لقيت نفسها جنب كلب الجيران ..
بعدين فجأة لقيت نفسي في صحراء الربع خالي سعيد بن عطية
حلمت إني ماشي في ليل مظلم كالجمرة الخبيثة .. وأصوات الحشرات تحوطني من كل جهة من الجهات الأربع الأصلية ,
بس فيه صوت كذ1 أظنه تامر حسني ..
من وين جاي ؟
أهاا تذكرت إني حطيت تامر حسني نغمة في جوالي
أخ أخ .. نسيت جوالي جنب البانيو في المدرسة *_*
بس يالله ما عليكم هذا حلم عادي ذحين يجي الجوال ..
بوابو : ألوووو ؟؟
بنت : هلآ ..
بوابو : هلآ أغسطس
بنت : مين معايا ؟
بوابو : معك رجلٌ .. والرجال أفعال ٌ ... ومن أنتي يا رعاكِ الله ؟
بنت : أنا وحده .. تبغا تتعرف ..
بوابو : طيب هات الرقم ^_^
بنت : يااربي , وأنا مو أكلمك من الجوال !!
بوابو : يا غبيّه .. أنا قصدي رقم أبوك عشان أتعرف عليه وأتعرف عليك بعدين بالطريقة الإسلامية ^_^
بنت : لااا إنت شكلك بتورطني معك ..
بوابو : لا والله .. أصلا ذحين تقفلين تلاقين جيب الهيئة في غرفتك
بنت : ياللله .. من يوم كلمتك ما سمعت منك كلمة تحسسني بالأمان..
بوابو : غالية والطلب رخيص عندي كلمة تحسسك بالأمان .. " الحرس الوطني " 
بنت : ################ << كلام مشفر *_*
والله مشكلة هذي المكالمات التي تجيك وإنت تحلم ,
بعدين أنا عندي اقتراح من زمان أبغا أقوله
المفروض شركة الإتصالات تكون خاصة للبنات
وشركة موبايلي خاصة بالشباب ..
وكذا نقطع دابر الفساد في البر والبحر والجو .. وخليك بالجو
وإذا كنت شاب ورقمك في موبايلي ودقت عليك وحده من الإتصالات ..
تعرف إنها بنت ..وتضبط صوتك بسرعه وتكحكح كثير وتعدل من جلستك وتتعطر .. وتقول في نفسك أبغا أدخل فيها عرض من أول شي ..
توّك تقول ألوو .. وأطلعلك أنا .. وقتها إرمي الجوال في حلقك
نكمّل الحلم اللي سار فلم هندي موب حلم
المهم .
وأنا ماشي لقيت مقبره .. أعتقد يقبرون ناس فيها بس اللي أشكل على عقلي هل هم يقبرون الناس أحياء وإلا أموات ..لأني بعد ما شفت العراق ولبنان عرفت إنه فيه مقابر للأحياء ! << الحلم هذا من قناة الجزيرة
وصلت عند المقبرة .. وقفت وقفة رجل واحد .. وغمضت عيني كرجل واحد .. ورفعت يدي للسماء كرجل واحد .. وقلت بفم واحد .. السلام عليكم دار قوم مؤمنون وإنا إن شاء الله بكم لاحقون ذهب الظمأ وابتلت العروق وثبت الأجر إن شاء الله .. ^_^
حسيت وقتها واحد أعطاني " قفا " ..
التفت بقوة , من قوة الإلتفاتة عينيّا طارت ليك وبتقول بحبك ياللي شاريك . إن رحت وإلا جيت حفضل في هواك قاعدليك << يستر دين أمي يشيخ
المهم , لقيت نيوتن جالس ورايه ..
تعرفون مين هذا نيوتن ؟
هذا أكبر نذل ومغلـّـس في العالم ..
الله ينكب عفشه يشيخ .. عشان تفاحة طاحت سوالي فيها ذكي وراح إخترع مادة اسمها فيزياء ..
ياخي بالعقل ..
تفاحة طااحت .. يااخي عادي كل شي يطيييح يعني إنت طول عمرك ما كنت تطيح من فوق السرير !!
اش معنى انتبهت للتفاحه يا سربوت !!
تفاحة ما قدرت تمسك نفسها وطاحت .. فيها شي ؟
ومدام إنك جيت يا نيوتن أبغاك أقلك كلمتين على إنفراد :
ما بئدرش أمسك نفسي النهارده * إنته يا نيوتن ليه بس كده
عشان شفت يوم طاحت التفاحه * عملت فيها واد وعقلك لمبه
إنته ولا أنا ولا هو وحتى إنته * صايعين وحتة سفنجة مخرمه
روح ربنا ياخدك دنيا وآخره * بسببك رسبت في الثانوية العامة
فينك يا شعبولاّ تغنيلي البتاعه ديّا ^_^
نيوتن بعد ما سمعني راح فتح بسطة خضار وبطيخ في الحلقة وأموره الآن ما شاء الله عال العال ..
لكن برضو يبقى نذل ..
وبتطيح من عنده بطيخه .. ويسوي لك اكتشاف يقول إن البطيخ أصله كوسه مخلله ,
ربنا ياخذه ..
ومشيت في الحلم .. مشيت مشيت مشيت ..
ولقيت أمي ...
- يمّه اش جابك ؟
قوم يالله الغدااا ..
- أقول وخري بس عادي أقولك لا .. في الحلم يجوز
طررررخ << كف !
أح .. إثرك من جد يمّه وأنا أحسبك حلم ..
رحت بسرعه قبل ما يقفل الحلم وقتلت نيوتن ورجعت
طالعت في الساعه لقيتها 3.21 pm .. بتوقيت غرفتي ..
دي إس إل .. حلم في دقيقة .. اللهم اجعلها آخر الأحلام
ـــــــــــــــــــــــــــــــــــــــــــــ ـــــ ـــــــــــــــــــــــــــــــ
اللي فهم شي تكفى لا ينساني تراني مدري اش الموضوع 
هذا الموضوع مدري اش يبي !!! تكفون قولوا لي !!
العرض المتطور
