عمي يقول يا مصرقع بزوجك بنتي مزيونه وانا اقول يا عمي بنتك خــــــــبله... مجنونه ..
مزيونه لولد عمها:(
مره كنت جالس في المجلس اتقهوى مع عمي وماعندي من الشيطان طاري :( قال عمي : مصرقع كم لك ساكن عندي في البيت ماكل شارب نايم بلاش قلت : ليش انا ولد اخوك شعرة في لحيتك ياعمي :( قال : لا.. هين.. الشعرة ذي بانتفها ان ماسمعت كلامي هالحين اسمع يامصرقع بناتي الثنتين مزيونه وهيله كبار هالحين والبنات اللي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونه يالله افرح يامصرقع ;) قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى مزيونه خبله ياعمي وفوق ذا شينه والله مافيها من الزين غير اسمها
اصبر ياعمي الصبر زين وانشاءالله يجي خبل ويعرس على بنتك
عاد انا من الوناسه نسيت عمري وانبطح على الأرض متشقق احب سوالف الزواجات .. منبطح كأني اتفرج على مسلسل عدنان ولينا
ماوعيت الا بدلة القهوة ضاربه راسي من عمي
قال: قم بس لاتبطح عندي
ماعندي خبل الا انت بياخذ مزيونه اسمع عاد مزيونه انا باحل فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من مزيونه
قلت : كيف اعرس وانا ماعندي فلوس اجيب مهر ولاعندي بيت ولا سياره لكزس ؟
قال : حكم الزير على الخنزير وانا عمك مهر مزيونه ريال واحد والبيت باسكنك عندي الدور الثاني فاضي وابشر بالسياره وبالخير والعرس خلاص الأسبوع الجاي وعرسنا تراه سكتم بكتم
قال : لاتخاف مزيونه عندها خبره قد اعرست على ثلاثة رجاجيل قبلك بس انت خذ اجازه من الجامعه
واطلع من المجلس وادرعم على الجامعه ابي استأذن من المدير استعد للعرس وعرفت من سكرتير المدير ان مديرنا غايب له يومين امه متوفيه لاحول ولا قوة الا بالله وش ذا الفال الشين هذا من اوله يامزيونه وادرعم لبيت المدير وادخل عليه في المجلس والقى المدير مع ابوه واول ما دخلت عليهم وقبل ماعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب وهو اللي يطمر ابو المدير من مكانه ويقول : بعدي والله يالسنافي اشهد انك رجال وهو اللي ينزل راسه وانا اللي احبه ويجلسني جنبه قلت للمدير : انا جايك ابي اجازه شهر ابعرس الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم
قال ابو المدير : رح ياولدي مصرقع لك بدل الشهر شهرين وهو اللي ينزل راسه وانا القطه واحبه
واجي طالع الا ابو المدير يناديني وهو اللي ينزل راسه يبيني احبه مره ثانيه الظاهر عجبهم التحبب ( مادري انا اتفل عليه ابلشني هو مع خشمه )
المراد تزوجت مزيونه ودخلنا بيتنا الجديد عش الزوجيه وادخل الغرفه واطفي اللمبه واقرب جنب مزيونه وانا اقول مزيونه شوفي ساعتي تراها ماتولع في الليل <== يبي يطفشهااا ماوعيت الا بالأبجوره نازله على جبهتي شفت اللي يولع من جد نور احمر مافتحت الا وانا في المستشفى وسبع غرز في جبهتي
وزارني عمي وقال : يامصرقع البنت اكيد مستحيه منك لازم تاخذون على بعض روحوا تمشوا مثلا ===> ودها حديقة الحيوانات
قلت : فكره حلوه ايش رايك تكلم اهل الحديقة يجون ياخذونها
خخخخخخخخخخخخخخخ
قال : الظاهر اني باكلمهم ياخذونك انت وياها .. قم بس اوصلك البيت
ويوصلني عمي البيت وافتح الباب بشويش وانا خايف وادخل راسي اويق اثر مزيونه متوزيه ورى الباب وهي اللي تجرني بشوشتي لين المطبخ تبيني اكل من غدا مسويته تحتفل بخروجي من المستشفى واجلس وانا منطم وهي جالسه قدامي ومتربعه على الصحن واناظر في الاكل ماعرفت وشو اكل معفوس لاوحاطه في وسطه شمعه:D
وانا انفخ الشمعه (( مثل الافلام المصريه )) والمشكله اخذت ساعه انفخ ما طفت الشمعه وش الحل ؟؟؟ قلت مافي حل غير اجيب سطل مويه واروح اجيب سطل مويه وأذبهاا على الشمعه لين طفت وامد يدي على صحن المعفوسه واكل لقمه ماقويت ابلعها وقلت وعععععععع وهي اللي توقف وتدور علي دورتين تختلني وانا مسوي نفسي أني ما خفت منها (( وانا قلبي يدق دم تك دم تك من الخوف )) وانا مسوي يعني انها ماهمتني وهي تجي من ورى ظهري وتهجم علي وتنزل راسي تحت وترعصني وسط صحن المعفوسه وتحوس خشتي ثمن فكتني وارفع راسي توني راد النفس وهي اللي تشوتني برجلها ويصمخ راسي بالجدار اشوى ان الجدار كان موجود والا كان ماردني الا بيت الالجيران خخخخخخخخخ وتاخذ الأكل وتذبه من الدريشه على القطاوه !! مساكين القطاوه وش ذنبهم ياكلونه:(
انا بصراحه زعلت ماعاد قويت اصبر كل يوم انطق كل يوم مستشفى قلت لازم اخذ حقي وانا ادخل الحمام واعبي البانيو (المغطس) مويه واتوزى ورىالباب واحتريها لين دخلت الحمام وانا اللي ادفها بقوه على البانيو ويصمخ راسها بالجدار وتطيح في وسط المويه دايخه وغرقت في البانيو واناظر في المويه واشوفها تنقص ..تنقص..تنقص.. الخبله شربت المويه اللي في البانيو لا وبعد مافتحت عيونها راحت المطبخ وشربت كاس مويه وتدخل الغرفه ولا كنه صار شي !!
قلت ايه هين يالخبله والله ماخلي حقي وادخل المطبخ واطبخ لها شوربه واحط فيها سم فيران جيت اوديه لها قلت: مسكينه الشوربه حاره خلني ابردها اخاف تلسعها وش اسوي بنت عمي قلبي عليها والظفر مايطلع من اللحم وابرد لها الشوربه واوديها لها كاعتذار على اللي سويته
وبنت الحلال الخبله ماكسحتني خذت الصحن مني بس يوم شافت ان الشوربه بارده وهي اللي تخبطها على جبهتي على نفس الجرح وعلى المستشفى وتزيد الغرز من سبع الى تسع
وشهرين وحنا على هالحال خبط وخبيط وانا مغير رايح جاي على المستشفى حتى من كثر ماروح المستشفى كاتبين لوحه وسهم مكتوب (( من هنا طوارئ مصرقع )) جزاهم الله الف خير
انا ماعاد قويت احتمل راسي غدى كله شقوق صاير منخل
وانزل تحت على عمي واذب عليه مفاتيح السياره واقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك
وورقة طلاق مزيونه بتجيك اليوم وانحاش من المجلس واطلع للشقه واقعد اضف في غريضاتي واسمع جرس الباب يرن وانزل ابي افتح والقى عمي معه الخبله مزيونه عند الباب
قلت : ادري ياعمي باطلع من شقتك اليوم
قال : لا تطلع انثبر في الشقه وخذ مفتاح سيارتك بتحتاجها بعدين !!!
ليش يا مصرقع ليش,,,, تقول عن البنيات كذا خصووصا بنت عمو؟؟؟
.
الله يساامحك ,,,,
امزح لا يضيق خاطرك بس ازيد على كلام الاعضاء واقول ,,,
,,,
صحيح انك مصررررررررررررررقع ..
لك كل تقدير واحترام,,
اختك,,,
ولايـــــــــف..
مصرقع مشكور والله على الموضوع الحلو ماعلي الا اقول والله هاذي المواضيع الحلوه الي توسع الصدر وتونس وانا اذا شفت موضوع كذا افتح اثمي واقر لا شعورين لو من القهر الموضوع خط الرياض القصيم
واكرر شكري او لاتحرمنا من مواضيعك المصرقعه
تحياتي اخوك ][][ متعب الشوق ][][
قلت : ليش انا ولد اخوك شعرة في لحيتك ياعمي :( قال : لا.. هين.. الشعرة ذي بانتفها ان ماسمعت كلامي هالحين اسمع يامصرقع بناتي الثنتين مزيونه وهيله كبار هالحين والبنات اللي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونه يالله افرح يامصرقع ;) قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى مزيونه خبله ياعمي وفوق ذا شينه والله مافيها من الزين غير اسمها 
العرض العادي
