ملاحظه / سبق وان ذكرة بأن هذه القصة من تأليفي وليس لها أي أساس من الصحة وإنما
خيالية ولأكن ربما تحصل قصص مشابه مثلها من يدري ؟؟
إلحاقا لمعاناتي مع جدتي المراهقة واللي حطت شرف الأسرة على كف عفريت وشرحت معاناتي معها أمامكم سابقا 0
وانتهي الحال إلى أني اخترت لها شايب مناسب لأهو عجوز مقربع ولا صغيرمصرقع ، تقدمة به إحدى الأخوات في المنتدى وياليتني ما كلمت جدتي عنه0
انهارت الصايعة بالبكاء وخلعت البكلات من شعرها بقوة ورفعت صوتها ،وتقول شايبي اللي في برج المملكة وإلا الموت من بعده ما اقدر أتخلى عنة ولا أتزوج غيرة وأنا صراحة تفهمت الموضوع وعرفت أنا جدتي وصلت لمرحلة قيس وليلي 0 وقلت لها افعي ما بدالك فو الذي نفسي بيده لأزوجنك شايبك 0 وتفقنا على زيارة شايبنا ومصارحته بغرام جدتي
0وقالت جدتي لازم اشتري له هدية من اختياري عشان يحس أني راقية (ليس المقصود الرقية الشرعية ) وبالفعل حطيتها في أسواق صحاري وشترت ورد لونه بني ومخطط بأصفر وطقم أقلام رصاص وجايبة معها من البيت حنيني ومراصيع وقالت عشان يصير متعافي أكيد مل من أكل المطاعم؟؟ وكانت سريعة في حركتها وملخومة في مشيتها طاحت منها العباية عدة مرات وتقولي أعصابي متوترة وصلنا إلي برج المملكة وعباية جدتي تروح إلى الأمام وترجع وقلت لها وش ذا اللي يتحرك ويرجع قالت قلبي جبتلها حزام مطاط قوي ولفيتة على صدرها عشان لاينفجر وينط قلبها قدامنا ولما وصلنا ارتاعت جدتي ما لقينا الشايب على كرسيه سالناعنة قالوا يلعب بلياردو رحت صالة البلياردو لقية يلعب بحماس ولابس تي شيرت مكتوب علية (l Love shake era) وطلبت منه الحديث على انفراد رحب بطلبي وجاني وصارحته بالموضوع قال جدتك حلوة ؟ قلت له منت أزين منها!! قال ما عندي مانع الأيام هذه ما عندي احد وممكن ارتبط من جديد وهذا شي طبيعي ماهي أول وحدة تنهار أمامي !0 يعني شايب مغرور بغيت ألف فلينته وأدسها في خشمه
ولكن قدرت مشاعر جدتي سألته وش اسمك ياعم ؟ قال اسمي (بطي) ولكن يدلعوني (توتي) وقال وش اسمك أنت قلت أسمى (بباي) قال تستهبل ؟ قلت لا أحب امزح اسمي (!!!!!) وترى جدتي اسمها (!!!!!) تنتظرنا في الكوفي شوب ،أخذت شايبنا وهو متلهف لين مكان جدتي المتلهفة ونا متلهف وش بيسوون ،وأول ما جلسوا قدام بعض حدث شي غريب وتمنيت معي كاميرا، صمت رهيب العيون مركزة في العيون لقيت عباية جدتي تروح وتجي بقوة ونفك الحزام الأمان وفلينة الشايب تروح وتجي بسرعة وبينهم متر ومن قوة اندفاعات تصاقعت وكل واحد طاح ورآه غطيت جدتي بغطاء الطاولة لان ركبتها بانت والشايب ما ميزت سيقانه من رجل الطاولة
تجمعوا الناس قلت حصل خير كل واحد يرجع لا تتجمهرون مانيب ناقص فضايح ، وبعدين رجعتهم لكراسيهم وقلت لهم قدامك عشر دقائق تتفقون 0 الشايب أكل حنيني جدتي ومراصيعها0 وبعدما خلص ثاغر بقوة طارت غطوه جدتي شاف وجهها وهي كانت تبتسم 0 عد أسنانها الثلاثة واحد اثنين ثلاثة وأغمى علية وبعدما ركز بعيونه بدهشة هفت عليه جدتي وهو مغمي علية بكرت المينيو حق المطعم لين صحي وهي تقول بسم الله عليك !!0 فيني ولا فيك أنا من غيرك زى الجزمة من غير شراب وزى الشكشوكة من غير ملح يوم صحي قال موب أنتي (!!!!!) بنت أبو (!!!!!) اللي كنتي تبيعين علوك ومصا قيل في سوق الغالة قبل ستين سنة قالت إلا ابة ؟ قال وكان عندك حمار أطوال رجولة الأربعة مختلفة !!!؟؟
قالت إيه ؟ ،قال لها أنا بطي ولد درعان أخوك من الرضاعة ، نظرت لجدتي لقيتها تسمرت مكانها ووقفت الكلام الصدمة اكبر من إمكانيتها حاولت أخليها تتكلم فشلت أخذتها إلى مستشفي التخصصي قالوا هذه تعرضت لصدمة عنيفة ،مانجح علاجها وألان هي تتعالج في ولاية كلورا دو في أمريكا والله يستر من شياب الكاوبوي باروح ازور جدتي وأعطيكم أخبارها !!!!!
&&&تكملة زواج جدتي من شايب برج المملكة&&&
، وبعدين رجعتهم لكراسيهم وقلت لهم قدامك عشر دقائق تتفقون 0 الشايب أكل حنيني جدتي ومراصيعها0 وبعدما خلص ثاغر بقوة طارت غطوه جدتي شاف وجهها وهي كانت تبتسم 0 عد أسنانها الثلاثة واحد اثنين ثلاثة وأغمى علية وبعدما ركز بعيونه بدهشة هفت عليه جدتي وهو مغمي علية بكرت المينيو حق المطعم لين صحي وهي تقول بسم الله عليك !!0 فيني ولا فيك أنا من غيرك زى الجزمة من غير شراب وزى الشكشوكة من غير ملح يوم صحي قال موب أنتي (!!!!!) بنت أبو (!!!!!) اللي كنتي تبيعين علوك ومصا قيل في سوق الغالة قبل ستين سنة قالت إلا ابة ؟ قال وكان عندك حمار أطوال رجولة الأربعة مختلفة !!!؟؟
العرض العادي
