في وحدتي تناثر الدمع مـن عينـي=واقفت ليالي السعاده مـع قوافيهـا
سود الغداري تغربل تالـي سنينـي=تروّض عِزوم فكري لي سرت فيهـا
لانـور قمـرا ولا نجـمِ يسليـنـي=شوقي جنوبٍ وتجنح بـه شماليهـا
وعيني طواها معا لحـزان كاسينـي=من لاعه الوقت مافسّـر خوافيهـا
لي هزّها الوجد حنّت بين رمشينـي=رمشٍ يسلهم ورمشٍ غـارقِ فيهـا
وان غاب عنها طواها اليأس والبيني=نظراتها في ثري المجهول ترميهـا
من حر ماها تصفّق راحـة يدينـي=مع ونـةٍ تكسـر الاهـأت ترثيهـا
حتي الصبر ياخلايـق قـال كافينـي=دبّر وجدواه فـي صـدّه يواسيهـا
باسباب منهو جعل من قلبي اثنينـي=علّه جروحٍ تدامـي فـي خوافيهـا
مديون والموت يمكن يقضي الدينـي=الروح تاليه خوفـي منـه يشقيهـا
للي دموعه علـي خديـه ترثينـي=تزرع من الطيب في قلبي وتسقيهـا
مير القدر مايعرف الشين والزينـي=هذي صروفـه يميـن الله راضيهـا