السلام عليكم ورحمة الله وبركاته ,,
يا اخي صدق متحامل بقوة على البنات ,, مدري ليش عندك نظرة سوداوية عننا
يعني يمكن في مننا بنات تنطبق عليهم كلماتك ,, بس والله مو كلنا ,,
يوجعني قلبي يوم اقرا مواضعيك ,, احس ان اللي حولك معطينك فكرة غلط ,,
باسالك بصراحة انت ما قد شفت نموذج يعجبك ؟؟ ما قد لاحظت بنت ما اقول كاملة بس يكفي انها عاقلة ؟؟
ما شفت بنات ملتزمات ويازينهم ,, ما شفت واعيات والحيا يغطيهم ,,
يلا ,, دايما تظلمنا بكلامك ,, لكن اللي يشفع لك عندنا ,, ان كلامك للاسف صار ينطبق على كثير من بناتنا
وآآآآآآآه منهم ,, ليتهم يسمعوا ويشوفوا ,, بس اظن حتى لو سمعوا وشافوا ماراح يتغيروا ,,
المهم .. خلينا بموضوعك ..
ما اظن في بنت تقدر تقول لوحدة اني احب اخوكي
حتى لو كان ولد عمها ,, حتى لو واحد من اقاربها او جارها او اخو صديقتها ,,
مااظن تفقد البنت حياءها لذي الدرجة ,, حتى لو كانت فعلا تحب ,,
والله ما ظنيت يالفارس ,, بس مين يدري ,, يمكن في بنات سووها ,, مو احنا في زمن العجايب
اعتقد لو جات وحدة وعلمتني انها تحب اخوي باضحك عليها ,,
لان اخوي ما ينحب ,, وتوووه في الثانوية ,, وعصبي وما في وحدة تتحمله بس حنون ,,
بس والله لو فرضت جات وحدة وقالت انها تحب اخوي باعلمها بعيوبه ,, ولو كانوا لايقين لبعض ,,
وهو يستاهلها وهي تستاهله ,, يمكن اقنع اهلي يخطبوها له ,, بس بدون ما اعلم احد بسالفة حبها له,,
لانه سالفة زي كذا ممكن تنهي مستقبلها وسعادتها ,,
بس صدقني ما اظن انهاصارت لاحد ,, مو معقول تتجرا البنت وتفصح عن مشاعرها ,,
البنت حتى لو حبت تسكت وتكتم حتى عن اقرب الناس لها ..
تحياتي لك وتسلم على مواضيعك ,,