اقتراح للحريم
--------------------------------------------------------------------------------
في هذا الزمان نشوف عادات شينه طاحن فيها حريمنا وهو تجميع الثياب وياليته تجميع وبس الثوب يجي بذيك العده واذا لبسته لبستين ارجمته تقول خلاص مابيه شافوني به .. واللي يقهرك ان فيه حريم مفتحات وفاهمات ولكن للاسف ماتشوف منهن اي استنكار .. والله يالمهبولات هذا اسرف خوفي الله لا ينزل عليكم مقرصة حاميه يامال اللي .. الحريم الملوسنات عارف وش الحين يحنتمن به اكيد تبي تقول وانتم يارجال فيكم اللي فيكم و ماهيب ساكته ابد .. انا الحين اناقش مسئله وابي تشغيل مخ .. ليش الثوب مايصلح الا اللبستين ثم يرجم .. وبعدين الثوب ماهوب رخيص غالي يخرف الي ورى الواحد ودونه يعني وش ذنب الزوج انه يتحمل هذا كله ووش ذنب راتبك كان لك راتب عشان يروح في ذا السخافات .. للاسف العقول في الزمان ذا تنك .. وفيه حريم يمكن يستنكرن لكن مايقدرن يسون الي هم مقتنعين به كله عشان تخاف يجيها كلام . مشكلكم هذي يبي لها وقفه وحده وتنتهي ولو كل وحده قالت هذي ثيابي مافيها وصخ ولا فيها شقوق ياملحه علي والسلام .
<-- عارف انها تبطي لكن الله يصبرنا عليكم <- اللي يشوف كلامي يقول هذا متزوج عنده اربع حريم وعشرين طعش ولد....
وحيث ان مبدا التعاون واجب بين الجنسين الذكر والانثى فضيت دمجتي ساعة زمان (والله ماقصرت قاعد افكر لكم ياحبيلي بس) حتى خرجت بحل طيب اسئل الله ان يطرح فيه الخير والبركه ،،،،،،، اقترح ان التنوره والبلوزه تلغونها وتصيرون تلبسون ثوب لكن الثوب هذا له مواصفات عشان يختلف عن طريقة ثياب الرجال ,, الثوب النسائي يتكون من لونين ويكون حرير او قطن ولا جلد بعير اي شي اهم شي شي يستر ،، مايكون فيه مخبات قدام ،، الكموم تصير اقصر من الثوب الرجالي بشبر ،، ثياب السهره يكون فيها صوره ورى ياصورة ورده ولا صورة قدر او ملاسه علشان يقولون هذي البنت شكلها حقت مطبخ ،، الثياب النسائيه مايكون فيها شي اسمه قلاب ويكتفا بزري على حدود الثوب ولا اي نقشه ،، تضاف مواصفه اخرى للحريم الدشير فتحه تحت تاصل لركبه مع مراعات لبس الشلح ويكون لون الشلحه وردي ولا اصفر ويجب تجنب اللون الابيض لدواعي امنيه ،، الدلعه تصير على شغلها قدام لعدم مضايقة اصحاب الرضاعه الطبيعيه واسهل لعملية تلفيز الدراهم عند بعض الاخوات اللي فيهن عرق حضارم ،، وضع مكان للمحزم ويكون اجباري ويكون بنفس لون الثوب .. وبعد هذا كله اعتقد ان الثوب سوف يكون قليل التكلفه .. وساكب على البنت وكذلك تبي ترتاح البنت من تجميع الثياب لان الثوب يبي يصير قطعه وحده .. والله ينفع به ولا يتكل عليه .
ارجو من اخواتي من يطقوني على كلامي لان هذاي الحقيقة
العرض الشجري
