((الحكايه))

[امير الاتحاد]

حبيبتي بيني وبينك حكايا...............ماقد مشو فيها من الناس عشاق

فيها البداية للغرام النهايا...............وغروب شمس الحب فيها بالاشراق

والطيف بألوانه يشع بسمايا..............من كل لون ٍ مرضي ٍ كل الاذواق

كنك مع تمشين وانتي ورايا.............بين الزهور وحولنا خضر الاوراق

وانتي قطفتي الورد وقلتي هدايا .............ومديت يدي بآخذ الورد بعناق

قلتي لي اول.. شد حيلك معايا.............بسألك عن شي ٍ يجي وقت الاشفاق

ماله شبيه ٍ بالخلايق سوايا...............بنصف الشهر يكمل وبالكون براق

قلت اعرفه والله جعل فيه آيه............وبحكم رب العرش يمشي وينساق

ذاك الشبه والا القمر ياهوايا.............يمشي بجنبي كامل ٍ زين واخلاق

يجمع خصال وينفرد بالمزايا..............دلوع وبسرعه لمغليه يشتاق

وانتي حضنتيني وقلتي كفايا.............وقت اللقاء عدا وذا وقت الافراق

في الموعد القادم بتحلى الروايا.........وتآخذ بدال الورد معسول الارياق

قلت ايه راضي واشهدي يالنهايا..........بانه وعدني في خيالي اذا باق

وسلامتكم ؛

عبدالرحمن المرشد ( امير الحب )