.
.
ايولله صدقت هيفاء وهبي يوم تقول ل عبدالرب ادريس .. ليلة مبارح ماقانيش نوم ويرد عليها ابو ادريس ويقول مره قمر ومره بدر ومره هلال
هذا ماحصل لي البارح.. طلعت من الدوام بعد عناء كرف يوم كامل على الانترنت
: وصلت البيت اربع وعليها . الحارهـ هادئه .. جارنا ابو غانم عند الباب والضاهر عنده عشى لأنه مشاء الله كل ليله عشى .. هو الشخص الوحيد لقبيلته في الرياض وشف عاد الشيبان اذا جوا من ديرتهم مايعرفون الا ابو غانم .. اخذ قرض ابو غانم عشان السهرات الليليه اللي مثل كذا سلمت عليه وحلف وطلق واجزم بالعشره والافعال الخمسه واسماءها ان اجي للعشا... قلت له مرتبـــــــــــط (قال مرتبط واحد و الا ثنين ) فهممت ان اقتلع خشمه لولا اني لابس جينز وخفت اني اطيح ويرديني قتيلا
خشيت البيت السعودي .. قصدي بيتنا الا انواع التشطيف من جمبي وتجيني نعال طايره طططع في متني والثاني جايك يركض وضرب في الباب وطاح دايخا
فتحت الباب الداخلي ويوم ناظرتهم وهم يهجدون تقول الفيلم اللي جاء البارح على الام بي سي تو يوم البطل خش المقهى كلهم واهم يتكلمون ولما شافووه صكتو كلهم بصراحه حسيت بتقدير اخواني الصغار لي قلت وش فيه..
قمز اخوي وحبيب قلبي اللي انا احبه اكثر واحد بيحيبك (شطح الكاتب) وقال عبدالله يسحب السلك حق السوني مايخليني العب .. ويقمز عبدالله قال والله ياصاحب (تراهم يعرفون اسمي بالمنتدى
)
ان هالنتفه يلعب ويطالعني ويضحك يقول احسن انا العب وانت ماتلعب ..
قلت لهم : لا بأس لا بأس يامــاجد(هذا حبيب قلبي) شوف البوك بالسيارهـ اجلب لنا بعض من المال ووزعه على اخوانك وخلوكم عاقلين
وماهي برهات ودقيقات الا وماجد جايب البوك وبطاقة العمل والرخصه والاستمارهـ قلت الله يحييك مابي غير البوك واعيطم ماتييسر ..(تحسون اني معطيهم على ريال صح
)
توجهت للملحق مافيني حيل اطلع للغرفه .. الملحق فيه الكمبيوطر والتلفاز الثاني اللي فيه المباريات الروسيه والاسبانيه
واستلقي على الفراش .. ااااااااااه من التعب .. وش ذا العمل اللي قلت حيا.. انترنت انترنت يووه قرف ..
واااااااااخخخ (شخير وزفير)
واحد يردسني برجله واطالع بنص عين .. الا اخوي قم صل قامت عصبك الساعه ثمان ونص اخوتس ياختي .. ابكـ وش هالهرجه(متأثر بكلام جدهـ)
في الحمــــــــــام
قمت واخذت لي دش الله لايوريكم.. دليل على ان اليوم منحوس والليله منحوسه.. في عز الوناسه والماء يغمرني واتلذذ بطعم الشامبو الجديد اللذي سال على عيني وقمت امسح الدمع بالدمع خلص الما .. ياليــــــل ياعبدالله ياماجد وش السالفه.. قالو ماندري حدث خلل قلت صلحوه قالو نبي ندق على 902 اخواني دلوخ يحسبون اي حاجه يتدخل فيها 902
قلت ياحبي لكم لا شوفوا وضعه .. دقايق الا المياه ترجع الا الدش .. وانا اغني وخاش جو .. الا تلفون الحمام يدق (من زود الرفاهيه بالبيت حاطين تلفون بالحمام )(قويه صح) لا هو بالاصح جوالي برا الحمام يرن يرن.. ياخي وش سالفة هالناس حتى بالحمام الواحد ماياخذ راحته.. .. المهم طالعت يمين يسار مافيه احد وافتح الحمام واخذ الجوال واسكر الباب بالقفل لزوم الدنيا مافيها امان
الو نعم (هذا انا)
طعلت وحدهـ غلطانه ... تقول هذا جوال مصعب
قلت اي مصعب واي حشيش
قلت طيب كل ×ُ÷‘)*ٌ[)ُ*&*ٌ <<<<<<< كلام ماله سنع بس هو حاجه تاكلها الجمال
يادين الله.. الا الجوال يدق مره ثانيه.. وامسح دموعي من الشامبو الله ياخذه(نصيحه لااحد يشتري بانتين الابيض ذاك يععععععععععع منه)
وارفع السماعه قلت غلطانه بعد انتي الثانيه..
قالت لا هذا سواق مطعم ماما نوره قلت ايه امري قالت نبي مطبق وواحد فول يادين الله .. طلعن نفس البنات اللي يدقن علي ويسولفن ولاعرف مين هن.. اللهم كل يوم جوال سوالف ساعه نص ساعه وتنتهي إما ان ابوي يخش علي او اني انهيها وديا واقفل الجوال واقول انتهى الشحن
قلت انقلعوا الله ياخذهالوجيه بس .. واسكر السماعه..
خلصنا دشنا بعد عناااااااااااااااااء
في الملحق مرهـ ثانيه:
ااالله الجو هدووء .. اخواني طاسين للدكان مدري وش ذالفين.. البيت هااااادئ. مافيه الا صوت خالد عبدالرحمن مثل العسل وسط الضماير غلاكم على الخليجيه ..
وهناك بنص الملحق (قهوهـ . تمر. شاهي . معمول) واتقهوى ويعني اموري للحين ماشي الحال بس للحين اتذكر خويي اللي طاح من عيني بعد ماكتشفت انه يسبني عند شخص مايسوى .. واقول الدنيا ذي وش فيها.. ماعاد فيه اخــوه..مافيه معـزه.. صرت امشي معك لمصلحه وانت تمشي معاي لمصلحه.. بصراحه عالم الانطرنط عالم غريب.. اكثر من مره انصدم في اخويا هالانطرنط واحلف اني مااتعرف على احد لكن اجي على وجهي واطيح في حبهم وماهي الا شهر شهرين والقاه جايب العيد في خشتي.. إما هارج فيني عند فلان والا فلانه.. او قايل ان فلان يقول .. يعني حكي وخرابيط .المهم انا خاش جو وعلىبالي افكر وسرحان .. الا القبعه يوم جت برااا واقمز من مكاني يووه ياشين الخوف
واطلع الا هو ابو غانم صافق لك واحد جاين يفحط بالحارهـ.. وموقفه ولاعن ابو خيرهـ وهالشخص بينحاش وصدم في مدري وش .قلت عوافي عوافي..
هذي والله الليله اللي ماهي مباركهـ.. طبعا انا اذا نمت نومه قشرا مثل ذي .. اقعد ساعه ساعتين ثلاث ساعات عشان اروق بعض الاوقات اقوم بس اصلي وارجع انام .. (خزن استتراتيجي لنوم في جمجمتي)للحين مو رايق واحس نفسي زهقان .. دقوا علي العيال ولا رديت..قال الوالد مشينا معزومين عشى قلت عندي اختبار (حركات هاليومين اذا قلت عندي اختبار لو تقوم القيامه مافيه امل يقول مشينا )((وللمعلوميه تراني بالجامعه العربيه وتو اختباراتنا تبدا )
MBC
قلت ياولد خلني اشوف الام بي سي وش فيها .. الا فيه
طاش طاش طاش ماطاااااااش .. بصراحه رررررررهيبه خصوصا الحلقه كانت عن الاسهم (وارفع يدي فوق حسبي الله عليهم حسب يكفي) اجل
78% من المحفظه كلها خساره<<لونتها بالاحمر من القهر هيييي وتقفل الاخلاق مره ثانيه هالحين جاي ابوسع صدري تروحون تذكروني بالخساير والارباح قمت معصب و انا ادعي رحت لاخر الباب ورجعت (فكرت مدري وين اروح)
سلام مول
قلت ياولد شرايك تروح تاخذ لفه على المنطقه من زمان مارحت.. المهم اخذت لفه على سلام مول.. ا لا والهيئه معاي (ياديـــــــــــــــــــــــــــــــــــــــــــــ ـن الله وش يبون ذولي) .. قالوا هاه ياولدي رقمتها بطاقه والا بلوتوث قلت مانيب راعي هالحركات .. قال اي هين من رزتك انت وشماغك اللي مدري من وين جايبها
قلت تكفى انت وجمسك ذا تذكرني بايام العميل رقم سبعه
.. نزل علي اثبات ومااثبات.. واعطيه بطاقة العمل قال افا انت في هالعمل.... وتدور على الاسواق اللي اخبره ان هالموضفين متقيدين باالسلامه والنظام و....(شكله حاظر محاظره عند ربعنا معلمينه اصول الحب) وعطهم درس بعيوونك <<شطح ..
قال خلاص توكل على الله ولاعاد اشوفك تدور ..ااااااه طالعت وحده تطالعني وقصم تبي الرقم عديمة الذوق بس مااش الهاعه وراي .. طلعت من السوق والاخلاق
H
صفحات الانطرنط
قلت ياولد مالك ا لا انطرنطها .. وعلى طول على الجهاز.. وافتح اربع صفحات
شات فلان الكتابي/منتدى الود /مسنجرصاحب السمو (الحاله طفشان)/شات فلان الصوتي/
خشيت الشات الكتابي.. الوضع مش ولابد .. مجموعة شباب يسولفوون
هــو ولكمووووووووووووووووووووو فلانه
فلانه يسسسسسسسسسسسسسسلمو
هـو .. بصراحه انا ماتعشيت (طيب شدخلني فيك)
هي: ياحرااااااام مو معقوله للحين ماتعشيت
هو : والله العضيم ماتعشيت
هي .. بس انا بصراحه زعلانه عليك وينك من زمان يادب
هو : مشاغل الدنيا (هو نصاب مالقى خمسه ريال يخش بها المقهى )
هي : ماشفت فلاان
هـو: لا ماشفته يقولوون خلاص تطوع (شف الذبه عشان يخش في خشتها وانا قصم شايف هالشخص ويسولف معه بعد )
هي : ياحليلك والله واخبارك(خقت السحليه)
هـو : والله للحين ماتعشيت(يادين الله انت وذا العشا مثل اللي يقول يلله شباب قطه نبي نجيب نص تيس
غيرت الغرفه رحت غرفه هادئه وكل شوي ناقز لي و احد برساله خاصه انت اللي في المنتدى.. وضحكه ملت الصفحه . قال ههههههههههههههههههههههههههههههههه اول مره اشوفك ..
الثاني يقول شعنده جاي الليله هنا
الثالث .. ماوده يشوف خشتي بالشات
الخامسه تقول: والله مره مره مره مره اتابع سوالفكم انا مبسوطه منك (شتبين اسوي طيب )
علامة X وخروج.. بصراحه والله حبوبين بس المزاج قااااااااااااااااااااافل
قلت يلله ي اللي بعدهـ المنتدى
وبرضو مش ولابد وقعدت اطقطق في مواضيع المنتدى بالفرفشه وكلها منقووله قد قريتها عام الف وخشبه
قلت ياولد مالها الا رجالها.. دامك اتجاهك طفش موجهك شعر .. بصراحه عندنا شعراء ولا اروع قريت شوي تسني هاه هاه روقت شوي ..
الا صوت المنبه في المسنجر يوم طق في راسي (الله ياخذ هالميكروسوفت يوم اخترعوا هالتنبيه قصم يدبل تسبدي مدري كيف احط له قفل مابي منبهات الا الشاهي )
الا واحد يقول (ص من الناس) : فلان يقول خل صاحب ينفعك !!
اخش علي(س من الناس) : اقول تعرف (ص) يقول لاولله ماعرفه
اخش على (ص) اقول ياخي مايعرفك
قال (ص) هو قالي بعد كذا انه انكر معرفته لي
قلت ل (ص) طيب انا شدخلني بينكم !!
قال (ص) مدري بس حبيت اوصل لك كلامه
وبلوك للشخص المذكوور
تعكر المزاج
اخش الشات الصوتي اشوف الشباب الا الامور هادئه واحط لي كم مراقب مؤقت واطلع برضو طفشان ..
قلت بلاش انطرنط انا لازم اسافر اخذ لي كم يوم
وادق على خويي قال ماعندي اي مشاكل اي يوم قلي بس
قلت خلاص الاسبوع ذا او الثاني بالكثير .. لأن عندي رئيس نشبه يمكن مايوافق يعطيني اجازه الاربعاء ذا فبنسق واشوف لك قال اوكي
كني استرحت شوي..
الغرفه رقم خمسه.
(فندق ذا مو بيت
)
قلت ياولد الساعه الان 11 حاول تنام
واضجع كالعادهـ .. يمين يسار ياولد وش ذا ماجاني نوم ساعه ساعتين الساعه الان الواحده بعد منتصف الليل(0شعنده المؤقت على غفله)
قمت وطلعت برا الشارع جلست عشر دقايق جيت بخش الانترنط مالي خلق .. الجوال يدق مالي خلق اكلم.. ايشبها الدنيا ذي .. الجو مغبـــــــــر مره مدري شفيه..
رجعت للغرفه وطفيت اللمبه وانسدحت :
.
.
.
كانت ليلة سرمديه من ليالي الشتاء الطويله اللتي تلألأت بالبرد و الخوف .. لا اسمع سوى اصوات تساقط الشجر.. وسيارة تأتي من بعيد..
يالــه من حلم .. وياله من وهم.. كدت اغرق هما وابكي ندما لولا قدرته سبحانه.. اللذي الهمني الصبر
القرية خاليه .. يبدو ان السكان هاجرو الا مكان بعيــــــــــد .. لا ارى سوا تتابع اثرهم وراء بعض
سرااب يحيط بي .. اصوات مخيفه .. بدأت الشمس تهاجر المكان .. وبدأت الضلمة تجنح المكان
وفجأهـ
اخوي يقومني قم قم الساعه ست الدوام
ههههههههههههههههههههههههههه
ليــلة مبــارح ماقانيش نوم (يوجد افلام كرتون للصغار وجدول مباريات السعوديه بالداخل)
العرض المتطور
