عندي مشكلة ذاتية فقط ساعدنوي

[اميرة بكلمتي]

السلام عليكم ورحمة الله وبركاته...

أخوتي.. اكتب رسالتي وليست شكوى وإنما فضفضة وماشكواي إلا لله ..ولا اطيل عليكم بالمقدمه .. اتمنى ماحدا يجرحني ولا ابغى شكر أبغى بصلب الموضوع,,أتفقنا.
دوماٌ اتكلم مع روحي مو وسوسه بل عتاب وراح أقولكم لا تستغربون من حالتي أنا لسه صغيره عندي 18 سنه قولو ماشاء الله العمر كله ان شاء..
المهم..
في ناس مانحبهم وهذا شي طبيعي من الفطرة نحب ونكره والطامة الكبرى عندما نواجه من لا نحب ونعامله معاملة المحب لماذا السبب الرئيسي يعود لشخصيتك وأنا ماانكر فيه بنات مااحبهم مغرورين بحد ذاتهم ولماأشوفهم تلاقوني اسلم عليهم سلام حار بمعنى سلام مشتاق حبيب لحبيبه وأسألهن عن اخبارهن وليش مسوين فيني القطاعة وماأدري كيف المهم وضحت الصورة لكم ولما اشوف الي احبهم تلاقون سلام سلام عادي جداً هل السبب يعود من الثقة في معزتهم لي ومحبتهم
وسؤالي هنا ليش الي نكرهم نسلم عليهم ونحادثهم أكثر من الي نحبهم وأتمنى تفهموني كويس
مو كل الي مانحبهم بس الي نصادفهم
الله يوفقكم أنتضركم

[نبـض المشاعــر]

أختي أميرة

قبل كل شي حتى لو كنت أكره أنسان
فلن أعامله معاملة سيئة إن لم يفعل مايسيئ لي

وهذي المشكلة كثير ماتصير
لانحب ناس لكن اذا رأيناهم قمنا السلام أو رد السلام


في البداية أحتسبي الاجر بالسلام
فالسلام سنة
وان كانوا هم من بدأو بالسلام
فرد السلام واجب
المهم الإبتسامة في وجه أخيك المسلم صدقة
فأحتسبي الأجر

هذا يمكن أن يكون السبب الأول




والسبب الثاني
ممكن أن تكون المجاملة
وعدم التفكير في جرح الناس


السبب الثالث
كيف لي أن لا أرد السلام على شخص لم يؤذني ولم يخطأ علي! ! !

ان فعلت فأنا أعكس أخلاقي التي ستبين اني بلا أخلاق! ! !


بإختصــار

سؤالك يكمن في المصادفة

اذا كانت مصادفة فهي دقائق معدودة وستنقضي
فإحتمليهم لو لبضع دقائق
فالإنسان يموت ولكن الأخلاق الحسنة التي كان يتحلى بها
هي التي ستبقـــى


وتذكري أختي
فإن كثيرا من حالات الصداقة القوية
تخيلي أن بدايتها كانت كراهية متبادلة من قبل الشخصين
وسبحان الله تحولت الكراهية الى محبة دائمة


والله يعينــــك

[اميرة بكلمتي]

حبيبتي ليان المملوحه.. لله درك

كم افرحني ردك المتواضع الذي يعبر عن اخلاقك ماشاء الله عليك

غاليتي ..

ربما استعجلتي أو مافهمتي قصدي بالواضح انا ياقلبي ماأعارضك وكلامك والله سديد
لكن فيه ناس مانحبهم مو معنى سلامي لهم السلام عليكم ورحمة الله وبركاته فقط
لا ياخيتي شي يقهر ويرفع الضغط سلام حار بالمختصر تلاقين اسال عن أخبرها وعن حياتها وش مسوية بالدنيا وماأدري كيف وضحت لكِ
لكن إلى متى أظل أجاملو اعاتب نفسي هل هذي من صفات الاخلاق الحميدة ام ماذا أجيبوني

[نبـض المشاعــر]

اقتباس المشاركة الأصلية كتبت بواسطة اميرة بكلمتي فيه ناس مانحبهم مو معنى سلامي لهم السلام عليكم ورحمة الله وبركاته فقط لا ياخيتي شي يقهر ويرفع الضغط سلام حار بالمختصر تلاقين اسال عن أخبرها وعن حياتها وش مسوية بالدنيا وماأدري كيف وضحت لكِ لكن إلى متى أظل أجاملو اعاتب نفسي هل هذي من صفات الاخلاق الحميدة ام ماذا أجيبوني

مممممممممممممممممممممممممممممم


ممكن يكون لسببين
أنك تستمرين وترحبين بالبنت كأنها غالية عليك مرة


أولا
يمكن طيبة قلبك
وأنك ماودك تجرحينها أو تبينين لها أنها مكروهه من قبلك


وثانيا
الفضول يدفعك لمعرفة أخبارها وماذا حصل لها


نصيحتي لك

اللي ماتحبينه أو تكرهينه بمعنى أصح
لا ترحبين فيه أو تفرحين بشوفته كثير
يعني سلمي وخلي اسئلتك محدودة
أخبارك
أخبار دنياك
يعني اسئلة خفيفة
وأتركيها وروحي

كذا تطلعين بالزينة بدون اي غلط

وهذي تصير مع الكل
بس لاتطيرين بالبنت وأنك مشتاقة لها
خليك عادي جدا



أتمنى أكون أفدتــك




اوووووه
نسيت أقول ماشالله العمر كله

أختك

ليــــــــان

[نجداوي نجد]

بسم الله الرحمن الرحيم

نبدأ اول مشاركه

وترى ماطلبت ترحيب .... لاني ماحب الرسميات ^_^





نرجع لموضوعك يا اميره

وانا سجلت ورديت عليك ، لانك تشاركيني بنفس المشكله

المقربين مني ومن احبهم لا ابالي بوجودهم معي ،
ولا اجد نفسي اهتم بهم كثيراً رغم ان وجودهم يبعث في نفسي السرور

اجد تصرفي معهم ( عادي ) واستقبالي لهم ( عادي ) ، حتى اني احياناً اشعر بالحرج ، خوفاً من ان يشعرون بإني غير مهتم بهم


بينما عامة الناس احاول جاهداً ابراز ملامح الفرحه والسرور عند مقابلتهم
واحاول الاهتمام بهم كثيراً ، رغم ان قلبي ليس لهم فيه متسع

بيني وبينك لازم انشوف لنا حل مع هالمشكله
وبصراحه ماتوقعت ان فيه احد مثلي


انتي من وين طلعتي ^_^

[اميرة بكلمتي]

ياقلبي فديتك ليان والله اني اتعبتك معاي بس أنت الي معبرتني المشاهدات اكثر من الاربعين ومكو غيرك يرد ويساعدني الله يجزاك الفردوس الاعلى بغير حساب قولي امين
.......
نرجع للقضية تقولين بس اسالة محدودة ومااخذ معاها ..ليان بجد بكون صريحه معاك مااستطيع انا ثرثارة ام لسانين لو تصفعني تلاقين اضحك بوجهة والله مااجامل أذكر موقف حصل لي كنت عند صديقاتي((الشلة)) وكانت في وحدة بس تدعي علينا قلت حرام عليك ودعت علي قالت الله لايرحمك قلت اتفلي بوجهي ولاتدعين علي لاني اخاف من الدعاء والله ليان انه تفلت وقالت بكل وقاحه انتي طلبتي مني والله العظيم وقسم برب الكعبة اني ضحكت بوجهة ولما رحت للبيت توست المخدة وأنواع الصياح حتى نشف ريقي ..
الشاهد أني أستحي خجولة بمعنى الكلمة
أدعو ربي لكِ بالتوفيق وأن يسعدكِ دنيا واخره ويجعل مثواك الفردوس اللهم امين وأسفة على إزعاجك..
اختك توتو

عزيزي نجدواي نجد.... ارحب فيك بالاول<<<لاياشيخه يقول مااحب الرسميات وأنتِ ماصدقتي خبر <<<حدي طفشانه بسولف عاادي تقبلها
عزيزي... ماعمري تصورت يكون مثلي أحد ولما كتبت الموضوع توقعت فية مذلة وإهانة لي لكن الحمدلله بوجود الغالية ليان الكل يفتخر وكثر الله من امثالها
الله يعينك أخوي وأحنا الله يعيننا ..
مالك إلا نصيحت ليان وأتمنى الكل يفيدنا

[نبـض المشاعــر]

أهلين أختي أميرة بكلمتي

يا عيوني بالنسبة للبنت اللي تكلمتي عنها
هذي ماعندها أخلاق للأسف
ولو كانت متربية ماسوت الحركة البايخة
ومن حركتها يتضح ((( أنها ماتحترمك أو تكرهك )))

والشي الثاني بعض الغلط يرجع عليك
يعني حتى لو قلتي ((( اتفلي بوجهي بس لاتدعين )))
وسوتها المفروض أنك ماتستكتين لها ابد
لأن بكذا كل اللي حظروا الموقف
راح ياخذون عنك فكرة أن مالك شخصية
أو شخصيتك ضعيفة! ! !

والمفروض أي أحد يغلط عليك
ماتسكتين له
مهما كانت الظروف
لأنك اذا استمريتي كذا ماراح يحترمك أحد
ولا يفكر فيك أحد

والحياء له مجالاته الثانية
لكن لما يغلط عليك أحد وتسكتين هذا مايسمى حياء أبد


يمكن تسكتين اذا كان احد نطل عليك كلمة
أو لمح أنه يقصدك
في هذي اسكتي ولاتعطينه بال
لكن وضحي له أنك فاهمة القصد وأنه مايستاهل أنك تردين عليه
غير كذا
خــذي حقـــك


ويمكن أنتي ماتتكلمين في البيت كثير
عشان كذا تعوضين الكلام عند أصحابك
وماأمنعك سولفي تكلمي
خذي راحتك مع الكل لكن مع اللي ماتحبينهم أمسكي نفسك


و اللي يحترمك احترميه
و اللي مايحترمك لاتحترمينه
بس مو معناته أنك تغلطين على أحد
لا
لكن لاتعطينه بال



وياعيوني اللي تبينه أنا حاظرة

آمــري بــس



أختك

ليـــــــــــــان

[اميرة بكلمتي]

ليان قريت ردك وأرتحت نفسياً الله يرحيك دنيا وأخرهـ اللهم امين...,,\

وكلامك والله العظيم درر ...لكن فية حاجة وقفت عنده ودمعت عيناي أحس أنك عرفتي شخصيتي وحياتي يوم كتبتي لي ويمكن أنتي ماتتكلمين في البيت كثير
عشان كذا تعوضين الكلام عند أصحابك....
صدقتي والله وراح أفضفض لك شنو السبب الي يصير لي وراح اطلع خارج الموضوع لاني أشكر ربي بأنه رزقني اخت لم تلدها امي وانا اريدك بجنبي لا تتركيني بحالي
ليان ادرين اني اموت باليوم اكثر من مرة ولا ابالغ وربي الشاهد ماعندي اخوات عندي اخوان اربعه كلهم اكبر مني ولا واحد يحسسني بالاخوة كلهم حاقدين علي تدرين ليش لاني أجلس بحلوقهم عند الصلاة اعلم ابوي إذا ماطلعو يصلون او تأخرو عنها وبعد هذي كرهوني بجد لأني إذا طلبت منهم بروح للسوق او عند صديقاتي تدرين وش يقولون السيارة مافية بنزين وماارضى غير العشرين ريال ادري بتضحكين علي لكن قولي الحمدلله
تدرين وش سويت معاهم أخترت الي اقدر علية وسويت معاه صفقة أغسل ملابسه واسوي له قهوة للإستراحه مقابل ينفذ لي اوامري حتى أنكشف امره عند اخواني وقام يستهزؤن فية
حياتي والله نكد ماعمري حسيت بالحنان والعطف اذكر يوم قلت باثر فيهم جمعتهم وقلت عندي مفاجئة لكم وخبيتها ورى ظهري تدرين وشي ورقة كتبت فيها ثلاث كلامات
حسسني بانك اخوي وعزوتي
واحد عطاني مقفاة والثاني يضحك بوجهي والثالث يقول يلعن ام الوسوسه والرابع حسيت أنه تأثر لكن سرعان ماتغير ومات التاثير علية
ليان والله لو كتب لك إلى بكرى ماراح اسكت معاناتي تطول
دعواتكم لي

[اميرة بكلمتي]

ليان قريت ردك وأرتحت نفسياً الله يرحيك دنيا وأخرهـ اللهم امين...,,\

وكلامك والله العظيم درر ...لكن فية حاجة وقفت عنده ودمعت عيناي أحس أنك عرفتي شخصيتي وحياتي يوم كتبتي لي ويمكن أنتي ماتتكلمين في البيت كثير
عشان كذا تعوضين الكلام عند أصحابك....
صدقتي والله وراح أفضفض لك شنو السبب الي يصير لي وراح اطلع خارج الموضوع لاني أشكر ربي بأنه رزقني اخت لم تلدها امي وانا اريدك بجنبي لا تتركيني بحالي
ليان ادرين اني اموت باليوم اكثر من مرة ولا ابالغ وربي الشاهد ماعندي اخوات عندي اخوان اربعه كلهم اكبر مني ولا واحد يحسسني بالاخوة كلهم حاقدين علي تدرين ليش لاني أجلس بحلوقهم عند الصلاة اعلم ابوي إذا ماطلعو يصلون او تأخرو عنها وبعد هذي كرهوني بجد لأني إذا طلبت منهم بروح للسوق او عند صديقاتي تدرين وش يقولون السيارة مافية بنزين وماارضى غير العشرين ريال ادري بتضحكين علي لكن قولي الحمدلله
تدرين وش سويت معاهم أخترت الي اقدر علية وسويت معاه صفقة أغسل ملابسه واسوي له قهوة للإستراحه مقابل ينفذ لي اوامري حتى أنكشف امره عند اخواني وقام يستهزؤن فية
حياتي والله نكد ماعمري حسيت بالحنان والعطف اذكر يوم قلت باثر فيهم جمعتهم وقلت عندي مفاجئة لكم وخبيتها ورى ظهري تدرين وشي ورقة كتبت فيها ثلاث كلامات
حسسني بانك اخوي وعزوتي
واحد عطاني مقفاة والثاني يضحك بوجهي والثالث يقول يلعن ام الوسوسه والرابع حسيت أنه تأثر لكن سرعان ماتغير ومات التاثير علية
ليان والله لو كتب لك إلى بكرى ماراح اسكت معاناتي تطول
دعواتكم لي

[اميرة بكلمتي]

ليان قريت ردك وأرتحت نفسياً الله يرحيك دنيا وأخرهـ اللهم امين...,,\

وكلامك والله العظيم درر ...لكن فية حاجة وقفت عنده ودمعت عيناي أحس أنك عرفتي شخصيتي وحياتي يوم كتبتي لي ويمكن أنتي ماتتكلمين في البيت كثير
عشان كذا تعوضين الكلام عند أصحابك....
صدقتي والله وراح أفضفض لك شنو السبب الي يصير لي وراح اطلع خارج الموضوع لاني أشكر ربي بأنه رزقني اخت لم تلدها امي وانا اريدك بجنبي لا تتركيني بحالي
ليان ادرين اني اموت باليوم اكثر من مرة ولا ابالغ وربي الشاهد ماعندي اخوات عندي اخوان اربعه كلهم اكبر مني ولا واحد يحسسني بالاخوة كلهم حاقدين علي تدرين ليش لاني أجلس بحلوقهم عند الصلاة اعلم ابوي إذا ماطلعو يصلون او تأخرو عنها وبعد هذي كرهوني بجد لأني إذا طلبت منهم بروح للسوق او عند صديقاتي تدرين وش يقولون السيارة مافية بنزين وماارضى غير العشرين ريال ادري بتضحكين علي لكن قولي الحمدلله
تدرين وش سويت معاهم أخترت الي اقدر علية وسويت معاه صفقة أغسل ملابسه واسوي له قهوة للإستراحه مقابل ينفذ لي اوامري حتى أنكشف امره عند اخواني وقام يستهزؤن فية
حياتي والله نكد ماعمري حسيت بالحنان والعطف اذكر يوم قلت باثر فيهم جمعتهم وقلت عندي مفاجئة لكم وخبيتها ورى ظهري تدرين وشي ورقة كتبت فيها ثلاث كلامات
حسسني بانك اخوي وعزوتي
واحد عطاني مقفاة والثاني يضحك بوجهي والثالث يقول يلعن ام الوسوسه والرابع حسيت أنه تأثر لكن سرعان ماتغير ومات التاثير علية
ليان والله لو كتب لك إلى بكرى ماراح اسكت معاناتي تطول
دعواتكم لي