شفتها ياسعود صدفه بعد ماغابت سنين ********* عند قسم المختبر وسط مشفى الجامعه
جيتها ثم قلت ممكن في سؤالي تسمحين ********* ناظرت فيني بدهشه نظره متواضعه
قالت انته تحسبني من بنات صايعين ********* تحسبني في زماني عن طريقي ضايعه
قلت انا ماراح اطول كلبوها كلمتين ******** وابعدت عني شويه ثم جتني راجعه
قالت اسأل واضح انك من رجال طيبين ******** بس هرجك ياسنافي كان وشهو دافعه
قلت انا حبيت وحده يوم كنا صغيرين ******** ومن ثمان اسنين راحت للمواصل قاطعه
عقبها ماذقت نوم يهتينبه النايمين ******** ساهر في طول ليلي لين شمسي طالعه
اذكر انه فيه حبه فوق ثغره من يمين ********* واذكر انه لاجرينا كن شعره تابعه
واذكر انه عاشق بالورد الياسمين ********* صار قلبي بالورود اللي عشقها زارعه
طابعا اسمه بقلبي فيه سين وفيه عين ******** وفيه الف وفيه دال وسط قلبي طابعه
قاطعتني بقولها سبحان رب العالمين ******** كررتها مره ومرتين ورابعه
قلت وشفيك وشبلاك يابنيه ترجفين ******** ليش عينك يابنيه من كلامي دامعه
قالت الموقف وقلبي والمحبه والحنين ******** كيف اشوفك بعد ماكنت عنك قانعه
قلت انا بسألك انكانك انتي تذكرين ******** عن مواثين ثمنها من حياتي دافعه
قالت ظروف الزمان ماتطيع العاشقين ******** بيعوني غصب حبك لوهو ماني بايعه
انا في دنياي حالي كنها حال السجين ********* حتى لو فكوا سراحه فيه شي مانعه
زوجوني غصب واحد وحرموني حاجتين ********* السعاده في زماني والحياة الرائعه
والحين انا أم لثلاثه عندي ريم وياسمن ********* والولد اسمه على اسمك والمشاعر جايعه
وسلاااااااااامتكم ...
تقبلووو تحياتي
وليد الاحزان