العام اشوف الشوق يفضح عيونك
واليوم اجي واروح من عرض هالناس
مثلي مثل كل الخلايق يجونك
اقفي ولاهزيت شعرك من الراس
وجيت اسأل الماضي بداية جنونك
لقيت حبك في حياتي عنى وباس
في صفحة الماضي بقايا طعونك
واليوم حبك صار بالقلب هوجاس
اجهدت نفسي في هواك وشجونك
اضحك معك وانا اجرع المر بالكاس
طاوعت منهو في الهوى يعذلونك
وخسرت منهو شيد لحبك الساس
واحسنت ظني فيك وانته ظنونك
امواج تلعب بالهوى لكل غطاس
من عقب مالون الوفى كان لونك
لثوب الخيانه صرت هالحين لباس
نسيت منهو حالف مايخونك
ولاعاد في قلبك ولاذرة احساس
خذ الرسايل كلها الحين دونك
ذكرى ولكن صارت الحين قرطاس
قررت اعيش العمر كله بدونك
بقتلك ياحب على اخر انفاس
العرض العادي
