بعد التحيه والسلام..
اليكم هذه القصه الغريبه التي يقشعر لها البدن.
القصه تقول ان فيه بنت تدرس في الثانويه واسمها عبير وفي يوم من الايام راحت مع امها السوق وقابلت واحد ورقمها المهم اخذت الرقم واتصلت عليه تعرفت عليه وهو اسمه خالد تعرفوا على بعض وزادت العلاقه وقويت بينهم وكل منهم يبي يقابل الثاني ولا لقيوا اي طريقه لذلك وفجاه جت فكره لخالد..
قال: اقول عبير ورى مانتقابل عند المدرسه؟؟
قالت عبير: كيف وضح؟؟
قال: اسمعي انتي ابوك ينزلك الصباح ويروح الدوام صح؟
قالت: صح.
قال: انا امرك وتركبين معي.
قالت: بس المديره تكلم على البيت.
قال: افصلي التلفون وارتاحي(يمه عليكم يالشباب تفكروا وتلاقوا الحل بدقيقه)
قالت: بس خايفه اتوهق.
قال: جربي ونشوف.
المهم راح ابو عبير ووصل بنته للمدرسه ومشى..
وثواني الا خالد واقف وركبت عبير بسرعه وراحوا افطروا في الكوفي شوب وجلسوا يسولفون ويم تمت الساعه 12:15 راح خالد ونزل عبير ورجعت البيت وهي خايفه بس محد درى.. وكلمت خالد على طول وقالت ان اهلها مادروا وطمنته وسولفوا شوي
فجاه قال خالد: وش رايك اقابلك باكر؟؟
قالت: لا لا لا مو كل مره تسلم الجره.
قال: المره هذي جايب لك هديه(والبنات مفجوعات كانهم ماقد ملكوا شي ومايصدقوا بالهديه)
قالت: مر واشوف الوضع.
ومر خالد في الوقت نفسه وركبت عبير
المهم اخذوا على هذا الحال اسبوع كامل من السبت للاربعاء
وجاء يوم السبت اليوم الذي نسيت عبير ان تفصل التلفون وطلعت مع خالد والا التلفون يرن قامت ام عبير(يالله صباح خير)
ام عبير: الو
المديره: الو السلام عليكم
ام عبير: وعليكم السلام من تتكلم؟؟
المديره: انا استاذه هدى مديرة المدرسه التي تدرس فيها بنتك
ام عبير: هلا عسى ماشر!!
المديره: لامافيه الا الخير بس عبير لها اسبوع ماداومت عسى ماهي مريضه؟؟
ام عبير: كيف .. وصرفت الموضوع ايه الله يسلمك البنت مرضت شوي بس.
المديره: زين الف حمدلله على سلامتها مع السلامه
ام عبير دارت بها الدنيا وماتدري وش تسوي هل تعلم ابو عبير والاتمسك البنت وتسالها؟؟
المهم قالت لابو عبير عن كل شي
وقال: اسمعي لاتقولين شي انا بااشوف وين تروح ويوم الاحد وصل ابو عبير بنته ومشى شوي وصفط يمين الا هذيك اللكزس تمر وتركب عبير بنته المهم اللكزس كانت مضلله ومشى وراها ابوعبير لما وصلوا عند الشقق ونزلت عبير وخالد ووقف ابو عبير ونزل ومسك راعي الشقق وساله في اي شقه وعلمه انها شقه 14 وطلع ابو عبير وهو يرقى الدرج كان خالد نازل وماانتبه ابو عبير له
المهم طق الباب وفتحت عبير وانصدمت يوم شافت ابوها وضربها وهجت للمطبخ واخذت سكين تبي تروع ابوها وغلطت وطعنته في صدره وطاح ابوها مغمى عليه وجاء خالد وشاف الموقف
وقال لعبير: بسرعه شيلي معي للحمام(الله يكرمكم) وحطوه في البانيو وملوه مويه وحطوا عليه صابون الغسيل عشان الرغوه وطلعوا
ورجعت عبير للمدرسه وهي تفكر في اللي صار حقيقه والا خيال
المهم طلعت من المدرسه ورجعت مع الباص وطقت باب البيت الا المفاجاه الغريبه وهي
ابوها فتح لها الباب وصاحت وقالت ابوي مومعقول
رد ابوها::
مع تايد الغسيل مافيش مستحيل.
هههههههههههههههههههههههههههههههههههههههههه
وربي إنها مرت علي بس الأسماء إختلفت يقطع سوالفك ههههههههههه مشكور وماقصرت ولى أنا مع وجهي مندمج في القصة ههههههههه بس يوم قريت أن أبو عبير لحقهم بالسيارة قلت لازم أقرا أخر كلمتين وطلعت قريتهم هههههههه