قصيدة الدكاتره

[شاعر بدون حبيبه]

حبيت اشارك معك بقصيده كتبتها بدكاتره هبلوا فيني وربي مع اني موظف وطالب بنفس الوقت اتمنى تعجبكم

يا طالبين العلم من وين من وين
من مهزله من بهذله من رذيله
دكاترتنا فيهم الزين والشين
لكن كريمين السجايا قليله
أغلبهم اللي قلب أسود مليعين
وأدخل على الله من بعضهم واشيله
يعجبني الجدول لياجا بلونين
ولامن قريته قلت: ستين نيله
تلقاك حامل من دروسك بدرسين
ما صصح الدكتور ولد الذليله
ملخبطين الجدول اخماس بخيسن
تلقا دوامك كل حزه تجيله
ثمان وقت الصبح والساعة اثنين
والساعة اربع لين يلفيك ليله
ونلفي نبي تعديلها يالحريصين
لاشك محد يسمعك وتحكيله
تلقا رئيس القسم يقول بعدين
ومنسق الجدول يعيق تعديله
ياسامعين لدعوتي قولوا آمين
وأهنوا عليها دعوة وتهليله
على الذي للجداول كتبين
أيمانهم يشله الله عضيله
وعسى المنسق يبتلي في عمى العين
وجعل المصايب ماتفارقه ليله
ورئيس قسمه جعله بأسفل البين
الصواقع واللواقع جعلها حصيله
ياعلهم للنار حزب الملاعين
ويالله عساهم للبلاء والفشيله

عبدالله العتيبي

[زمهرير الصيف]

يا عتيبي لله درك وصح لسانك وانا اخوك ‘‘
الانسان الكفؤ سيبقى محارب‘‘

قصيده بكل أمانه لا احتاج لوصفها لو كان لدي
مزيد من الوقت لأضفت ابيات آخرى

معناه كما عشتها عشناها ‘

وما اجمل القصيده حينما يعيشها الناس‘‘

ولكن ما ذا اقول ‘‘
لو كان هناك مية رد استطيع
كتابتها لكانت لديك جميعها ‘‘


يا صاحبي لا تشتكي للمجانين
همك على همي ومنهو يشيله‘


في حفظ الله‘‘

اخوك زمهرير الصيف

[بدويــــــه]

يعجبني الجدول لياجا بلونين
ولامن قريته قلت: ستين نيله

< صح لسااااانك اخوي

[عزتي راس مالي]

عبدالله العتيبي ...

بدايه رائعه معنا ..

تنبئ بشاعر رائع...

ابدعت هنا يا عبدالله..

بل رسمت للابداع لوحه..

وصح لسانك ولاهنت...

كما اتمنى ان تبتعد عن الامور التي لاتخص الشعر ولاتفيده !

لاعدمناك

[اسيل الصغيرة]

بصراحه قصيدة تحاكي الواقع جداا

انا كانت لي تجربه شخصيه

وعانيت من مدرساتنا

حلوى انها مختلفه...تميزها باختلافها من ناحية الموضوع

تحياتي لكم