شاب سعودي وفتاة سعودية تريد الزواج من .........
هذا هو حالنا أحنا الشباب والفتيات السعودييين ماخلينا جريدة ولامجلة ولا موقع على الأنترنت ألا وحطينا
فيه بيانتنا (( عسى الله يجيب فتى أحلامي على فرس أبيض )) .....
وحال الشباب هاليوميين أبي زوجة تشبة نانسي وألا أقولكم لا أعقدها مره أبيها مثل أريام
ياحبيبي على الشروط لا وبعد يقول أبي شعرها طويل وهذا غيض من فيض........
بس عااااد خلونا من الشروط توجع راسنا ....
أبي أقولكم على خبر قريته في جريده سعودية يقول الخبر
(( شاب سعودي يبلغ من العمر 27 ويريد الزواج من فتاه سعوديه على قدر كبير من الجمال ... (( لين هنا تمام ... ولكن شوفوا وش شرطه ألي ماني بالعه لا بمويه باردة ولا دافئة حتى لو أني جبت مختلف أنواااع المشروبات ماني بالعه يقول >> على شرط أن تمتلك منزل ....
يالله وش قوة العين ذي ........ قلنا جمال من حققك ولكن تبيها بعد تسكنك في بيت طيب وش هي شغلتك يالحبيب
أذا فرضنا مجرد فرض وحدة قالت أنا مستعدة بالبيت بس وين المعرس تتوقعون أنها بيكون سعيد في حياته ؟؟
أجى الدور على البنات ::
لا والبنات وش يبون يكون العريس ... شروطهم ::
1/ أبيك تكون خاتم في يدي .
2/أبيك تكون قدام وجهي 24 ساعة .
3/ لاتحاول تروح عند أمك ياحبيب ماما وأنا ما أدري .
. ..
.
.
.
.
.
بصراحه خلاص عااد لا تحرجوني والله ما أدري وش أكتب من شروط ( توهقنا والله )
أختي العزيزة هي في بادية ألأمر صعب تتقبل أم الزوج أن في وحده غيرها تشاركها أبنها أو بالأحرى
تخطف أبنها منها وتشاركه في كل شيء من الأمور الصغيرة والكبيرة ....
الأم ربة وتعبة والزوجه تجي تخطف أبنها منها .....
صعب والله شوي لكن مع الوقت بيكون الأمر عادي ... وأنتي بطيبتك تقدرين تفرضين أحترامك على الأخرين
على العموم لايجي وااااااحد أو وحده تقول أو يقول أنت مانت حاس فينا أحنا العزوبية ومن هذا القبيل
أقول والله أني مثلكم عزوووووبي باقي الله ماكتبلي الزواااج ..
باقي تحت البحث يعني ماحصلت البنت الي في بالي
وتقبلوا فائق تقديري وأحترامي
أخوكم أميــ الشوق ــر
العرض الشجري
