مرحـبـا أي خـدمــة آمـــري وش تـبـيـن ؟؟

[المــــــنـــ>D<ـــــــسي]

	مرحبـا أي خدمـة آمـري وش تبيـن نبرة الصـوت كنـك خايفـه بالكـلام ماعرفتك ولانتـي لـي بعـد تعرفيـن وش ورى هالعيون اللي تثيـر إهتمـام قالت اصبر دقايق كـان قلبـك اميـن لـي حبيـبٍ يشابـه نظرتـك بالتمـام ممكن استاذنـك لحظـة ابـي كلمتيـن ودي اشكي عليك اهل الهـوى والغـرام مدري من وين تبـدا لهفتـي والحنيـن الوكـاد ان قلبـي بالـهـوى مـايـلام عاشقة والعشق بلوى وجرحـي دفيـن والسبب واحـدٍ خـلا حياتـي حطـام راح عني ولادري بالهـوى راح ويـن ليـن خـلا عيونـي بالسهـر ماتنـام دوم اناديه باسمه مـن يسـار ويميـن طال صبري وطوّل بالجفـا والخصـام مانسيته وقلبـي تحـت امـره رهيـن اوله نور وآخـر عشرتـه لـي ظـلام ليه بعض البشر فـي طبعهـم ظالميـن التجافـي ونسيـان المحـبـة حــرام قلي الراي حالي مثـل حـال السجيـن استشيـرك بفرقـا غايتـي والـمـرام ماحصل وانت عنـدي سيّـد العارفيـن واضح انك تحـب وخافقـك مستهـام قلت لـه يـوم بيّـن نورهـا بالجبيـن بلغي من عشـق مثلـك كثيـر السـلام اعتقد من يشـوف الـورد والياسميـن ماتناسـا عبيـره والنـفـل والـخـزام ايـه احـب وحبيبـه خافقـي تشبهيـن في عيوني اشوفـه مثـل بـدر التمـام طولت في غيابه بالهـوى مـن سنيـن آتحـرّى واحسّـب جيتـه كـل عـام من عرفت الهوى ما شفت مثله وزيـن حسنـه اللـي تعـدّى لابسـات اللثـام لانظرتـه بعينـي واشبكتنـا اليـديـن طاح كل الربيـع وبـان بـرق الغمـام دنيتـي فـي وصالـه جنـة العاشقيـن روضةٍ مـن عصافيروغنـاوي حمـام إعذرينـي خذتنـا نظـرة الحاسـديـن ما أقدر أحكي لك أكثر في دروب الزحام المهـم سالفتنـا فـي كـلا الحالتـيـن ترجمتهـا المشاعـر بالولـه والهـيـام هذي فرصه سعيـدة للخفـوق الحزيـن إسمحيلي أبهدي لـك قصيـدي وسـام