كلما أجر ونه لدت العين شام=أذكراللي هدبها مثل جيش صفوف
سلهمت بعيون فيها وحي الغرام=تطعن اهداب خلي مثل طعن السيوف
حاوي الزين كله بالوفاوالتمام=فيه رقّه وهرجه يوم يهرج عطوف
لامشى كن مشيه مثل فرخ الحمام=مثل غصن غضيض مع الهبايب يلوف
كنه النسمه اللي تحت ظل الغمام=نعم ذاك الجمال ونعم ذاك الهنوف
فيه طبع شريف وفيه حلو الكلام=عن طريق الرديه والخيانه عزوف
جعل شمسك تضوّي مايجيهاعسام=تسطع اليوم كله مايجيها كسوف
من سبايبك جسمي راح كله عظام=ليه يابعد روحي ماتحن وتروف
روح ياطيرتكفى بلّغه بالسلام=طمّن القلب عن حالة غريب الوصوف
هات منه الخبرواعجل بردّك قوام=كل ليله وروحي في رحابه تطوف
كم سهرنالوجه الصبح بين الخيام=تحت غفله من الحسّاد نبري الحسوف
جدّد العاطفه والود يابن الكرام=قبل روح الشقاوي لاتلاقي الحتوف
العرض العادي
