ورقة المقاضي

[F-16]

اشرب حليب السعوديه اذا كنت سحلية.. اشرب حليب السعوديه اذا كنت تعاني من الحموضه ..
معشر السحالي عليكم بشرب حليب السعوديه لأنك سوف تحسون ان الموضع يدق على الوتر <<<<يعين رابح صقر ..

موضوع هذا اليوم بمناسبة اني رحت اليوم بعد صلاة العصر ومعي كالعاده رفيقة دربي ورقة المقاضي طولها حوالي 7.12 متر ويوم دخلت الراية والقا زحمه وانا اللي تصعب علي نفسي واتمرد واشق ورقة المقاضي وارسل للماما رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من الحجز الانفرادي ههههههههههههههههههه

مقدمة :
تعتبر ورقة المقاضي من وسائل التعذيب ولاظتهاد والعنصرية المستخدمة من السحالي ذوالسلطة ضد التمساح المغلوب على امرهA lot of this ==========>( كثر منها )
بدء من قراءة الورقة وما تحتوية من اخطاء املأية وكلاجات وخط معدوم ووصل الي طلبات تعجزية

ياعااااااااالم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يا امي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع

يازين العزوبة ما اصدق انزل مكة عشان افقع من الطلبات من جد قمت الفلة مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروست من البيك وتهاوشنا على الثوم ههههههههه وميمتي مع خواتها يتنعمون من خيرات ابي ومن تعبي ومطامر في البقاله مع ورقة المقاضي
المشكله ان امي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..
وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا

المشكله ماعندهم رحمه .. درجة الحراره في عز الصيف الف وانت تطامر من محل الى محل
You broke my mind ========>( كسرت خاطري ) وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار Stand up just stand up ======>(قـــم بـــس قـــم ) .
وماقطع قلبي ونكد علي حياتي الا اذا طلبوا تسالي .. Drive it ========> (سقها ) تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه


نداء لسحاااااااااااااااااااااالي
بليز خفوا علينا , ارحمة , ارحموا عزيز قوم ذل <متاثر بالمسلسلات العربية.

_يعني ادموج الطلبات نهاية الاسبوع
_الاشياء الكمالية مااااااااالها داعي
_من زود ما ياكلون من النعم ونايمين ولا حركة تتفشات فيكم امراض السمنه والكسترول
واخره بتسون رجيم ويفشل.
_الغيرة عمت قلوبكم ابي اسوي احسن من ذي ابي البس اشيك من ذي ............الخ
_ انتبوه للحكمة ذي
ان اردت ان تطاع فامر بالمستطاع
باااااااااااااااااااااااااااي
_