السلام عليكم ورحمة الله وبركاته
أسعد الله ايامكم بكل خير
نص جديد أضعه هنا بينكم
.
.
.
.
.
.
.
.
.
.
إيه يا الوقت الردي وش باقين ما صار فيـه=
وش بقى من جرح فالخافق ولك يمـه نوايـا=
شوف طعناتك هنا وسط الضلـوع الداخليـه=
وتعرف يا لوقت الأغبر وش وراء ذيك الحنايا=
ما ذخرت مـن الطعـون التاليـه والأوليـه=
غير طعنه مايجي من عقبهـا كـود المنايـا=
المصيبه اطعونك اللي سقتهـا يمـي هديـه=
كل طعنه منك جتنـي جـاء يعادلهـا هدايـا=
حلت مابيني وبين المترفه والشمـس حيـه=
جادلٍ ما شفـت والله مثلهـا بيـن الصبايـا=
عشقتي مرباعهـا مرباعهـا نجـد العذيـه=
آه يا نجد العذيه يا منـى النفـس وهوايـا=
جادلٍ من روس قومً في اللقاء ما هي رديـه=
مـا يهابـون العـدو ولا يهابـون السرايـا=
روحت واليوم منهـا يازمـن فرقـت يديـه=
والخطاء منك لك الله ولا أنا وشهـو خطايـا=
أستمع يا وقت لِييه أستمع وأنصـت شويـه=
قبل أحملـك الذنـوب ..ولا تحملنـي زرايـا=
وين قيس ابن الملوح وين ليلـى العامريـه=
وين وين اللي بعدهم.. ليه أطول في الحكايـا=
سدد أطعونك هنيـه والصبـر خلـه عليـه=
جدد جروح الزمـان وخلهـا بيـن الحنايـا=