ابجدية الوفاء
أ..لف مرحـى بولـفِ والـف الافيـاء=يسـوق القـاف مـن قافـه ليـا قافـي
وب..اء الوجـد بيَّـن بيننـا الأنـبـاء=يبينـي ابتـسـم والبـيـن باطـرافـي
تـ..لعثم منطقي والحرف سـاق التـاء=وتـوي ملتـوي اعانـي مـن احتافـي
ث..ـنايا طلعتـه زانـت مـدح وثنـاء=وانا من كثـر مـا عانيـت لـه عافـي
جـ..ميل ومااجمله ليـا بوعـدي جـاء=وجف الوجد مـن جوفـي بـلا جافـي
حـ..واني واحتوى حالي بحرف الحـاء=ومن حـر الجفـا رحتـه وانـا حافـي
خـ..ليلي زان في عمري هنا ورخـاء=وخوفي لو خلـف خفِّـي وانـا خافـي
د.. وايـا دامنـي يمـك رميـت الـداء=وداويـت العنـا مـن نبعـك الـدافـي
ذ ..بحني وانذبح بالحيل يـوم ان شـاء=يعوف اللي ابـد مـا عابـه او عافـي
ر ..ماني وارتمى ما رام فيني رضـاء=وسافـر وارتسـم حرفـي باسـرافـي
شـ..كيته واشتكيت انـه يـروم اشيـاء=يشـوف ان العنـا يمـي غـدا شافـي
صـ..برت وصابرت بالصوت له وونداء=ووصفه في الصفا ما طالـت اوصافـي
ضـ..فاني ضيف متملِّك علـى العليـاء=يضيف بدنيتـي اضيـاف مـن ضافـي
طـ..واني طيف من طيفه على الأرجاء=وطـاف برحبـيَ الطايـف ولا طافـي
ظـ..لمني ظالم بحبـه بـلا استحيـاء=وظيفـة ظافـر العلـيـا بالاوظـافـي
عـ..يونه عاينت عينـي مـن الاعيـاء=عساهـا تسعـف الناعـي بالاسعافـي
غـ..زال وغزلها يغزل بهـا الاهـواء=ويمسـي ماسـي الاهـواء مـو غافـي
فـ..ديته ليا طلبني مـن غلاتـي فـداء=ويكفينـي مـن كفوفـه بهـا اكفـافـي
قـ..ريب وقربه الشافـي بقربـي فـاء=يفـوق برفقتـه حرفـي علـى قـافـي
كـ..لامه ليا تكلّم فـي ربـى الفيحـاء=يكف اللي علـى الكوفـه بكـى كافـي
لـ..قيته والتقيت اللـي رسمـت لقـاء=وولفـي يـوم انـا الفـيـت اسـلافـي
مـ..تيم بك وضامي ما عرفـت المـاء=مناتي لا تمـنّ بقولتـك .. (مـا فـي)
نـ..ديمي نادني نـوّر سنـا الاضـواء=ونفيـك مـا نـوى نوفـي ولا نـافـي
هـ..ويتـك وانتهيـت بآهتـي بالهـاء=واهاتـي الحيـارى مـا لهـا هـافـي
و.. فيتـك ليـن بادلـت الوفـا بوفـاء=وفينـي للولايـف عـهـديَ الـوافـي
يـ..مين الله لو كملـت حـروف اليـاء=أبرسـم لـك حـروف العـز بأطيافـي
يمين الله لو كلمت حروف الياء *** ابرسم لك حروف العز باطيافي
العرض العادي
