الوقـت جايـر والضمايـر معاطـيـش =والقلب ناشه مـن عنـا الوقـت نايـش
صبـرت لـو إنّـي بليّـاك مـا أعيـش= عايـش ولا كنّـي مـع النـاس عايـش
عمـري تعـدّا رحلـة الجهـل والطيـش= ولا زال قلبـي فـي محبّـتـك طـايـش
طيش الغلا سـاوا غـلا لقمـة العيـش =يرتـاح بـه قلـبٍ مـن الكـل حايـش
وأنت الغلا يـا بـو الثمـان المراهيـش= مثل المطر يـروي الغصـون الهشايـش
ما أوحيت فيك أهل الحسـد والوشاويـش= تفـدا قدمـك أهـل القلـوب الغشايـش
عنك العـذول مفلّـتٍ فـي يـده ريـش= مـا دام فـي نفـس المعنّـا حشـايـش
وإن كان ما أصونك .. غلانا على ويش= إلـك الوفـا لـوْ الفكـر منـك دايــش
وإلـك المحبّـه يـا بعيـد المطـاريـش= وإلك الغـلا وإلـك الضمايـر هشايـش
وإلك المشاعـر صافيـه دون تشويـش =وإلـك القـدم ممنـون والعقـل شايـش
حتّيـش لـو يجبرنـي الوقـت حتّـيـش= أنـا رجـل مانـي براعـي خشـايـش
والسلـم حـد رجـال مـن دون تفتيـش= والرجـل مـا يبسـط يـده للهوايــش
يفـداك مـن طبعـه يـوَرّش تـورّيـش= اللـي علـى حيـد الشـوارع تـرايـش
وأنـا علـى سلـم الرجـال المداغيـش= مانـي مـن اللـي يسبـرون الدرايـش
ما يسبـرون السـور غيـر الخفافيـش= أهل الدنـس .. يـا لابسـات الغوايـش
والغدر .. ما هو لأهل الخيل والجيـش=ومن لا عرف قدره على ويـش عايـش
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
اخوي .. حـــــبــوب
صح لسانك
بدعت فــ أبدعت
لك أحــلــى تـــحــيــه