المهم
الكذب لة أقسام كثيرة وكل واحد منا ينتمي لواحد من أقسامها لا يجيني واحد يقول أنا ما أكذب علشان ما ألحقة الزبيرة والكف يمشي ترليون ( منب قوي )
بسم الله ..
1- الكذب علشان يتفاخر بنفسة
2- كذب التصريف ( اهااااا أبو ريان لازم يطرد من هاذا القسم – وأبو سوير مسوي يبي يكحلة عماة والله من زين التصريف أنت وخشك ذي )
3- كذب المصلحة وهو قسمين : تكذب علشان مصلحتك الشخصية ولا تكذب علشان مصلحت غيرك
4- الكذب الأبيض
5- كذب البراءة
1 – الكذب علشان يتفاخر بنفسة : هاذا يجيك الواحد ويقولك أنا وأنا وأعرف وأعرف وأسوي ويخويك ويوجع راسك وبالأخير تلقاة نصااااااااااااااااب محترف ( حطوا خطين تحت محترف ) فية واحد من السلق اللي جاين لأمريكا على البعثة الجدد ونعطيكم القصة ( حنا هينا من عرفت الجامعة من 8 سنين وحنا كل جمعة وسبت بعد ما يخلص دوري الجامعات ودوري الحواري ( بالسعودية على غفلة ) نلعب كروة والجمعة اللي راحت قالي واحد دق على الشباب خلهم يلعبون معنا قلت أي شباب قال الطلاب الجدد قلت معصي لا يشغلونا بس ما صدقت الفكة المهم دقيت عليهم ورد واحد من القرود قلت تلعبون معنا قال أية وجغر أذني الغبي قال أنا فنان وأعرف ألعب ولعبت بالنصر ووو المهم اللي يبون يلعبون 3 قلت زين الساعة أربع أمركم لأنة ما معهم سيارة المهم بدينا نلعب والله يامعنا ياباني تعرفون وشلون غبي ولا بعد محترف الغبااااء ( مثل أبو سوير ) أشغلنا هالياباني أناولة ويرح يسحب به ولا يلعب بس يسحب بخوينا اللي لعب بالنصر
المهم بعد المبارة أنا ما أطريت شي هو جاء لمي وقال ياخي ماودي ألعب ( علشاان أقول ليش – خبرة يوم حنا بزران نصيح ليش فلان ؟؟؟؟؟ ) قلت ليش ياخي عسى ما شر خلنا نشحطة شوي وأنا ودي أرفسة قال ياخي كنت ألعب مبارة مع النصر ( وعععععع ) وسحبت في أربعة وجا واحد يكسرني ( وش عندة مردونا )
وجاني رباط صليبي ومسوي عملية بأيدي ( وش دخل الأيد الحين ) ياخي ما ودي أركض واااجد .....
شفتوا النصااااااااااااااااااااااب المشكلة أنا اللي مقدم لة أوراقة بالجامعة وشايف الكشف الطبي ولا عملية مسوي !!
هاذولا يعني أني فهمتوا
2 – كذب التصريف هاذا فية ناااس واااجدين محترفينة وخاااصة الشيبان اللي ماخذين حرمة ثانية . وأنا أعترف أني من الناس اللي محترفين هاذا النوووع بس فية ناااس أغبياااء يعني يبي يصرف خوية علشااان يلعب بلوت قال لخوية مانب جاي أبيك تعذرن قال خوية ليش قال والله ودي أروح البيت أبي الحمااام ضروري ( ليش ) يلعن وجة مافية حمام ( وأنتم بكرامة ) الا بيتهم . على فكرة هاذا أخذ جائزة نوبل بالتصريف .؟.......
وفية عندكم أخوي اللي أصغر مني هاذا أدمي عجيب هاذا يوميا يصرف أخويااااة وكل اللي يعرفونة يسمووونة أبو عشرة ليش ؟؟؟؟؟؟؟
لأنة يوميا يدقون علية 100 وكلهم يواعدهم الساعة 10 وأول واحد يدق يروح معة ويصير من نصيبة ... وبعدين يبداء شغل التصريف والفقش والجواااااال على الصامت .........
مرة كنت بركب برووح للقصيم ولقيتة بيدخل البيت وأنا مالي خلق أسوق قلت لة وش عندك قالي من متى وأنا مشغول أصلن قلت وقلت الى متى فاضي قال الى الفجر قلت وش رايك توصلن بريدة ( أحسبة يبي يقول لا ) قال أغير زيت السيارة وأجيك والله وعيوني كذا من الفرحة ( ميزت أخوي ما يعرف يقول لا ولا مشغول ) قلت تمام تمام دخلت البيت أمي تقول وشبك ؟؟؟؟؟؟ قلت محمد يبي يودين قالت الله يعينة على تصرف خلق الله الساااعة عشر ( كل العائلة الموقرة تدري ) والحين الساعة ثمان ونص الساعة تسع جاء ومشينا وتأخرنا رحنا نتعشى الساااعة 10 وحنا شاااطفين نادي الشبااب شمااال الريااض والله وتبداااء التلفونات تقول ( ؟؟؟؟؟؟ وش عندة الأطخم )
المهم وتبداء الأتصااالات ماتهينيا بأغنية وحدة لين وصلنا والله أنة مسكين وضعة متأزم مرة ما يرد ومرة يقول بروح أنام ودق علية واحد قال تعرف فلان قال خوية لا ( ألف لية أسم من المخيخ ) قال يطلبك الحل بغيت أسطرة قلت لا تفاول على خلق الله .....................
صرااااااااااحة اللي يبي يصير معة الساعة عشر ما يحتاج يسولف يكفي أنة يضحك وهو يسمع التصاريف والنكبات أذا شااافة أحد بالشارع
حتى أبوي قايلة لو تواعد مليون شف القريب وبده على الباقين
بس كل الناااااااااااااس تدري أن أخوي المصرف الكبير عندة مشكلة النسيااااااااااان الغير طبيعية حتى أنة مرات ينسى وشلون يعزف ولا بعض المرااات يطلع يبي يروح مشواااااار وينسى وين يبي يروح ويرجع ومرة الغبي أرسلتة أمي للسوق ونسى وش تبي ورجع قالت أمي ليش ما أتصلت بالجوووال قال أأأأأخخخ نسيت .... حتى أمي أذا قالت نبيك تمرنااا بعرس ولا عزيمة ولا شيء الساعة 11 تلقاة المسكينة تدق علية من الساعة 9 علشااان ماينساهم ........ ( اللي يبي يركب مع أخوي الساعة 10 يحجز وب 100 رياااال )
أنا مدير أعماااااااااااالة
وهاذا هو أشهر أنواع الكذب وأعظمها ................................
3 – كذب المصلحة وأنا ملي خبرة فية بس اللهم أذا بغيت أنصح واحد لازم أستخدمة ( وش عندة الطنطاوي - الله يرحمة قولوا امين وجع )
ونترك المجاااااااااااااااال في هاذا النوع لأهل الخبرة فية ..........................................
4 – الكذب الأبيض ياخي هاذا على أسمة هذا الكذب اللي تحس أنة لذيذ شوي يعني تصلخ لك فقشة سريعة على الماشي ومثل يقولك وااحد جب لي دخاان ( بالنسبة لي لو بغيت أشري لك اللي تبي اِلا الدخان جب خمسة ونص نجيب دخااان غيركذا معصي ) قلة ما معي فلوووس ولا واحد يبي يعزمك تقولة بحااول بس أني منشغل مع الواالدة وفية كذب أبيض مفظوح غبي تلقااه يصرفك وبعدين يدق عليك المسكين على نيااااتة هاذا كذبتة بيضاااء
وهاذا النوع يميل الى كذب التصريف الموقر ..................
5 – كذب البراااءة وهذااا عند الأطفاااااااااال والله مبطين عن بزران السعودية ؟؟؟ يجيك واحد مسوي مصيبة وأذا مسكتة يقول مهب أنا والأصبع بالبرطم .
أذكر أخوي نفسة المصرف عندة صقور وأذا جوا شلت أخوي الصغير اللي عمرة 8 سنين جمع الشلة وكل واحد معة نعلة ويعد هو 1 – 2 – 3 أطلق يعني يطلقون صواريخ النعال على الصقور وأذا مسكة أخوي تلقاااة يحلف مهب أنا ويقولك أجيب لك اللي ظاربين الصقور ( بس أنة مليعن يجدع أي شي بيدة على الصقور ويطلع لسانة وسهج لم أمي )
6 – كذب للبحث عن البراااءة وهاااذ تلقون الوااحد ممسوك وبيدة الأداة الجريمة وتلقاااة ينكر جحيد مافية أنسى يعترف وهاذي قصة على الماشي يوم أني بالمتوسطة سويت بلية وأنمسكت ودخلت الأحداااث ( سجن صغاار السن ) على ذمة التحقيق وجلست لأسبوع كنة سنة واللي يعرفني لازم يعرف ختم الجوودة اللي في وجهي لأنة في التحقيق كان فية ظابط لعن الله شكلة يخوف شكلة ومع التحقيق صبخ ( أي رمى ) الدباسة على وجهي الوسيم وسوى ختم جودة وكتب للتقبيل
والله وتطلع أم العبيد وأقولة وش تبغاني أسوي تبين أقول أية مسوي وأنا ماسويت شي . ضحك جعلة للماغص ( وش رايكم بالدعوة هاذي الموضة ) ولا أبوي الله يهدية نخولي جاااء لمة المجني علية كان خوية قال لبوي امش معي خلنا نطلع mgnon jabry قال أبوي لالالالالالا خلة يتأدب لة كم يوووم (( وش رااايك بالمااااضي _ أزين من ماااضي الأسطوووووووووورة )) على فكرة جااامعات أمريكا بعضها ماقبلني علشان المشكلة ولين تم تزوير الملف ( فية أحد بالمباااحث هنا ) وأشوف فية نااس كانوا مسوين بلاوي والحين جااين على البعثات . . .
وفية كذب ما أدري وشوا نوعة
هاذا واحد نصااااب لو تقولة وش أسمك كذب نعطيكم قصة بالصيفية اللي راااحت كنت داااخل الأستراحة ( السلق مدفعينن القطة لي 8 سنين ولا أجي الا بالصيف وأجار العامل بعد ؟؟؟ والله لا أحللهن بس خلو الصيفية تجي ونخلص من هالدراااسة اللي حرمتنا أعتزل النمر ) المهم وكان معي واحد متعرف علية بأمريكا وكان خوينا النصاب جالس فيها سلمت علية وجيت بعرفهم على بعض خوينا قال معك ( علي الطهراني – الظاهر الأسم هاااذا مهب مووجود بالأحوووال المدنية ) أنا طلعت برا علشااان أضحك المهم جلست أصلح شااهي وأسأل خوينا النصاب وقلت لة أبراهيم قالي وجع وصمخ ما تعرف أسمي يالثور يخاااف ينفضح ... أنا بحياااتي كلة ماشفت مثل هاذا النصاااب
ياويل اللي يدخل وهو ليس محترف بالكذب
العرض العادي
