جمـــــــــــــال طالب الثانويه اللقيط!!!!!!

[وجدان الدوحه]

السلام عليكم رحمة الله وبركاته الى جميع اعضاء الود والى كل من يقرا كتاباتي

احب ان اتناقش اليوم معاكم عن اللي راح اكتبه الان ..واتمنى من الكل المشاركه والادلاء برايه بصراحه تامه....اتفقنا..نبدا




كان جمال جالسا مع اخوه واختيه بقرب التلفزيون لمشاهدة اسماء الناجحين بالثانوية العامه حيث الكل بانتظار نتيجة الاخ الاكبر والمتفوق جمال ...بالشهادة التانويه العامه وكان حلمه دراسة هندسة كمبيوتر بالولايات المتحده الامريكيه لانه من الطلاب المتفوقين ...واخوه واختيه يحبونه كثيرا حيث كان قدوتهم ومثلهم الاعلى بكل شيء ..واساتذته يثنون عليه بالذكاء والنشاط والادب والاخلاق

واثناء نشر الاسماء بالتلفزيون كان هناك فاصل استراحه ذهب فيها جمال لكي ينادي والديه لمشاهدة التلفزيون لان نتائج مدرسته سوف تنشر بعد الفاصل وقبل ان يفتح الباب سمع حديثا يدور بين والديه


الاب: انا خائف يافاطمة على مستقبل جمال اخاف ان يعرف شيئا عن ماضيه

الام : لاتخف لايوجد مخلوق بهذه الدنيا يعرف عن جمال شيء حتى الاولاد لايعلمون عن الموضوع اي شيء

الاب: انا خائف لو تخرج جمال واتى بالشهادة من سوف ترضى به لو عرفو انه لقيط!!


هنا تجمد جمال بمكانه ووقع مغشيا عليه من هول الصدمه كون انه لقيط

فعلا جمال كان لقيط عندما وجدوه عند باب المسجد بحارتهم وكان الذي تبناه تاخر بالانجاب بالبداية لكن عندما تبنى جمال رزقه الله بعده بولد وبنتين



اعزائي اعضاء الود....ماذا تفعل لو كنت بمكان جمال؟؟؟

ماذا يكون رد فعلك لو كنت احد اخوانه او اخواته ؟؟؟





ابغي الكل يعيش معاناة اللقيط ..وابغي الرد بصراحه

[الفـــــارس]

اح والله شئ قوي

والله ما ادري ايش ياسوي في هذيك اللحظه بس اللي انا واثق منه اني ما راح اكون بوعي

يعني يمكن اسوي اشياء كثيره تخريب ضرب مثلا

وانا متاكد اذا ما حد وقف معي في محنتي هذي يمكن اتحول من مجتهد الا ولد صايع ضايع

بس والله شئ قوي ومحزن

مع تحيات

الفارس

[العمدة الإجباري]

والله ردة فعله راجعة لشخصيته،،،
أكيد الواحد بيزعل ما في شك،،، لكن الأهم،، ماذا بعد ذلك.

فأصحاب الهمم العالية،،، لا تعيقهم مشاكل الحياة،،، ولا يهمه تاريخ اهله مهما كانوا،،، وحتي لو لم يكن له أهل.

في رأيي المتواضع،،، الأهل هم الذين ربوه وليس الذين انجبوه فقط.

فليحمد ربه انه لم يعش في دار ايتام،، أو تلقفته أيدي اللصوص وعصابات الشحاتين،، فإن من فضل الله عليه أن منًّ عليه ببييت ناس طيبين.

والله من وراء القصد

[وجدان الدوحه]

الفارس ...اشكرك من كل قلبي على ردك الحلو واللي اشوفه انه هو الصحيح ...اكيد جمال راح يتهور ويكسر كل شيء قدامه وينهار وهذا جايز مع ردة الفعل القويه

اخ الفارس اللقيط ماله اي ذنب انه انولد لقيط الذنب لامه وابوه اللي رموه رمية الكلاب ولا حسبو لليوم هذا...ومااقول الا مسكين جمال الطالب المتفوق





دوم مو يوم
وجدان الدوحه

[وجدان الدوحه]

عمدة حارة الود كلامك على العين والراس ..ولكن ؟؟؟؟

اشلون تبغي واحد يتفاجا مره وحده ان البيت اللي عايش فيه مو بيته والاخوه مو اخوانه..اشلون يقدر يتاقلم من جد وجديد على الموقف اللي هو فيه ....جمال قاعد ينتظر مستقبله بالتلفزيون وفجاه سمع الخبر ..تبغيه يكون قوي ...مااعتقد ان اي واحد واتحداه انه بهالموقف يقدر يصبر ولا يهتم

اخوي العمدة جمال ضحيه واذا راح بكره عشان يتزوج ودرو الناس عنه ماكو احد يرضى بيه ولاتنسى احنا بمجتمع خليجي مو اجنبي مع احترامي لهم

الخليجيين والعرب عندهم اللقيط عار...لان ماعندهم وعي وثقافه

اسالك سؤال صريح وترد عليه ...لو جاء واحد لقيط يخطب اختك لنفرض ..فهل راح توافق العائله عليه ؟؟؟؟؟؟؟؟

من منطلق اجابتك على السؤال ارد واقول مسكين جمال




دوم مو يوم
وجدان الدوحه

[طموووح 2002]

وش ... أقول ... الله يكون بعونه ..

لا كن ... الإنسان .. لازم يواجه الحياه ... وإذا ربي كتب له .. إنه يكون لقيط .. هذا الله وهذه حكمته ..
فالمفروض إنه ما ييأس ... وينظر للحياه ... بمنظار التشاؤم ... بل على العكس .. يجعل ذلك حافزاً له ... لأثبات ذاته ومكانته في المجتمع ... والمثل يقول ...
ليس الفتى من يقول كان أبي *** إن الفتى من يقول ها أنا ذا ..
وإنه ... قادر على مواجهة الحياة وتقلباتها .. وإنه رجال ... قبل كل شي .. ( مو يقولون المواقف تبين الرجال )

أما سؤالك , وش موقفي لو كنت إخته ..
أي والله ... بيظل أخوي ..... وما يفرقنا غير الموت ... ( مسويه فيها نشميه حيييل )

[وجدان الدوحه]

طموح اشكرك على الرد ..وفعلا اللي واثق من نفسه مايهمه شيء ..بس هذا لقيط والانسان لما يكون مكانه صعب عليه ان يتلقى الكلمه من اول مره ممكن مع الايام ولكن يظل بنظر الناس لقيط


اشكرك للمره الثانيه
وجدان الدوحه

[wind]

بصراحة موقف صعب جدا ...

ما اقدر اتخيل نفسي بذا الموقف .. ولكن هذا قدره ..

اعتقد أن هنا يجي دور أهله الي قامو برعايته انهم يوقفون جمبه ..

ولا يتركونه , لأنه أعتقد مهما كان صامد لو ترك لوحده راح ينهار ..

وبيصير الي مالا يحمد عقباه ..

تحياتي لك يا أخت جورية .. وأحييك على موضيعك الي تمس المجتمع بشكل مباشر

أتمنى لك التوفيق .. والى الأمام دائما

^*wind*^

[××دمـ ألم ـعة××]

ياربي موقف صعب جداااااااا

وجدان وربي جسمي يرتعش من الموقف


بصراحه عليم الله لو كنت مكانه ايش بيصير فيني

بس الواحد يتمني باللحظه هذي يكون بجانبه من الصحبة الصالحة الي تواسيه


وتذكره بالصبر وعظم أجر المبتلي


تحياتي لك أختي الحبيبه وجدان

[حلم السنين]

طبعا انا هنا حتكلم على لسان جمال في كل الرد حقي





اول شي طبعا حتكون فاجعه بالنسبه لي اكيد حبكي

وانسى فرحة التخرج
واخرج من البيت كردة فعل طبيعيه

حغيب كم عن البيت كم ؟؟؟ ساعة ساعتين ثلاثه ممكن ما ارجع الى اخر الليل
ممكن حتى ما ارجع البيت لمدة يوم يومين بس بعدين لازم ارجع واستسلم للأمر
واكون في امر الواقع

طبعا هما في هذا الوقت اكيد انشغلوا عليا واكيد يدوروا عليا

ادخل بعد كذا البيت

اول محا ادخل يعرفوا طبعا من ملامح وجهي اني عرفت عن الموضوع وعرفته من طقطق لي سلام عليكم بع ما سمعت الكلام هذا كله

اكيد حيقولولي تعال الغرفة وقلنا اشبك ويعنينهم ما هم عارفين اني سمعت الكلام هذا ك كله

بعد كذا اكيد حا روح معاهم اول ما ادخل الغرفة يقولولي اشبك ايش صاير

اسكت طبعا اشبك اشبك اتكلم قول ايش فيك مريض تعبان احد من اصحابك حصله شي ؟؟؟؟ عدة اسئلة تدور على مسامعي

حيشوفوا مافي فايدة يقوليلي اتكلم لو كلمة

بعدين شوفوا الحوار الي حيصير :

جمال : ايش تبغوني اقول الكلام الي حقولوا ما توقعته في يوم من الايام

الاب والأم : ايش قول ؟؟

جمال: اقول ايش اقول اني لقيــــــــــــــــــــــط ( وابدا في البكاء )

الاب والام : اتلخبطوا بعض الشيء مين قلك هذا الكلام ؟؟؟

جمال : انا سمعتكم بنفسي مافي احد قلي انا سمعتكم

الاب والأم خلاص بعد ماعرف جمال ايش حيقولوا يكذبوا عليه خلاص لازم يواجهوه بالأمر

خلاص من هنا يبدا الابوين يفهموه ايش الموضوع من بدايته الى نهايته

انا ( الي هو جمال ) ايش حسوي شوفوا ردة فعلي بس هذا لو كنت انا محله من جد يعني هذا ردي وكلامي الي حقوله

ممكن البعض ما يصدق بس زي ماقلتلكم لو اناكنت محله هذه ردة فعلي

حروح واسلم على راس ابوي وامي
واقلهم ممكن تعتبروني ابنكم من جد وانا ان شاء الله حرفع راسكم من جد
خلاص هذا قدري

وانتوا ما قصرتوا معايا ربيتوني وصرفتوا عليا وا اكلتوني وشربتوني و علمتوني وكاني ولدكم من لحمكم ودمكم

وحكمل دراسة الجامعة واحاول انسى بشتى الوسائل اني كنت لقيط صحيح انو الموضوع صعب يتناسي ولكن احاول

وا احاول بشتى الوسائل اني ارفع راس الانسان والانسانة الي وقفوا معايا من يوم ما اتولدت وانا لا اقربلهم ولا ترطني معاهم اي علاقة الى علا قة الاسلاااااااام



اتمنى اني ما اكون طولت عليكم ولكن صراحة الموضوع جذبني مرة

لانو موضوع والله جدا جميل وانا والله اتصورت لو كان الموضوع حقيقة

وما كتبت هذا الرد الى بعد ما صراحة عشت في جو شخصية جمال


مرة ثانية اقول اسف على الاطالة