السلام عليكم ورحمة الله وبركاته :
شخباركم شباب وصبايا انشاءالله بخير
طبعاً هذي قصه حقيقه ويرويها صاحب القصه من خلف القضبان
واعذروني لاني بكتب القصه باللغه العاميه يعني نص عامي ونص عربي هيك وهيك
<=- لاتواخذونه 0
هذي رساله من عادل يقول فيها :
ارسل رسالتي هذي لك وانا خلف القضبان
سمني اللي تسميني حقير او غيرها من الاسماء
اسمي عادل بدأت قصتي من اول يوم ولدت فيه
اول يوم ولدت فيه تسببت في إزالة ( الرحم ) لوالدتي وهذا سبب في عدم انجابها مستقبلاً
وصار ابوي يعلق عليها دايم (انتي ماتنجبين عيال انتي مافيك خير) ويسمعها كلام ماينقال وهي ساكته وصابره
عشاني انا لانها كانت تحبني وتموت فيني
أما ابوي وهو المجرم الحقيقي <=-( لاحظو من القهر اللي في عادل كيف يتكلم عن ابوه) فكان ابوي كل ماشافني
يعطيني ( 100 ريال) عشان يكسبني بفلوسه ويخليني واقف في صفه وكان عمري وقتها 12 سنه
وانا كنت اللعب على الحبلين كنت ماازعل ابوي عشان يعطيني فلوس وماازعل امي لانها هي اللي كانت تسئل عني
وتهتم فيني وتسئلني وين رايح ووين جاي وكنت جالس مع مين وكانت حنونه وتحبني بجنون
وابوي كان يقول ( انا اشتريت عادل بفلوسي خلي الحب ينفعك ويتكلم عليها )
ابوي مايسئل عني ولا يهتم فيني ابد بس همه الوحيد كل مايشوفني يعطيني (100 ريال) عشان يكسبني في صفه ضد امي
وانا زي ماقلت اللعب على الحبلين 0
في يوم من الايام كان يفحط عند باب بيتنا واحد أسمه فيصل وكان كل يوم يفحط
وفي يوم من الايام فيصل كان يفحط وسلم علي انا انبسطت وفرحت ( هذا فيصل اللي الكل يناظر فيه ويفحط تفحيط موب صاحي يسلم علي انا؟؟؟؟ )
كان عمري وقتها 12 سنه ومع الايام فيصل تعرف علي وصرت اركب واروح وارجع معه وتفحيط في الشوارع
والناس كلها تناظر وانا اناظرهم ومبسوط اني مع فيصل المفحط
ومرت الايام والليالي وابوي مايسئل عني امي بس اللي تسئل عني وتهتم فيني
وفي يوم من الايام قال فيصل امش معي الاستراحه نسولف مع الشباب قلت انا يلا مشينا
رحت مع فيصل وكان كل واحد معه صديقه بس انا كنت ( احلى واحد ) ماكنت اعرف ان الذئاب البشريه تبي تنهش لحمي الطري
وجاب فيصل كاسين شاهي ورفضت وقال فيصل انا مصلحه بأيدي خذ اشرب شاهي
واخذت الشاهي ويااااااااااااااااااااااااليتني ماشربته
فيصل حط في الشاهي حبه منومه صحيت من النوم وانهبلت وتهاوشت مع فيصل وش هذا اللي سويته
قال عادي هذا كل اثنين زينا يسوون كذا ( فيصل فعل في عادل الفاحشه ) قلت لفيصل
انا مو زي هذولي اصدقاك انا اشرف منهم وكان رد فيصل وقال( انت اشرف منهم قبل تركب معي ياحبيبي)
اما بعد ماركبت لا انت صرت زيك زيهم صرخت وكنت ابكي وققلت والله اعلم ابوي
قال فيصل ابوك؟؟؟؟؟ ابوك له عندي هديه خذ هذا الشريط وكانت المصيبه اعظم فيصل مصورني بالفيديو
استسلمت له وصرت مع فيصل زي مايبي
اما انا فكنت وقت الحاجه بعد ما مل مني وصرت ادخن واتعاطى مخدرات انا عادل اللي ماكنت احب ريحة الزقاير
صرت متعاطي ومع الايام تــــم القبــــض علي وحكم علي بالسجن (( 7 سبع سنوات ))
أمي من الخبر جاها جلطه ودخلت المستشفى فتره وماتت
ماتت الله يرحمها ماشافت مني خير من اول يوم ولدتني فيه حرمتها من الخلفه والعيال انا سبب تعاستها في الحياه انا سبب كل شي ( يبكي عادل )
ولما خلص الحكم طلعت من السجن فوجت ابوي متزوج وعنده أولاد
رحت لابوي وكان امنيتي اشوف غرفة امي وابوس البلاط اللي كانت تمشي عليه كل طموحي اشوف غرفة امي وابوس البلاط اللي كانت تمشي عليييه فقط لاغير 0
رحت ودقيت الباب وابوي اللي فتح لي الباب تتوقعون وش كان رده علي؟؟
طردني طردني لانه خايف على زوجته واولاده مني انا طردني المجرم وقال انقلع انت سبب كل شي انت تربية امك ماعرفت تربيك
ورحت وانا ابكي
جلست شهرين في الشوارع ماعندي مصدر رزق مافي غير المحسنين يتصدقون علي واهل الخير
بعد شهرين رجعوا لي اصحاب السوء ورجعت للبلاوي مخدرات حشيش قضايا اخلاقيه ترويج مخدرات كل شي
وبعدها تـــم القبض علي والامساك بي 0
واخذة محكوميتي وطلعت ومالقيت حل
اخذت مسدس ورحت لابوي المجرم الحقيقي
رحت وكنت ابي منه ( 50 ألف ريال ) ابي اسوي مشروع ابي اعيش زي الناس
رحت وطلبت منه الخمسين ألف ولكن واجهني بالضرب والشتم ( وقال اصلاً الشرهه مو عليك على امك اللي ماعرفت تربيك وسب امي يشتم امي قدامي؟؟؟؟؟؟؟؟؟؟ يشتم حبيبتي وهي تحت التراب في القبر ؟؟
بدون شعوووور طلعت المسدس واطلقت عليه طلقه في راسه ايه اطلقت عليه في راسه طلقه
وهذا هو في المستشفى طايح سنه كامله موووب ميت ومووب حي في العنايه المركزه
وهذا انا في السجن انتظر إما حكم الاعدام او السسسجن مع العلم ان ابوي هو المجرم الحقيقي 00
------------------------------------------
هذي قصة عادل من ورا القضبان
سبحان الله سبحان الله ولاحول ولاقوة الا بالله
كان يتمنى يبوس البلاط اللي تمشي عليه والدته
لاحول ولا قوة الا بالله
اختكم قوية عين
العرض الشجري
