مالفرق بين الزميل و الصديق ؟؟
سؤال يتكنبس على مسامعنا بدون ان نعيره اي اهتمام ولم نجد نظريه او فرضيه تجيب على هذا السؤال....
ولكن اجتمع كبار الباحثين المنسمين لايجاد نظريه شافيه وكافيه ووافيه وزيت عافيه لهذا السؤال وخرجوا بعدة نظريات تجيب الا حد ما على هذا السؤال وقد نال من خلالها الباحث الاصلي على درجة الدكتوراه التنسيميه من جامعة تنسيمورد في ولاية صرقعونيا الغربيه ...
النظريه الاولى : ... ( للباحث المنسم ( منسم واقعي بن جداً ) )
الصديق وكما قالو قديما في وقت الضيق ولكن هناك حزات ( اوقات ) لا نجد هذا الصديق وبعدها فشلت هذه النظريه اما بخصوص الزميل وكما قال المنسمون قديماً ...." الزميل يجب الا يكون بخيل "... ( عشان ماتعشيه كل يوم )
النظريه الثانيه : ... ( للباحث المنسم ( منسم مقدرها بن حيل ) )
اذا الصديق في وقت الضيق .... هذي نظريه وفشلت جا عالم منسم وعلى باله بيعدلها فقال اذا لم تجد صديقك في وقت ضيقك فماعليك سوا انت تختلق له الاعذار ... وقال هذا العالم نظريته المشهوره في اختلاق العذر للصديق وهي (( الغايب عذره في بير )) ... لافض فوك ايها المنسم وبالنسبه للزميل فقال عنه الزميل ماعندهوش سالفه واللي ماعندهوش مايلزموش ...
النظريه الثالثه : ... ( للباحث المنسم ( منسم فلته بن زمانه ) )
اذا اللي ماعندهوش مايلزموش .... هذي نظريه وفشلت لان الزميل لازم يلزموش ( تراني مافهمت مثلكم يعني لاتدققون ) ... جا عالم منسم ومسوي فيها فلتت زمانه ( وابظاي الضيعه كولياتها ) ...
وقال الصديق من يصدقك لامن يصدقك ( افهموها زين تراني ماعرف وين الحركات والشده والضمه ... ابد منيب على نياتي ) ... اما الزميل فهو كالازميل يخرق ظهرك من كثر ماتعشيه فالمطاعم نكد على عميان الله يقطع بليسهم لحظه ابطلع من الموضوع شوي الحين ليش المطاعم غاليه من زين اكلهم عشان يغلونه الله يكرم النعمه بس ابي مطعم فالرياض يفتح النفس لو انه غالي بس ودي اطلع واحس اني شبعان من قلب كل هالمطاعم اللي في الرياض ( اخوكم مدمن مطاعم ) فيها الحلو وفيها الرهيب وفيها اللي من يوم نطلع وحنا نقول ( قققههههع ) اللي عنده مطعم يفتح النفس يعلمني لايستحي بس ياويله ان كاني تعشيت فيه وماجاز لي
المهم وين راح موضوعي طبيت فالمطاعم ... تصدقون اني جعت
النظريه الأخيره :... والتي حاز عليها الباحث الاصلي كبير المنسمين ...الدكتوراه التنسيميه
يقول هناك نظريه تجمع الصديق بالزميل وهي
( كن صديقي.... كم جميل لو نبقى اصدقاء .... الصديق وقت الضيق ) ..(( هذا هو الصديق ))
( معاك سلف .... عطني قلم .... تغطي مكاني حتى ارجع ) .... (( هذا هو الزميل ))
وقد نال على هذه النظريه كما اسلفت بالحتسي سابقاً الدكتوراه التنسيميه في علم الصداقة الاخويه ....
منقوووووووووول
مع تحيات
الفارس
العرض الشجري
