السلام عليكم
حبايبي... اليوم عندي موقف ظريف صار مع واحد من أصدقائي, وحبيت انقله لكم
مره كان عندنا اختبار مادة فقه ( اسلامي يعني).
وبيني وبينكم كان عندنا مدرس اذا الاجابه ماكانت زي الكتاب بالنص مايقبلها << ياكرهي للي كذا
يعني المدرس كان مسويلنا زحمه
بس على مين ياحبيبي, اذا كنت ريحا فلقد لاقيت اعصارا
كان عندنا واحد رجه ( مرجوج يعني), وراعي براشيم
بس المشكله هالمره وش يبرشم وش يخلي
فكر الحلو ... وقال ياولد مالها الا واحد دنبوشي حليو
راح اخونا الى كاهن كبير وقاله اللك ولا للديب ( الكاهن كان سوداني بس خواله لبنانيين)
رد الكاهن يخسي الديب يازول
قاله شف ياحبيبي بالعربي عندي اختبار وماني رايقله, وابي منك تسنعني
قاله الزول اااااي ماطلبتا شي << على وزن مادريتا
قال شوف ياخي, داير قبل ماتدخل قاعة الامتحان تقول "طنش لحاك جاقو سلجاقو", يعني مو بالضبط بس شي قريب من كذا.
وقاله شف تقول الكلام زاتو وتدخل والكتاب معاك , وبأزن الله ماراح احد يشوف المتاب الا انت
قاله صديقي تم, ماطلبتا شي
المهم جا الصبح ورحنا الامتحان
دخل خوينا الى القاعه ومعاه الكتاب, والمدرس اللي على باب القاعه ماانتبه للكتاب وخوينا على باله انه ذيب
وخطته ماشيه
واثناء الامتحان, جلس ابو الشباب يقلب الكتاب وكأنه جالس يقلب جريدة الرياضية في قهوه.
شوي, الا والمدرس طاب عليه
صاح عليه المدرس "وش تسوي"
قال الطالب هاه, وهو مفهي طبعا
قاله المدرس وش اللي بيدك
رد الحلو, ليش انت شايف شي
الزبده مسكه المدرس وكرشه برا القاعه واعطاه صفر كبر راسه
وأنشاء تكون عجبتكم
بااااااااااااااااااايوووووووووووو
العرض العادي
