من نويـتَ بالكـرم والشجاعـه فانص التميمي لو تطول المسافات
ومنّه تعلّـم كـود تاخـذ اطباعـه وتفهم معاني المرجله كيف له جات
وحتى ولو مرّيت فـي أيّ ساعـه تلقاه واقف لك علـى كـل حـزّات
ما يهتني ياكل ولـو هـي لعاعـه الا ومعه ضيفٍ ولو سهر مابـات
ولا من مشى خلك معه من تباعـه تشوف عزمه ما تبـي أي اثبـات
حليم عاقـل ليـن يُنـوى متاعـه يقلب غضنفر لـو يقابلـه ميّـات
شجاعته من يوم سـن الرضاعـه تزيد لا منّه كبـر عشـر مـرّات
له هيبته لو هـو بآخـر نزاعـه ولوهو توفي قالوا النـاس مامـات
هيبه من الله من يناظـره راعـه يكفيه نظره مايبـي منـه وميـات
عزيز نفسٍ لـو يعيـش بمجاعـه ما ذلها من شـان ياكـل ويقتـات
عفيف جيبٍ مـا حدتـه الطماعـه يسرق ويسترشي ويبحث عن فتات
واضح وضوح الشمس مابه لكاعه وما يغدرك لـوّه رأى منـك زلاّت
ينصحك لله دون خـوف وجزاعـه ولا من تكرر منك شفت المعانـاة
ولا هوب نقّـال الهـرج كالإذاعـه ولا هوب من يقبل بغيبه وكذبـات
ولا هو منافق لاجل بعض انتفاعـه حتى ولو يخسر رجـال المهمـات
راضي برزق الله بفهـم وقناعـ هيدري مصيره راحلٍ مثل من فـات
هذي طباع الحر ما هـي مشاعـه دستور في قلب التميمـي وآيـات
العرض الشجري
