السلام عليكم ورحمة الله وبركاته
كيف الحال إن شاء الله بخير
أنا حييت اطرح ها لموضوع ما ادري إن كان مكرر أو لا
أبي نتناقش ونتحاور في ها لقضية
نبدأ من الأول كيف عرفت عن هالسالفه
كنا في الجامعة أنا وصديقتي ومرت بنت قالت لي شفتي ها لبنت
بيتهم مليان بنات ما تزوجوا قلت نصيبهم
قالت لا حبيبتي ها لبنات حااااااجرين عليهم عيال عمهم
(تعريف الحجر : يعني البنت ما تتزوج إلا ولد عمها ويمنعونها ما تتزوج
أي احد إلا بأذنهم )
ولا حظوا عيال عمهم كل واحد متزوج وعنده عيال ولا يبي يتزوج أصلا
وكل ما جا واحد يخطب راحوا كلموه يفك الخطبة
تخيلوا وحده تملكت طلقوها منه
يعني شي فظيييييييييييييييييع في حياتي ماسمعت عن كذا
أنا أقول وين إخوانهم وين أبوهم مالهم كلمة
وين أحنا عايشين فيه
حتي يمكن في الجاهلية مافي هالشي
لا تقولون يروحون يشتكون عليهم لأني قلت نفس الشي
قالت أنهم راحوا واخذوا عليهم تعهد أنهم ما يتعرضون لهم
ومع ذلك مافي فايده
وسالفة البنت مالها ألا ولد عمها ماقد سمعت عنها ألا في
المسلسلات وما توقعت أنها شي ساري المفعول لحد ألان
تتزوج ولد عمها برضاها مافيها شي أما إذا كانت
ماتبي ماهو غصب عنها ما الك إلا ولد عمك هذي مشكله
طيب وإذا كان ولد عمي أعوذ بالله لا دين ولا أخلاق ولا صلاح
تتزوجه وهو كذا أكيد بتقول لا حتى الدين الإسلامي ما قال كذا
لازم البنت يؤخذ رأيها هذي حياتها
بعدين أبوها وإخوانها على وجه الأرض يعني عايشين لهم كلمة رجال مالهم دخل عيال عمهم يتحكمون فيها
أبوها وافق عليه واهي راضيه وأكيد إن الابوا شايف انه مناسب لبنته
وصالح وأخلاق ويعرف ربه
مالهم أي حق يتدخلون ويطلقون البنت
بعدين كل وحده ونصيبها
أنا أبي اعرف شي واحد وش يستفيدون اللي يسوون كذا
ما ادري يعني هذي شجاعة والا قوة والا يمكن استعراض عضلات
ما يخافون الله في ها لبنات لا حول ولا قوة ألا بالله
وانتوا وش رايكم في هالموضوع
واسفة على الإطالة
البنات..............و(الحجر).......
انا بصراحه ضد اللي يعارضون زواج البنت 
العرض العادي
