السلام عليكم ورحمه الله
تاريخ الجزيره العربيه حافل بروائع الشعر بجميع فروعه غزل او رثاء او مدح او فى الزهد ...وغيره
ولكن ليس هناك اهتمام به !
وهذه رائعه بحق للشاعرالكبير :
شرعان بن رمال الشمري
والتى يقول فيها
:
لي بنت عم ماوطت درب الادناس =ولادنست يوم النساء يدنسني
ضربتها وانا احسب الضرب نوماس =طلقتها يوم افخت العقل منى
ياناس كيف العين تبكي على ناس =وكيف العيون بلا رمد يسهرنى
واليكم القصيده كامله :
ياراكب ثنتين يشدن الاقواس =من دار ريضان الحجرحركنى
مافوقهن كود الدويرع وجلاس =وسفايف بين اربع يلعبنى
تحركنا من عندنا حين الامراس =ومضى سواد الليل ما بركنى
حكن علم عذفا يسارن من الرأس =والظهر مع ورد الحفر يشربنى
وحطو لهم مع هقلة الحضر بلاس =عن الحضر واللي بالخلا يسرحنى
وليا لفيتوا عند مدقوق الالعاس =الجادل اللي بالمحبه محنى
قولوا على حبل الرجا نطوي الياس =ولبيض غيره كلهن يحرمنى
والله يعلم بالخفايا والاجاس =حيث مضى من صغر سنك وسنى
وياعم اللي طعت بي هرج الانجاس =طاوعت هرج الناس واخلفت ظنى
طعت بي ياعم دايس ودرباس =وعوارض صدقتها وابعدنى
ومن لااخذ من درس الاسلاف نبراس =تمضي حياته بالرجا والتمنى
واقفيت ادير بظامري كل هوجاس =على وليف بالحشا غاب عنى
تكبي خواطرهم ليا جيت عساس =ولاتقل انا منهم ولاهمب منى
ومريت دار ماتقل جنة الاوناس =وونيت ودموع العيون ذرفنى
جيت المراح اللي بالعشب محتاس =العشب في مضرب وسادة معني
محذا شبة الناس ومشتاقة الرأس =وثلاث لايبكن ولاينبكني
لي بنت عم ماوطت درب الادناس =ولادنست يوم النساء يدنسني
ضربتها وانا احسب الضرب نوماس =طلقتها يوم افخت العقل مني
ياناس كيف العين تبكي على ناس =وكيف العيون بلا رمد يسهرني
لو ينشكي حبي على ذيب لاخماس =يسرح مع الطليان مايجفلني
ولو ينشكي حبي على طير قرناس =اضحى الضحى بمويكره مستكني
ولو ينشكي حبي على قب الافراس =عين نهار الكون لايفزعني
ولو ينشكي حبي على الميت ماناس =يثور من بين النصايب يوني
ولو البيوت مشددينه بالامراس =عين مع الخفرات لاينبنني
وحتى النجوم اللي مع الليل غلاس =لو ينشكي حبه لهن وقفني
ولو ان غوطة (دم سلمان ) واضراس =يدرن بماقلبي لقلبه يكني
تلقى سهل جبة هضاب ومنحاس =وحتى الجبل بالقاع صار متثني
اشرفت رأس ضراس من فوق الاطعاس =ولالوم طراد الهوى لو يجني
هليت دمع العين واوميت بالراس =ورافقت كور العيس ياما ابعدني
ورفعت نفسي عن شبا كل وسواس =البعد احلى من حياة التمني
انا زبون الحرد للخيل مدباس =ياكلشن شهب الشوارب نخني
نفسي تشوم عن التدلبح مع الساس =ولاعاش من هو عن رفيقه يكني
من شيدوا (زينة ) على غيد واغراس =ليا نسيت رسومهم ذكرني
ياعم انا لي طلبة الراس بالراس =ياعم شوف رسومهم ما انمحني
ولو صرت ان القلاع ماشلت الاضراس =والموس مايقطع بليا مسنى
ياصار ماربعن على الرائ جلاس =وجنحان طير السعد يلفحني
نصير دوم للصقاقير مدواس =مثل اللي يسمع صفير المغني
والله يلولا بكرة يابو وناس =حبه سكن باقصى الضماير محني
والله لو هي ماتبيني فلا باس =لاشك خبثان النفوس طردني
وانا احمد اللي خالق كل الانفاس =وجعل وساع القاع مافيه مني
دار بدار ولامناخات الانجاس =ياصار مايمناك عينك تزني
في بلدة الغراف من جملة الناس =ولا نيب من يرجي الخلايق تحني
دار به الاكرام والطيب به ساس =دايم تذكرني ليال مضني
وسلامتكم
العرض العادي
