موضوع النقاش لهذا الأسبوع للضحك فقط

[ــالمزيون]

اهلين بالاخ الغالي ميشووو شوو

اقتباس كل بنت ولها نصيبها وأنا أخوك ,,, والسنع مو بس بالطبخ والتكنيس وتمسيح الجدران السنع بالإدارة والسيطرة على المنزل وحسن تربية العيال ,,, يعني كثير حريم سنعااات وأنا أخوك وما يشتغلون بأنفسهم ,,, عندهم شغالات يشتغلون بس طبعا تحت إدارتهم ,,,

^
^
انت الظاهر فاهم السنع غلط يابو الشباب
يعني البنت السنعه هي الي تحسن اداره شغالتها .. ينعن ام السنع اللي تعرفه ياشييخ

اقتباس عادي وأنا أخوك ,,, ما قد خذيت بالفقه وبالتفسير وبالحديث بأن المرأة لو ماتبي ترضع عيالها من حقها إنها ما ترضعهم !!! وما قد سمعت بأن المرأة من حقها تاخذ راتب من زوجها على الترضيع !!!

^
^
الا ياشيخنا ميشو قد درستها بالفقه والتفسير بالابتدائي
بس انا ودي اعرف وش دخل الترضيع بالواجبات المنزليه خخخخخخ

حبيب البي اقرأ ردي مره ومرتين قبل لاتستعجل عشان ماتلتبس عليك الامور

اقتباس وبعدين ياليت تحدد وش تقصد هنا بخدمة المرأة لزوجها ؟؟؟؟؟؟

^
^
مشكله اذا مافهمت وش اقصد بخدمه المرأه لزوجها .. خدمه المرأه لزوجها تكون بأرضاء زوجها مهما كان الامر طبعا في غير معصيه الله .. ويدخل في ذلك الواجبات المنزليه واكيد هذا الشي ارضاء للزوج .. وهناك دليل يذكر فيه اهميه ارضاء الزوج وطاعته

(في مامعنى الحديث) قول الرسول -صلى الله عليه وسلم- لو لا حرمه السجود لغير الله لأمرت الزوجه بأن تسجد لزوجها ..
ومعنا الصحيح واضح وصريح .. ومايحتاج تروح موقع الياهو تدور على التفسير

اقتباس خدمته هو شخصيا واجب عليها لكن انها تشيل شغل البيت من تكنيس وتمسيح وتنظيف ماهو واجب عليها إذا كانت هي ببيتها عندها شغالها تسوي الشغل هذا عنها ,,,

^
^
انت قلتها بنفسك خدمه الزوج واجبه عليها .. وخدمه بيت الرجال مو من خدمه الزوج ؟؟؟
(اترك لك الاجابه عزيزي)

اقتباس أخي العزيز لمعلوماتك الشيوخ والعلماء اللي انت تقولهم يدرسون من كتب ابن كثير التفسير ,,, ويستقون معلوماتهم منه ,,, وبإمكانك تدق على واحد من هالعلماء وتسأله من وين درس التفسير

^
^
اخوي ميشو حبيت اضيف لمعلوماتك الغزيره ان كتب التفسير مو واحد والا اثنين .. مجلدات وكتب كثيره من السلف الصالح ..
واذا انت تفكر ان مافيه كتاب تفسير الا لابن كثير فأنا ادعوك من هنا انك تصحح معلوماتك ..
ثاني شي ابن كثير له تفسيره الخاص .. وابن عباس له تفسيره وكل عالم له كتابه ..

لكن الحديث عن علمائنا في الوقت الحاضر فهم فيهم الخير والبركه وهم انبياء هذا العصر ..
وفيه منهم من دخل دارسات واسعه في علم التفسير .. ودرس كتااب ابن كثير وغيره وعرف جميع تفاسير القرآن من الجلده الى الجلده ..
وانا ماذكرت ان العلماء حاليا افضل من ابن كثير >> (سبق وان قلت لك اقرأ ردي اكثر من مره قبل لاتستعجل )

اقتباس ما أدري من العالم حقك اللي له باع طويل في تفسير القرآن وبيكون أفضل من ابن كثير عطني اسم واحد وأوعدك إني بأقراه وبتقراه ندوووو بعد

^
^
اول شي لاتستهزئ بالعلماء اخي الفاضل .. ومافيه شي اسمه العالم حقك ..
اتمنى انتقاء الفاظ افضل من كذا وعدم الاسهتزاء بهم لان جميع العلماء معروفين لدا الجميع واذا ماكان لك خلفيه انا مستعد اعطيك كبار العلماء في علم التفسير حاليا ..

وانا ماقلت ان فيه عالم افضل من (ابن كثير) .. بس اذا طفاقتك اغشت على عيونك وتوهمت الشي هذا فأنا بريء من ذلك كبراءه الذئب من دم ابن يعقوب .. وبإمكانك عزيزي مراجعه ردودي بنفسك وتقراها اكثر من مره .. وتلاحظ اني ماكتبت الكلام هذا ..


ثاني شي مدري اذا الاخت ندى موكلتك على الردود عليها .. حتى الظاهر موكلتك انك تجيب لها كتب من الياهو تقراها >>خشت مزاجه قصه الياهو

اقتباس استغرب من جهل بعض الإخوان والأخوات بالانترنت وبجهلهم بما فيه من فوائد ,,, وعندهم الانترنت مقصور على شات ومنتدى وايميل ومسنجر يدخلون يضحكون فيها ,,, والأكثرية يدخلونها بأهداف غير شريفة ((كلنا عارفينها)) ويحسبون إن الانترنت بس كذه

^
^
هههههههههههههههههههه

والله كل واحد يتكلم عن نفسه .. واذا انت دخولك النت بسبب الاشياء التي ذكرتها سلفاً لاتحسب ان كل الناس مثلك .. ثاني شي مو انت اللي تعلمني استعمالات النت

شوف انا ماابي اهايط عليك وافرد عضلاتي بس انا دخلت النت لسنوات كثييييييره واعرف كل اللي فيه واللي مافيه .. ولعلمك ايضا انا تخصصي حاسب واعرف اشياء تقعد سنين تتعلم عليها خخخخخخخخ

اقتباس اخي العزيز لو رحت للياهو وسويت بحث عن مواقع فيها تفسيرات للقرآن كتفسير ابن كثير وغيره ,,, ستجد من النتائج ما يرضيك ويثلج صدرك ,,, وستجد مواقع إسلامية فيها الكثير من الأشياء المفيدة والمعلومات

^
^
لاياشيخ .. تصدق توني ادري

ياحبيبي البحث مو شرط على الياهو .. والا الظاهر ان تبع هالشركه وتبي تسلك اعلانات لهم هنا

لو انك قلت ابحث في محركات البحث كان فهمتك زين .. بس قولك ادخل الياهو وتعرف.. انا فكرت ان الياهو فتحوا قسم عندهم تفسير قرآن خخخخخخخخخخ

اقتباس القيمة ,,, الانترنت ماهو مقصور على منتدى وايميل وأنا أخوك <<<< مدري تعرف هالمعلومة ولا لا

^
^
اخي ومن قال ن النت مقتصر على المنتدى والايميل

الظاهر انك فاتح منتدى ثاني وتقتبس مناك ههههههههههههههههههههههههههههه

بس صراحه معلومه مفيده اول مره اقرأها وياليت تكثر منها طال عمرك

اقتباس هذي فائدة الياهوو في مثل هذه المواضيع أخي العزيز

^
^
الى الان اخونا العزيز يسوي اعلانات .. وماكأن فيه موقع في العالم الا الياهو

الظاهر انك توك جديد على النت وماطلع في وجهك الا الياهو هع

اقتباس مو بس فايدة الياهوو إنه فيه ايميل ومجموعات بريدية ,,, وإذا مو عاجبك الياهوو روح لجووجل أو لأين

^
^
يقولون الاعلانات ماعليها رسووم لووووووووول

اقتباس نعم أنا أعترف بإني مو عالم وما ألم بجميع تفاسير القرآن ولا ألمّ حتى بربع التفاسير ,,, بس مدري إنت تشوف نفسك أهل

^
^
انا مااشوف نفسي ولاقلت الكلام هذا .. بس انت طال عمرك تقولي انك تألف تفاسير من عندك

وانا قلت ان الكلام اللي قلته سابقا سمعته من شيخ فاضل وهو طارق السويداني ..







يتبع .........