ماللعتب منك أنت يمي معابر ..
............... ومالك معي حلف ويمين وملازيم
كف العتب ماكل مامر .. عابر
................. بعض الكلام يحطم الصدر تحطيم
والله ماأقبل لو تضج المنابر
................. بالزيف يوم الزيف للصدق تحجيم
انا على خبرك مثل ماانت خابر
...................ارفض شعور اللوم والظلم والضيم
لاصرت لامخطي ولاني مكابر
.................. ولاهفيت حق ولاجهلت المفاهيم
لكن بلايا وجه الايام غابر
.................... والمقبلات من الليالي معاتيم
شفني قضى عمري على المر صابر
....................مالاح برق ولالمع ناظري غيم
أشوف حبات المنازل مقابر
......................وبيض النوايا في عيونك مجاهيم
ماكل كسر له مع الوقت جابر
......................بعض الكسور تصير عاهات وتديم
فوق المناظر عن جميل المخابر
....................مثل الثرى الممطر عن فاقد الديم
لابارك الله بالشعر يالمحابر
...................ان ماعزف لأوجاع غيري تقاسيم
وشد انتباه الاغنياء والأكابر
......................قبل الفقير ابو اليتامى المظاليم
مف العتب ماكل من مر عابر
........................بعض الكلام يحطم الصدر تحطيم
عاقل الزيد
العرض الشجري
