أنت سوف تكون من أسباب ضياع مستقبل أبو جيرانكم الوظيفي .. بسبب كثرة تسلقك للنخل .. ولن تترك
هذه العادة ألا بعد أن تصلفط على خشتك عدة مرات قد تسبب حدوث أنفصام في شخصية برطمك .. فيبدأ
برطمك بالأحساس أنه خشم وليس برطم ...حينها سوف تتوهق توهيقتن كبيرة ...وافلقني يا شيخ أن
كانك مملوح.....هههههههه [line]
2- برج البيالة من 15 صفر الى 15 ربيع أول :
تدخل بقالة ما يبيعون كراث .. وأنت طالع تزلق بقرطاسة بسكوت ريكو.. ويمر هايلكس محمل ثلاث
هنود ويطشم عليك ماء من اللي بالأرض .. عاد تخاف أن خشتك تغيرت ملامحه .. وتصاب بحالة من الدلاخة
تستمر ثمانطعش دقيقة .. وتزيد حالتك الأستدلاخية شيئا فشيئا.. وتروح تأكل فصفص سوبر مصري ..
ويجيك مغص باصبع رجلك الوسطى .. وبعد مدة تلاحظ أن كل اللي أكلته سابق الذكر .. قاضية مدته
.. بأختصار .. أنت حظك رايح فيها .....هههههه [line]
3- برج خبز الصامولي من 15 ربيع أول ألى 15 ربيع الثاني
تفحيطك بالسيكل منذ صغرك .. قد تسبب في أن يكون هناك سوء تفاهم بين عيونك .. مما أضطر أن
يقوم أبوك الله يجزاه خير بتصفيقك كل يوم على باله عيونك تبي تعدل .. وسوف تبتسم لك وحدة عند بقالة
وهي المره الأولى والأخيرة وتبي تضيع علومك .. وتقوم أنت وتبدأ تسحب جلنطات بالددسن .. وتصدم عمود
لمبه مكتوب عليه ذكريات أم سعد ..ويجي أبو سعد ويتمردغ ببطنك لين تقتنع بالمثل اللي يقول كن دلخا
تعش حياتك هنيئا.....ههههههه [line]
4- برج الطرمبة من 15 ربيع الثاني ألى 15 جماد أول
أدمانك للعب السوني ((بلاي ستيشن)) .. سوف يعرضك للأنفلاق بقوطي حمضيات من أخوك الصغير
.. وزعقة من أمك (( يعني تهزيئة بصوت مرتفع)) .. وراح تتولد في طيات خشتك ردة فعل تجاه القواطي
مما سوف يجعلك عرضة لسخرية جميع الحلاقين .. ولكن ومع كل هذا .. أنت جميل الوجه .. وسوف تكون
أحد أسباب تحويل طالبات حارتكم اللي داخلين قسم طب ... يدخلن قسم آثار ....هههههههه [line]
5- برج الملعقة من 15 جماد أول ألى 15 جماد ثاني :
تأثرك السريع بما يحدث حولك .. قد يتسبب في تغيير أسمك من سمير ألى ألهام شاهين .. لأنه راح
يصادف أنك تدخل على ناس يناظرون تمثيلية مصرية بطولة تحية كاريوكا .. وما أدري وش دخل ..
ألهام شاهين .. أنت طويل وخبل .. والمثل اللي يقول .. شف العنز وأحلب بيبسي.. قايلينه فيك ..
كثيرا ما تفقع وجهك من الليموزينات حيث أنك تفضل ركوب باص النقل الجماعي ..ههههههه [line]
6- برج البردقانه من 15 جماد ثاني ألى 15 رجب :
نطقك للحروف رايح فيها .. وقد يتسبب في أن يمسكك أربع عرابجة .. ويلبسونك ستريتش ضيق مره
ويعصرونك لين تقعد تصيح .. وتجيك جلطة دماغية بخشمك .. ويطيح شعر سيقانك .. وتنفصل ركبتك عن
يدك وتصيبك حالة من الجزع والهلع ... بسبب كثرة تنسيم الكورة من النخل اللي بحوشكم .. حظك تبي
تلقاه تحت زولية مقلط رجال بشقة باكستانية ساكنين بغينيا الجديدة جنوب لندن .. مقابل تموينات
أبو سعد ....ههههههه [line]
7- برج الدلوخة من 15 رجب ألى 15 شعبان :
أنت أذكى أنسان بالعالم .. في نظر نفسك .. ينلعب عليك بسرعة .. يعني مخفة .. لو يقولون لك أنقز من
الفيصلية .. تقول لهم لا أبي أنقز من عمارة المملكة أطول شوي .. تتمتع بشخصية قوية عند زملاؤك اللي
من نفس طينتك الأستدلاخية.. كثيرا ما يحالفك الحظ في الأشارات .. فغالبا أذا وصلت الأشارة تصير
خضراء .. أحسن مافيك أنك تدربي رويسك ولا تدري ويش الدنيا فيه .. فأنت تعمل بالمثل .. أضحك للدنيا
ولوتفلت في وجهك عادي .......هههههههههه [line]
8- برج ولا شيء من 15 شعبان ألى 15 رمضان :
أشخاص هذا البرج ما أدري ويش يبون من هالدنيا .. اللي مولود في هذا البرج ..من رأيي السديد أنه
يروح لأقرب طريق سريع وينسدح فيه على أمل يدعسه قلابي ..أن شاء الله..
ذلك حظهم يكسر الحصى..هههههههههههه [line]
9- برج صعفق من 15 رمضان ألى 15 شوال :
أنت حظك متدودل من عمود لمبة ملبق جنبه سيكل هندي مربوط بسلسله أذا أنسرق هالسيكل .. يحسبونك
أنت اللي سارقه .. ويدفعونك غرامة وتنسجن مع واحد غني .. وتسلفه عشرين ريال لأن ما عنده صرف ..
وأذا طلعتوا من السجن يبي يردها لك عشرين ألف .. وتبي تنبسط ..والخبر يوصل أبوك ثم يمحطك بالزبيرية
عشانك أخذت ربا ..بأختصار حظك تلقاه تحت قوطي ميرندا فراوله الشكل القديم شاربه سوداني مدرس
أملاء..... ههههههههههه [line]
10- برج أخو محماس من 15 شوال ألى 15 ذو القعدة :
يطلق عليك لقب البطران ..لما تتمتع به من فزعه لجميع أخوياك الطفارى .. وتباشر عليهم .. وهذا قد يؤدي
ألى مردود عكسي حسب نظرية فيثاغورس الفيزيائيه .. تروش ولو بتراب .. فتراب خير من ولا شيء ..
أنت ما نقص ألا تهتم بنظافتك الشخصية .. وأذا بغيت تتنكر ولا يعرفك أحد أنصحك تتروش عشان تغير
ملامح خشتك .. أنتبه من سواقكم .. لأنه قد يكون سبب في تأخير ولادة العنز اللي توك شاريها .. ولو أني
داري أنك منتب وجه سواق .....ههههههههه [line]
11- برج الزبيرية من 15 ذو القعدة ألى 15 ذو الحجة :
يتمتع أصحاب هذا البرج بالذكاء الخارق ...لدرجة أنهم يدخلون الأختبارات وهم ما ذاكروا ... تبي تشارك
بمن سيربح المليون .. وتبي تاصل للسؤال الأخير ..بس يبي يدق عليك خويك بآخر لحظة ويعلمك أن بنت
جيرانكم ما تحبك ..وانها رايحة وطي مع أبوك وتموت فيه .. وتصاب أنت بحالة تسمى الأستصطال المزمن
ويدخلونك مستشفى وتجيك ممرضه وتفقد الذاكره هالممرضة وتحبك بالغلط وتجيبون عيال تسمونهم على
أسم خال أمك من الرضاع ..ههههههههه [line]
12- برج النملة المنسدحة من 15 ذو الحجة ألى 15 محرم :
خشمك كبير .. وانت معيي تقتنع بهذه الحقيقة .. كبر خشمك سوف يسبب لك مشاكل أذا جيت تصور ..
فيضطر المصور أنه يأخذ لك صورتين وحده لك والثانية لخشمك .. ويصارحك حارس أستراحتكم ..بأن
خشمك كبير ... فتنفخ عليه أنت .. فيعبر عن مشاعره ويقوم يفقع وجهك لين يصير وجهك كنه علبة هندسة
مافيها منقلة .. بس فيها مثلث .. والفرجار ضايع .. ومع كل ذلك تبي تتزوج وحدة تشبه ساندرا بولوك ..
يا بختك يا عم ... ههههههههه
عساني ما طولت ههههههههههه يالله كلن يشوف برجه هههههههههههههه
شوف برجك يمكن يقوم حظك
[line]
[/mark[/size][/color]
العرض العادي
