جاني سبب قلبي وجاني صلافي=والنوم عن عيني زمانين مدفوع
واحيرتي واضيقتي واخـلافي=لاوا قساي اللي على غير منفوع
على غزال سم حالي وطافي=من شوفته ضامي ولا صابني جوع
عين الغزال اللي نحش بالحضافي=والوصف ضامروالحلايالهن نوع
والخد براقا بتالي الصيافي=خرج الجنوب اللي بعد ليل وهجوع
والراس لا هله يجي له لحافي=بالكثر ولا الطول مثني ومربوع
لا والله الا جاب لي الهفافي=غروا جديله فوق الامتان منسوع
سم الحوال وصار في اختلافي=والناس ما يدرون عن كل موضوع
عن الهوى بعض العرب له عوافي=وانا معقب لي غرابيل ووجوع
قالوا عوافي قلت ماشي عوافي=ما اطيب لو كل العرب جولي فزوع
الاان جاني سيدي بالاشافي=واخذت ليه من شفاياه قرطوع
شفته مع المظهور ترف الخفافي=من عين دار اقفوا محيلين ونزوع
علمي بهم مقفين مع حزم صافي=حزم النفود اللي به الرمل مجموع
غروا بكل الوصف كامل ووافي=غروا عن الزلات محمي وممنوع
يوم انه اقفى القلب جاه ارتكافي=تقول من بين المعاليق منزوع
الحب للعشاق حرب الزحافي=هني من قلبه عن الحب مقطوع
نافيه عن حب الغنادير نافي=عن حبهن متولعا له بمشروع
وقفت والجره عليها السوافي=وطريقهم عن سايق المورممنوع
وجدي على هاف حموله خفافي=اللي يبوج الرمل لو انه طلوع
توه مورد والتواير نظافي=وعن الهدا والبيع وقفا وممنوع
ودي عليه الحق حسين الوصافي=والموريقعد باخر الطعس مقطوع
العرض الشجري
