:: مايسوى ولا حتى وزن ذره ::

آهــــات · 18-01-2005, 01:12 AM

سكوني في عيوني ...
وضحكاتي ... بسمه حزينه....
تغردبها افراحي
وتسكنها دمعه محجوره ...

ابي قربك وابي بعدك
ابيك الليل لعيوني ...
وابيك الصبح لاحلامي ..

ابيك لو طال الجرح بآلامه..
ابيك لو ترضي تخليني....
اعيش العمر في جوفك..

ابيك تحسب الحسبه
وتعطيني نواتجها ..
لو زادت مشاعرنا ...
او نقصت احاسيسك ..
تصير القسمه بعيونك ...
وعيونك هي دلايلها ..

ابيك اتقدر لو معني
عنادي فيك متمكن ..

ابيك ولا تخليني...1
يتم الروح والعزّه...

عزيز النفس عايشلك
وذليل الروح للمنه ..
تطاردني وانا اناجي ..
اناجي قلبك الصامت ..
واناجي عيونك العذبه ..
ابي همسه .. وابي دمعه
ابي لو حتى تلمحلي ..

وهذي عيني وعينك
واتحداك تناظرها

تقول اني مابي قربك
واقول انك تبي بعدي

اقول الهم يطويني
وآثاري الهم يشقيني

اقول الوقت يسرقنا
وتقول الجرح يبكينا

تعطر وقتي الباكي
واعطر وردك الضامي

ياليت الشوف يروينا
وياليت الشوق يضنينا

هذي بسمه مقتوله
وهذي دمعه محجوره

احب الحرف من جوفك
يسرق دمعي الساهي

اللّف الكون في كفي
واجمعها في ثرى دمي

تعطيني بالعذاب الوان
واحس اني غريب الدار

تعطيني بالطعون اشكال
واحس اني منكوي بنار

حبيبي

لو يموت الشوق بعيونك
طمني أكف الخطوة بدروبك

حبيبي

ماللفرح عنوان
يسكن داخلي خجلان

ينزف روعه الفرحه
ويواكب دمعتي بنظره

حبيبي

أحس الدنيا من حولي
توقف دونك ودوني

تبي اخر كلام الصمت
وابيك تفسر المعنى

انا عايش بقلبي انسان
طفل يحمل أمل مشتاق

مايجرح شعور انسان
ولايبكي بدون شعور

تصدق ..!
كل اللي نثرته بالحروف اشكال
لو لغيرك ...صدقني
مايسوى ولا حتى
(وزن ذره)

مير البخت عيــّــا
لو لغيرك قدر ينساق

انا من حولي العشاق
يموتون بهزة اصباعي

كل(ن) كتب عمره بعمري
بأحلامه يبي قربي

ولو ابي اخضعّهم
على حد القدم يشتاق

ينزل هامته لجلي
ويخضع بالحروف الوان

يبوني عاشق(ن) ثاني
على حد القمر اشتاق

ولو تدري ان غيرك
مايسوى ولا حتى
(وزن ذره)

نسيت ان العمر كله
يباري لحظه من نظره

كثير الفرق مابينك
وبين غيرك اوصف له

مثل فرق الغدر فيهم
وطهار الرقه والعفه

حبيبي

لو يقولون عني
بكثر الهرج والمنّه

انا باقي على عهدي
وعهدك ضيع دروبه

صبرت وذاب على خدي
بقايا صورتك وانا المّه

تصدق ..!
كل اللي نثرته بالحروف اشكال
لو لغيرك ...صدقني
مايسوى ولا حتى (وزن ذره)

تمرد جنون قلمي

آهــــــات

الرزينة · 18-01-2005, 09:07 AM

تصدق ..!
كل اللي نثرته بالحروف اشكال
لو لغيرك ...صدقني
مايسوى ولا حتى
(وزن ذره)

البحـــــــر · 26-01-2005, 12:53 AM


	يالله قومي من غيابك لايشيب الوقت عند بابك .. !! يالله قومي حرري كل اهدابك اعلني صمت العطر في اطهر ثيابك من صهيل الشمع ثارت جيوش الليل وابتدأ .. هالدمع ينزف لي مواويل..!! كنت اماري في ابتسامك ظل باهت .. ومتثاقل كنت ارتب كل انقسامك صحراء ظميانه بـــ معاقل من تركت الديرة وانا اتهجى مسافاتي بيني وبينك الف سيرة جمعت كل الاساطير بــ ملفاتي لي متى هالحزن ثاير فوق تفكيري وحاير لي متى هالمزن عابر مايبل اطراف اقدامي لوجيت زاير كم مينا ومرسى يسأل عن نوارسنا كم رحلة خرسى ضعيت مركب فوارسنا..!! هاتي دفاترك القديمه أقلامك احلامك اجمعيها وسط برواز الأماني ارسمي لون وجهي صورة العشق بــ زماني ..!! *************** اسرجي خيل السما في عيوني خليني أسبق بالغلا نجمة جنوني كل الفضا واحساس هالعالم ماغيروا فينا أسامينا وجملة أغانينا ..!! يالله قومي مابقى لاجلك غير احتمالات الظروف بددي منك الخوف اهزمي كل الجراح اهزمي كل الجراح اهزمي كل الجراح ..!! .................................................. .. آهـــــــــــــــات ها انت تعود مفعم بالنشاط والحيوه شامخ كما عرفتك..تكتب وتكتب وتكتب سلم جنونك وعنفوانك تحياتي البحــــــــــــــر

نديم القصيد · 26-01-2005, 01:21 AM

يعطيك العافيه
على الرائعه امتعتنا

خواطر محروم · 26-01-2005, 08:19 AM

"

آهــــات · 03-02-2005, 01:01 PM

الرزينــــــه

اشكرك من اعماق قلبي على مرورك المتواضع
وتمنياتي لك بدوام التوفيق

آهــــات · 11-07-2005, 10:36 PM

البحـــــــــر
لا اجد من فيض كلماتي ما يجعلني اقف احتراما"
وتقديرا بعد شكري لمرورك
فتقبل صمتي

آهــــات....جنونـ .. قلمـ

sa6eeral7oob · 12-07-2005, 03:07 AM

انت غني عن التعريف
انت لوحدك اسطورة راقيه
ليس كمثلك احد
ولا لكلماتك حد
ما اروع ما تسطرة
و ما اجملها من معاني
سأبقى دائما ارددها
((انت اسطورة رااااقيه)) عذبه غنيه عن التعريف

:::::::،،،،آهــــات،،،،::::::::::::::

ما ابدعك و لا يسعني ان اقول سوى
دمت مبدعا دائما و حفظك الله من كل شر

سفير الحب

][دلــع نجد][ · 12-07-2005, 03:25 AM

((*اهاااااات*))

اذا تناغم العزف ... أصبح جميل

واذا اختلف العزف ...

يصبح الورد يبحث عن عطره

ما أعذب قطرات المداد التي خطت تلك الحروف ...

كلماتك جدا رائعة ،،، فاقت كل شئ جمالاً وعذوبة ...

فخر للمنتدي حقاً وجود قلم كقلمك...

وأحرفك التى تبحر بنا الى مكان جميل ...

تقبل تحية معطره لك،،، ولأحرفك ...

ونحن هنا بانتظار جديدك الادبي ...

*

*
هنا كا11111111111نت

( `·.¸
`·.¸ )
¸.· )´
(.·´
*¨) (¨`*
¸.·´¸.·´¨) (¨`·.¸`·.¸
(¸.·´ ( * دلع نجد* ) `·.¸)

خواطر جريئة · 12-07-2005, 05:29 AM

اهاااات

معزوفه جميله

وحوار رقيق يجعل المتلقي يقف طويلآ

مع هذا الجمال الخلاب من الحروف

رائع ماهطلته هنا

دمت راقي الحس والنبض

تقبل فائق تحياتي

اختك
خواطر