توك تجي تطلب رضا قلب ناسيك
ذابت ورودك واصبحن يابساتي
ضيعت حبي ياعسى الله يجازيـك
وانكرت قلبي يومك اغلى امنياتي
واليوم قلبي يبتعـد عـن موانيـك
والحين توها ابحرت باخراتـي
لاتحسبني عاشـق وميـت فيـك
ولاتحسبني غافل فـي عماتـي
هذا كتابي كاتـب فيـه ماضيـك
مافات كلـه كاتبـه يـوم فاتـي
يومك تخون وتطعن القلب بيديـك
ويومك تنقص بالمشاعر غلاتـي
ويومك تعيش بحب غيري واناديك
تسمع ولاكنـك تحـس بشقاتـي
ادري فرحت وصار همي يسليـك
وادري شعوري ذاق عقبك مماتي
والحين والله لاجرحـك مااداويـك
عندي جروح وماصنعت الدواتي
والحين قلبي في همومـك يخليـك
لقيت غيرك وآبـذوق الهناتـي
وارجوك تبعد خلني اعيش ناسيك
تكفى طلبتـك لاتكـدر حياتـي
للشاعر : صادق الاحساس
العرض المتطور
