لاصارخلـك مستحـق المسـبـه= سبه ترى العشاق غيـرك يسبـون
لابوه لا ابوالحب من قلـب سبـه=لابوالغرام اللي يحدك على الهـون
يلعـن ابـو قلـب غشيـم يحبه=ملعون والقلب اللي بيغليه ملعـون
اقول مـن هبـاك يالخبـل هبـه= الدون ما يسلك معاهم سوى..الدون
عزالجـفـاولاهـوان المـحـبه=ماخوذمن يصبرعلى الذل مغبـون
اظهرقواةالبـاس والضعـف خبـه=ترى الضعيف ضعيف لاطعم لالون
الراس مااحد يقطعـه غيـر ربـه=اقول عزالنفس ما اقول لك هـون
خلـه يولـي لايـذلـك بحـبـه=ابعد وتلقاهم علـى البعـد يدنـون
ولا انت لو ترقـد وبالعيـن شبـه=ابرك من اللي يجرحونك ويسلـون
يا جاهل افهم خذ من العلـم لبـه=اصبروتنسى والعـذارى ينسـون
الرجل عقلـه دائمـا قبـل قلبـه=ما هوعمى بالقلب ومفتـح عيـون
لااقدمواحـبـه تقـدمـت حـبـه=وان وخروا وخرت والعز مضمون
تـرى غلاهالوقـت هبـه وهبـه=اغنم هبوب الريح لا تقلب سكـون
لا ساعـدك حظـك تغانـم مهبـه=لاترتهي يجيـك يـوم ويصـدون
قبـل يذبـك نـاب الارداف ذبـه=ترى حلاة الرجل طاعن ومطعون
كم عاشق خلوه مـن غيـر سبـه=يصفق بكف كف ما يدري شلـون
منقـــــــــــــــــــــــول
العرض الشجري
