مرحبا وياهلا بكل اعضاء ومشرفين المنتدى
اليوم حبيت احط لكم بعض من قصائد الشاعر الكبير والرائع والمبدع
طــــــــــــلال الـــرشـــــيد _ اللله يرحمه
وبصراحه مالقيت عنوان لموضوعي هذا افضل من اسم طلال
لاني بصراحه مهما قلت عنه وعن ابداعه وشعره مارح اوفيه حقه
الله يرحمه ويغفر له
واتمنى ان موضوعي يعجبكم وتستمتعون فيه 
%%%%%%%%%%%%%%%%%%%%%%%%%%%%%
تـنهيدتـيـــن ونـــار
كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي .. إحكّ لي
إحكّ لي عن الشوق
طـر بـي فوق .. فوق
خـذنـي منّك
وإحكّ لي .. عنّك
الـصـدق
إن الأمل من قبل أعرفك .. كذب
والتضحيه أوهـام
وإني أنا من قبل أعرفك
كنت أعرف أنـام
كان السهـر مـو هـالسهـر
لعب وأغانـي .. وإخـتصار
صار السهـر تفكير
صار إنتظـار
صار إحتظـار
صار السهـر .. تنهيـدتيـن ونـار
يا منتهـى أمـري
بالهمس قلـّي مرّه يا عمـري
وطـر بـي فوق .. فوق
خـذنـي منّك
وإحـكّ لـي .. عـنّـك
%%%%%%%%%%%%%%%%%%%%%%%%%%%%%%%%
جَــتــنــي
جتني وشافتها عيون حايـرات
ذا شعاع الشمس او هذا سناها
ضاعوا اللي جوا معاها مسيرات
واقبلت تمشي تقل محدٍ معاها
يا سنا الفضه ويا جيد المهات
يا شذى نبت الخزامى في وطاها
قلت كن بوجنتك زهر النبات
قالت ان الرمش يجرح لي صفاها
تجرح الظلما عـيون ناعسات
سلهمت وأغضت تغطرس في بهاها
حققوا بالشوف في لون الشفاة
هو خذا منها الشفق والا عطاها
ولو ظلام اللـيــل يعطينا ثبات
فيه من لون الشعر والا كساها
كيف أباصف زين كاملة الصفات
كيف أباصل في حروفي منتهاها
%%%%%%%%%%%%%%%%%%%%%%
بعــض الأحـبــاب
ما قلت احبك ولا قد قلت ما حبك ... احب مالي عيوني وانت تـسـواها
لو تدري اش كثر تعني لي تعرف انك .... اخر امل في حياتي واول مناها
ياكثر احس ان بك مني وبي منك ... روح قسمها على شخصين مولاها
لا تقول وش تحب فيني اعشقك كلك .... من ليل شعرك لكلك واخر اقصاها
سميتني نصـفــك الثاني ويا شحـــك ... انا بسمـيـــك كلي وانــــت معناها
تعبت اوديك له يا قلب ويردك ... لا اخذ حلومي ولا خلاني انـســاها
كل الحمام استراح وناح في ظلك ... والورد الاصفر سقته الروح من ماها
ليتك بعمري ثلاثة اشخاص ماملّك .... واحد معي دوم وواحد روحي يملاها
والثالث بجفن عيني لا فقد حسك ... او غمض الجفن جاني فيك يتباهى
مو بس احبك انا والله من حبك ... احب حتى ثرى الارض اللي تطاها
%%%%%%%%%%%%%%%%%%%%%%%%%%%
آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعداجلس معي نحتريك
تعال شفني وانا استناك .. كم اشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا اخذ الموعد اللي يحتريك واجيك
يااخر الحب ذقت الحب في اولك
ويااول الشوق اقصى الشوق ماينتهيك
علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك
تقبلوا تحياتي
اختكم نـــــوور القمر
العرض العادي
