ارجو من الجميع المشاركه بصراحه

[الفـــــارس]

هلا فيكم ومشكورين على مشاركاتكم

انا باتكلم عن نفسي وباختصار

البنت مهما تروح وتجي تبقى بنت

مشاعرها هي اللي تتكلم ومو عقلها

يعني وعذرا يا بنات المنتدى، بس انا اقول لو في واحد خبيث ويعرف يلعب بالناس كان ما تقدر ولا وحده تسلم منه

بتقولون اصابع يدك مو سوى

بس الانسان بطبيعته يتأثر باللي حوله
وتذا كان اللي حوله كلام استلطاف فالله يستر

هذا كلامي بوجه عام

نجي للمنتديات
انا عن نفسي وكصفه عامه، المنتديات خيرها يغلب على شرها
بس في كل مكان تجد شذوذ

بالنسبه لي
انا رافض فكره انه اختي تستخدم النت
لاني شاب واعرف مصايب والنت وخفاياه
بتقولون وين الثقه في اختك
انا اقول انا اثق فيها ولكن المعروف انه لازم تفعل بالاسباب لتقي الشرور

هذا كان تفكيري قديما لانه انا ما كنت اعرف الا شات

ولكن بعد ما اشتركت في المنتدى وعن نفس استفدت الكثير
فمن الممكن اني اسنح لها انها تشترك ولكن مع وجود المراقبه

هذا اللي عندي

واختي حلم لا تلومين اخوكي، ترى غيره الولد على اخته ما تفوقها غيره

مشكورين جميعا

مع تحيات

الفارس

[محاره]

فارس كلامك صح انته قلت الواقع الي احنا عايشين فيه بس حبيت اقولك انه كل واحد او وحده تتصرف على الي اهيه متربيه عليه و اذا كانت الوحده او الواحد تربو صح ماكو شي بالدنيا يقدر يغيرهم ،و بالعكس ما راح تكون لي رده فعل اذا اخوي دخل لاني ادري شنو اهو و هو يدري انه انا مسجله بالمنتدى وهالشي ما فيه شي غلط ، صح ؟ الا اذا كان الواحد تفكيره غير فهالشي يختلف لأن الي يسوي شي غلط ما يبينه جدام الناس ويصير جنه سر و بس هذا تعليقي على الموضوع ، و مشكور اخوي فارس على هالموضوع الحلو :)